БАРИЛГА, ХОТ БАЙГУУЛАЛТЫН САЙДЫН ТУШААЛ

2023 оны 03 дугаар сарын 28-ны өдөр

Дугаар 60

Улаанбаатар хот

Барилгын дүрэм батлах тухай

Монгол Улсын Засгийн газрын тухай хуулийн 24 дүгээр зүйлийн 2 дахь хэсэг, Барилгын тухай хуулийн 14 дүгээр зүйлийн 14.9-д заасныг тус тус үндэслэн ТУШААХ нь:

1. "Барилга байгууламжийн эдэлгээний жишиг хугацаа тогтоох дүрэм"-ийг хавсралт ёсоор баталсугай.

2. Энэ тушаалын хавсралтаар баталсан дүрмийн хэрэгжилтэд хяналт тавьж ажиллахыг Барилга, барилгын материалын үйлдвэрлэлийн бодлогын хэрэгжилтийг зохицуулах газар /Д.Гантулга/-т, хэвлэл мэдээлэл, олон нийтийн хэрэгслээр нийтэд мэдээлж, таниулах ажлыг зохион байгуулж ажиллахыг "Барилгын хөгжлийн төв" ТӨААТҮГ /Ц.Амарсанаа/-т тус тус даалгасугай.

САЙД Ц.ДАВААСҮРЭН