"Гадаадын банкны салбар, төлөөлөгчийн газрын

үйл ажиллагааны нөхцөл, шаардлагыг тогтоох,

хэрэгжүүлэх журам"-ын Тавдугаар хавсралт

ГАДААДЫН БАНКНЫ ТӨЛӨӨЛӨГЧИЙН ГАЗРЫН УЛИРЛЫН ТАЙЛАН

Гадаадын банк, санхүүгийн байгууллагын төлөөлөгчийн газар нь улирлын үйл ажиллагааны тайландаа дараах мэдээллийг тусган, дараа улирлын эхний сарын 05-ны өдрийн дотор цаасан болон цахим хэлбэрээр Монголбанкинд ирүүлнэ. Үүнд:

1. Төлөөлөгчийн газрын бүтэц, бүрэлдэхүүн;

2. Тайлант улиралд Монгол Улсын банк, санхүүгийн байгууллагуудтай явуулсан хамтын ажиллагаа, харилцаа тогтооход туслалцаа үзүүлж байгаа эсэх;

3. Тайлант улиралд Монгол Улсын аж ахуйн нэгжүүдэд зуучилсан санхүүжилтийн талаарх мэдээлэл. Тухайлбал, санхүүжилт олгосон банкны байршил, нэгж, хугацаа, огноо, нөхцөл, дүн, төлөлт, үлдэгдэл, хамтран ажилласан байгууллагууд гэх мэт;

4. Төлөөлөгчийн газраас зуучилж санхүүжилт олгохоор судалж буй төслүүдийн талаарх мэдээлэл;

5. Тус банкны төв салбараас Төлөөлөгчийн газрын үйл ажиллагаанд хяналт тавьж буй эсэх;

6. Төлөөлөгчийн газар байгуулагдсанаас хойших хугацаанд банкнаас Монгол Улсын байгууллага, аж ахуйн нэгжүүдэд зуучилсан санхүүжилтийн талаарх мэдээллийг дүн, төлөлт, үлдэгдэл, хамтран ажилласан байгууллагуудын нэрс.