БУЛГАН АЙМГИЙН БАЯН-АГТ СУМЫН ИРГЭДИЙН ТӨЛӨӨЛӨГЧДИЙН ХУРЛЫН

ЭЭЛЖИТ XVIII ХУРАЛДААНЫ ТОГТООЛ

2023 оны 12 дугаар сарын 18-ны өдөр

Дугаар 08

Баян-Агт сум

СУМЫН СУУРИН МАЛ МАЛЛАГААНЫ БҮС ТОГТООХ ТУХАЙ

Монгол Улсын засаг захиргаа, нутаг дэвсгэрийн нэгж, түүний удирдлагын тухай хуулийн 35 дугаар зүйлийн 35.1.13, 35.1.14 дэх заалт, Газрын тухай хуулийн 52 дугаар зүйлийн 52.4, 52.6. дахь заалтыг тус тус үндэслэн ТОГТООХ нь:

1.Баян-Агт сумын суурин мал маллагааны бүсийг Хүрэмт багийн нутаг Толийн булагт байхаар тогтоосугай.

2.Сумын суурин мал маллагааны бүс тогтоосон байршил, зураглалыг нэгдүгээр, мал маллагааны бүсэд мөрдөгдөх журмыг хоёрдугаар хавсралтаар тус тус баталсугай

3.Сумын төвд мал маллаж буй малчин өрхийг тогтоосон бүс нутагт шилжүүлж, журмын хэрэгжилтийг хангуулан ажиллахыг сумын Засаг дарга (Л.Эрдэнэбилэг)-т үүрэг болгосугай.

4.Захиргааны хэм хэмжээний актыг Улсын нэгдсэн бүртгэлд бүртгэж, "Захиргааны хэм хэмжээний актын эмхэтгэл"-д нийтэлсэн өдрөөс эхлэн дагаж мөрдсүгэй.

5.Энэхүү тогтоол гарсантай холбогдуулан сумын иргэдийн Төлөөлөгчдийн Хурлын 2023 оны 06 дугаар сарын 29-ний өдрийн 08 дугаар тогтоолыг хүчингүй болсонд тооцсугай.

ДАРГА Н.ГАНБОЛД