МОНГОЛ УЛСЫН ЗАСГИЙН ГАЗРЫН ТОГТООЛ

2023 оны 11 сарын 01 өдөр

Дугаар 394

Улаанбаатар хот

ОЙ ТЭМДЭГЛЭХ ТУХАЙ

Нийтээр тэмдэглэх баярын болон тэмдэглэлт өдрүүдийн тухай хуулийн 5.2-т заасныг үндэслэн Монгол Улсын Засгийн газраас ТОГТООХ нь:

1.Монгол бичиг, соёлын түүхэнд холбогдох "Чингисийн чулууны бичиг"-ийн 800 жил, Цогт хун тайжийн бичээс буюу "Дуутын хар чулууны бичээс"-ийн 400 жилийн ойг тус тус 2024 онд тэмдэглэсүгэй.

2.Ой тэмдэглэх арга хэмжээг зохион байгуулах үйл ажиллагааны төлөвлөгөөг батлан хэрэгжүүлж ажиллахыг Соёлын сайд Ч.Номин, Боловсрол, шинжлэх ухааны сайд Л.Энх-Амгалан нарт даалгасугай.

3.Ой тэмдэглэх арга хэмжээг зохион байгуулах үйл ажиллагааны төлөвлөгөөний хэрэгжилтийн дүнг Засгийн газарт танилцуулахыг Соёлын сайд Ч.Номинд даалгасугай.

МОНГОЛ УЛСЫН ЕРӨНХИЙ САЙД Л.ОЮУН-ЭРДЭНЭ

СОЁЛЫН САЙД Ч.НОМИН