БАЯНХОНГОР АЙМГИЙН БАЯН-ОВОО СУМЫН ИРГЭДИЙН ТӨЛӨӨЛӨГЧДИЙН ХУРЛЫН ХУРАЛДААНЫ ТОГТООЛ

2023 оны 12 дугаар сарын 19-ны өдөр

Дугаар 12/03

Хөхбүрд

МАЛЫН ТОО ТОЛГОЙН АЛБАН ТАТВАРЫН ХЭМЖЭЭНД ӨӨРЧЛӨЛТ ОРУУЛАХ ТУХАЙ

Монгол Улсын Засаг захиргаа нутаг дэвсгэрийн нэгж, түүний удирдлагын тухай хуулийн 35 дугаар зүйлийн 35.1.10, 35.1.14, Татварын ерөнхий хуулийн 8 дугаар зүйлийн 8.1, Малын тоо толгойн албан татварын тухай хуулийн 6 дугаар зүлийн 6.1, 6.2 заалтыг тус тус үндэслэн иргэдийн Төлөөлөгчдийн Хурлын 12 дугаар хуралдаанаас ТОГТООХ нь:

1.Сумын малын тоо толгойн албан татварын ногдол, төлөлтыг хэлэлцээд 2023 оны малын тоо толгойн албан татварын хувь хэмжээг бууруулан тогтоосугай.

2.Малын тоо толгойн албан татварын хэмжээг малын таван төрөл тус бүр дээр 400 (дөрвөн зуун) төгрөг байхаар тогтсугай.

3.Тогтоолыг захиргааны хэм хэмжээний актын Улсын нэгдсэн бүртгэлд бүртгүүлснээр дагаж мөрдсүгэй.

3.Татварын хэмжээ, ногдолыг сурталчилан таниулж, татвар төвлөрүүлэлтийг үр дүнтэй зохион байгуулахыг Засаг дарга (Г.Орхонтуул)-д үүрэг болгосугай.

4.Тогтоолын хэрэгжилтэд хяналт тавьж ажиллахыг иргэдийн Төлөөлөгчдийн Хурлын Төсөв санхүү, эдийн засгийн хөгжлийн хороо (Ц.Жаргалсайхан)-д даалгасугай.

5.Энэ тогтоол гарсантай холбогдуулан 2022 оны 12 дугаар сарын 19-ны өдрийн 8/04 тоот тогтоолыг хүчингүй болсонд тооцсугай.

ДАРГА Б.ОТГОНБАЯР