МОНГОЛ УЛСЫН ЗАСГИЙН ГАЗРЫН ТОГТООЛ

2026 оны 02 сарын 04 өдөр

Дугаар 39

Улаанбаатар хот

ДААТГАЛЫН БОСГО ҮЗҮҮЛЭЛТ ШИНЭЧЛЭН ТОГТООХ ТУХАЙ

Монгол Улсын Засгийн газрын тухай хуулийн 30 дугаар зүйлийн 1 дэх хэсэг, Малын индексжүүлсэн даатгалын тухай хуулийн 7 дугаар зүйлийн 7.1, 7.3, 7.4 дэх хэсгийг тус тус үндэслэн Монгол Улсын Засгийн газраас ТОГТООХ нь:

1.Малын индексжүүлсэн даатгалын тохиолдлыг тодорхойлох, эрсдэлийг хуваарилах зорилгоор 2026-2028 онд мөрдөх "Малын индексжүүлсэн даатгалын босго үзүүлэлт"-ийг хавсралт ёсоор шинэчлэн тогтоосугай.

2.Шинэчлэн тогтоосон даатгалын босго үзүүлэлтийг мөрдүүлж, хэрэгжилтэд хяналт тавьж ажиллахыг Сангийн сайд Б.Жавхланд даалгаж, Санхүүгийн зохицуулах хороо (Т.Жамбаажамц)-д зөвлөсүгэй.

3.Энэ тогтоол гарсантай холбогдуулан "Даатгалын босго үзүүлэлт шинэчлэн тогтоох тухай" Засгийн газрын 2023 оны 12 дугаар сарын 27-ны өдрийн 473 дугаар тогтоолыг хүчингүй болсонд тооцсугай.

МОНГОЛ УЛСЫН ЕРӨНХИЙ САЙД Г.ЗАНДАНШАТАР

САНГИЙН САЙД Б.ЖАВХЛАН