ЗАСГИЙН ГАЗРЫН ТОГТООЛ (ЗАХИРАМЖ)

АЛБАН ТУШААЛЫН ЦАЛИНГИЙН ЖИШИГ ШИНЭЧЛЭН ТОГТООХ ТУХАЙ

1997 оны 10 дугаар сарын 18-ны өдөр

Улаанбаатар хот

Дугаар 209

Төрийн албаны тухай хуулийн 28 дугаар зүйлийн 5 дахь хэсгийг үндэслэн Монгол Улсын Засгийн газраас ТОГТООХ нь:

1.Улс төрийн албан тушаал эрхэлдэг зарим албан хаагчийн албан тушаалын сарын цалингийн жишгийг дор дурдсанаар шинэчлэн тогтоож, энэ оны 10 дугаар сарын 1-нээс эхлэн мөрдүүлсүгэй:

Дүүргийн Засаг дарга 37260-44160 төгрөг;

Сумын Засаг дарга 34500-41400 төгрөг;

Хорооны Засаг дарга 27600-33120 төгрөг;

Багийн Засаг дарга 23460-28980 төгрөг. /Засгийн газрын 1998 оны 53 дугаар тогтоолоор хүчингүй болсонд тооцсон/

2.Энэ тогтоол гарсантай холбогдуулан "Улс төрийн зарим албан хаагчийн албан тушаалын цалингийн жишгийг шинэчлэн тогтоох тухай" Засгийн газрын 1997 оны 7 дугаар сарын 2-ны өдрийн 158 дугаар тогтоолын 1 дүгээр зүйлийг хүчингүй болсонд тооцсугай.

Монгол Улсын Ерөнхий сайд М.ЭНХСАЙХАН

Сангийн сайд П.ЦАГААН

Эрүүл мэнд, нийгмийн хамгааллын сайд Л.ЗОРИГ