МОНГОЛ УЛСЫН ЗАМ, ТЭЭВРИЙН ХӨГЖЛИЙН САЙДЫН ТУШААЛ

2023 оны 10 дугаар сарын 16-ны өдөр

Дугаар А/273

Улаанбаатар хот

ИРГЭНИЙ НИСЭХИЙН БАГЦ ДҮРЭМД НЭМЭЛТ, ӨӨРЧЛӨЛТ ОРУУЛАХ ТУХАЙ

Монгол Улсын Засгийн газрын тухай хуулийн 24 дүгээр зүйлийн 2 дахь хэсэг, Монгол Улсын яамны эрх зүйн байдлын тухай хуулийн 8 дугаар зүйлийн 8.5 дахь заалт, Иргэний нисэхийн тухай хуулийн 7 дугаар зүйлийн 7.1.8 дахь заалтыг тус тус үндэслэн ТУШААХ нь:

1.Зам, тээврийн хөгжлийн сайдын 2019 оны 06 дугаар сарын 12-ны өдрийн "Багц дүрэм батлах тухай" 187 дугаар тушаалын хоёрдугаар хавсралтаар баталсан ИНБД-2-ын ИНД-21 "Бүтээгдэхүүн, эд ангийн гэрчилгээжүүлэлт"-д орох нэмэлт, өөрчлөлтийг нэгдүгээр хавсралтаар, гуравдугаар хавсралтаар баталсан ИНБД-3-ын ИНД-145 "Агаарын хөлгийн техник үйлчилгээний байгууллагын гэрчилгээжүүлэлт"-д орох өөрчлөлтийг хоёрдугаар хавсралтаар, тавдугаар хавсралтаар баталсан ИНБД-5-ын ИНД-172 "Нислэгийн хөдөлгөөний үйлчилгээний байгууллагын гэрчилгээжүүлэлт"-д орох нэмэлт, өөрчлөлтийг гуравдугаар хавсралтаар, зургаадугаар хавсралтаар баталсан ИНБД-6-гийн ИНД-119 "Агаарын тээвэрлэгчийн гэрчилгээжүүлэлт"-д орох өөрчлөлтийг дөрөвдүгээр хавсралтаар, долоодугаар хавсралтаар баталсан ИНБД-7-гийн ИНД-139 "Аэродромын үйл ажиллагаа, гэрчилгээжүүлэлт"-д орох нэмэлт, өөрчлөлтийг тавдугаар хавсралтаар, наймдугаар хавсралтаар баталсан ИНБД-8-ын ИНД-100 "Аюулгүй байдлын удирдлагын тогтолцоо"-нд орох өөрчлөлтийг зургаадугаар хавсралтаар, аравдугаар хавсралтаар баталсан ИНБД-10-ын ИНД-65 "Нислэгийн хөдөлгөөний үйлчилгээний ажилтны үнэмлэх, зэрэглэл"-д орох нэмэлт, өөрчлөлтийг долоодугаар хавсралтаар, аравдугаар хавсралтаар баталсан ИНБД-10-ын ИНД-91 "Нислэгийн үйл ажиллагааны ерөнхий дүрэм"-д орох нэмэлт, өөрчлөлтийг наймдугаар хавсралтаар, арван гуравдугаар хавсралтаар баталсан ИНБД-13-ын ИНД-121 "Том нисэх онгоцны арилжааны нислэгийн үйл ажиллагаа"-нд орох нэмэлт, өөрчлөлтийг есдүгээр хавсралтаар, арван гуравдугаар хавсралтаар баталсан ИНБД-13-ын ИНД-125 "Дунд нисэх онгоцны арилжааны нислэгийн үйл ажиллагаа"-нд орох нэмэлт, өөрчлөлтийг аравдугаар хавсралтаар, арван гуравдугаар хавсралтаар баталсан ИНБД-13-ын ИНД-135 "Нисдэг тэрэг болон жижиг нисэх онгоцны арилжааны нислэгийн үйл ажиллагаа"-нд орох нэмэлт, өөрчлөлтийг арван нэгдүгээр хавсралтаар, арван гуравдугаар хавсралтаар баталсан ИНБД-13-ын ИНД-61 "Нисгэгчийн үнэмлэх, зэрэглэл"-д орох өөрчлөлтийг арван хоёрдугаар хавсралтаар тус тус баталсугай.

2.Иргэний нисэхийн багц дүрмийг мөрдөж, дүрмийн хэрэгжилтэд хяналт-шинжилгээ үнэлгээ хийж, шаардлагатай тохиолдолд боловсронгуй болгох ажлыг шуурхай зохион байгуулж ажиллахыг Иргэний нисэхийн ерөнхий газар (Ч.Мөнхтуяа)-т үүрэг болгосугай.

САЙД С.БЯМБАЦОГТ