БАЙГАЛЬ ОРЧИН, УУР АМЬСГАЛЫН ӨӨРЧЛӨЛТИЙН САЙДЫН ТУШААЛ

2024 оны 10 дугаар сарын 08-ны өдөр

Дугаар А/737

Улаанбаатар хот

ЖУРАМ ШИНЭЧЛЭН БАТЛАХ ТУХАЙ

Монгол Улсын Засгийн газрын тухай хуулийн 24 дүгээр зүйлийн 2 дахь хэсэг, Ойн тухай хуулийн 38 дугаар зүйлийн 38.6 дахь заалт, Захиргааны ерөнхий хуулийн 68 дугаар зүйлийн 68.2 дахь хэсгийг тус тус үндэслэн ТУШААХ нь:

1."Ойн дагалт баялгийг хамгаалах, зохистой ашиглах журам"-ыг хавсралт ёсоор шинэчлэн баталсугай.

2.Энэхүү журмыг захиргааны хэм хэмжээний улсын нэгдсэн бүртгэлд бүртгүүлж, хэрэгжилтэд хяналт тавьж ажиллахыг Байгалийн нөөцийн бодлогын хэрэгжилтийн газар (Ц.Уранчимэг)-т, хэрэгжилтийг хангаж ажиллахыг Тусгай хамгаалалттай газар нутгийн бодлогын хэрэгжилтийн газар (Д.Батцогт)-т, Засгийн газрын хэрэгжүүлэгч агентлаг Ойн газар (Б.Оюунсанаа)-т, аймаг, нийслэлийн Засаг дарга нарт тус тус үүрэг болгосугай.

3.Энэ тушаал батлагдсантай холбогдуулан Байгаль орчин, аялал жуулчлалын сайдын "Журам батлах тухай" 2023 оны 09 дүгээр сарын 13-ны өдрийн А/450 дугаар тушаалыг хүчингүй болсонд тооцсугай.

САЙД С.ОДОНТУЯА