ӨВӨРХАНГАЙ АЙМАГ БАЯНГОЛ СУМЫН ИРГЭДИЙН ТӨЛӨӨЛӨГЧДИЙН ХУРЛЫН ТОГТООЛ

2023 оны 12 дугаар сарын 05-ны өдөр

Дугаар 15/04

Баянгол сум

МАЛЫН ТОО ТОЛГОЙН АЛБАН ТАТВАРЫН ХЭМЖЭЭГ ШИНЭЧЛЭН ТОГТООХ ТУХАЙ

Монгол Улсын засаг захиргаа, нутаг дэвсгэрийн нэгж, түүний удирдлагын тухай хуулийн 35 дугаар зүйлийн 35.1.10, Татварын ерөнхий хуулийн 8 дугаар зүйлийн 8.1, Малын тоо толгойн албан татварын тухай хуулийн 6 дугаар зүйлийн 6.1, 6.2 дахь заалтыг тус тус үндэслэн ТОГТООХ нь:

1.Сумын малчин, мал бүхий иргэдийн өмчилж буй малын төрөл тус бүрээр тоо толгойд ногдуулах албан татварын хэмжээг тэмээ-400 төгрөг, адуу-600 төгрөг, үхэр-400 төгрөг, хонь-600 төгрөг, ямаа-600 төгрөг байхаар тус тус шинэчлэн тогтоосугай.

2.Тогтоолын хэрэгжилтийг ханган ажиллахыг сумын Засаг дарга (Д.Бямбатогтох), тогтоолын хэрэгжилтэд хяналт тавин ажиллахыг сумын иргэдийн Төлөөлөгчдийн Хурлын Удирдлага, төсөв санхүүгийн хороо (Д.Чинзориг) нарт тус тус үүрэг болгосугай.

3.Энэхүү тогтоол гарсантай холбогдуулан сумын иргэдийн Төлөөлөгчдийн Хурлын 2021 оны 03 дугаар сарын 23-ны өдрийн "Малын тоо толгойн албан татварын хэмжээ тогтоох тухай" 03/06 дугаар тогтоолыг хүчингүй болсонд тооцсугай.

ДАРГА Д.ЧИНЗОРИГ