ДУНДГОВЬ АЙМГИЙН ЭРЧИМ ХҮЧНИЙ ЗОХИЦУУЛАХ ЗӨВЛӨЛИЙН ТОГТООЛ

2025 оны 05 дугаар сарын 08-ны өдөр

Дугаар 07

Мандалговь

ТОГТООЛ ХҮЧИНГҮЙ БОЛГОХ ТУХАЙ

Зөвшөөрлийн тухай хуулийн 6.3 дугаар зүйлийн 2 дахь заалт, Эрчим хүчний тухай хуулийн 24 дүгээр зүйлийн 24.3.1 дахь заалт, 22 дугаар зүйлийн 22.3 дахь заалтуудыг тус тус үндэслэн ТОГТООХ нь:

1.Дундговь аймгийн Сайнцагаан сумын хэрэглэгчдэд дулаан түгээх үйл ажиллагаа явуулж байсан Есөн эрдэнэ эв констракшн ХХК, Ариун болор ХХК-ийн тусгай зөвшөөрлүүдийг цуцалсантай холбогдуулан дулааны үнэ тарифын 2023 оны 05 дугаар сарын 17-ний өдрийн №10, №07 дугаартай тогтоолуудыг хүчингүй болсонд тооцсугай.

2.Дулааны үнэ тариф тогтоосон 2023 оны 10, 07 дугаар тогтоолыг хүчингүй болгосонтой холбогдуулан Захиргааны хэм хэмжээний актын улсын нэгдсэн сангаас хасуулахаар холбогдох материалыг хууль зүйн дотоод хэргийн яаманд хүргүүлэхийг Аймгийн Эрчим хүчний зохицуулах зөвлөлийн дарга (М.Дашхүү)-д үүрэг болгосугай.

3.Энэхүү тогтоолын биелэлтэд хяналт тавьж ажиллахыг Аймгийн Эрчим хүчний зохицуулах зөвлөлийн дарга (М.Дашхүү)-д даалгасугай.

ДАРГА М.ДАШХҮҮ

ГИШҮҮД Ц.АРИУНБАЯР

Б.ЗОЛЖАРГАЛ