ТӨВ АЙМГИЙН БАТСҮМБЭР СУМЫН ИРГЭДИЙН ТӨЛӨӨЛӨГЧДИЙН ХУРЛЫН ТОГТООЛ

2022 оны 04 дүгээр сарын 15-ны өдөр

Дугаар 04

Мандал

ТОГТООЛ ХҮЧИНГҮЙ БОЛСОНД ТООЦОХ ТУХАЙ

Монгол улсын Засаг захиргаа нутаг дэвсгэрийн нэгж, түүний удирдлагын тухай хуулийн 35 дугаар зүйлийн 35.1.17 дахь заалт, 48 дугаар зүйлийн 48.1 дэх хэсэг, Засгийн газрын 2021 оны 314 дугаар тогтоолыг тус тус үндэслэн сумын иргэдийн Төлөөлөгчдийн Хурлаас ТОГТООХ нь:

1.Хөгжлийн бодлого, төлөвлөлтийн баримт бичгийн уялдаа холбоог хангаж, давхардал, зөрчлийг арилгах зорилгоор хүчингүй болгох сумын ИТХ-ын болон Тэргүүлэгчдийн хуралдааны тогтоолуудыг хавсралтаар баталсугай.

2.Орон нутгийн түвшинд батлан хэрэгжүүлэх бодлого, хөтөлбөр, тогтоолд Захиргааны ерөнхий хуульд нийцүүлэн батлуулахыг сумын Засаг дарга (Д.Ганболд)-д даалгасугай.

3.Нийтээр дагаж мөрдөх тогтоолд дүн шинжилгээ хийж хуульд нийцүүлэн мөрдүүлэхийг иргэдийн Төлөөлөгчдий Хурлын ажлын албанд үүрэг болгосугай.

ДАРГА Б.ЦЭЦЭНТУНСАГ