БАЯН-ӨЛГИЙ АЙМГИЙН ЗОХИЦУУЛАХ ЗӨВЛӨЛИЙН ТОГТООЛ

2024 оны 01 дүгээр сарын 16-ны өдөр

Дугаар 24/08

Өлгий

ТАРИФ БАТЛАХ ТУХАЙ

Эрчим хүчний тухай хуулийн 9 дүгээр зүйлийн 9.1.4, 9.2, 11.3.3 дахь хэсэг, Захиргааны ерөнхий хуулийн 67 дугаар зүйлийн 67.2 дахь хэсэг, "Хүлэг-Ирээдүй" ХХК-ийн 2023 оны 06 дугаар сарын 30-ны өдрийн 57 тоот албан бичгээр ирүүлсэн тарифын саналыг тус тус үндэслэн Аймгийн зохицуулах зөвлөлөөс ТОГТООХ нь:

1."Хүлэг-Ирээдүй" ХХК-ийн дулаан түгээх сүлжээнд холбогдсон Өлгий сумын 14 дүгээр цэцэрлэгт борлуулах дулааны эрчим хүчний тарифыг хавсралт ёсоор баталсугай.

2.Батлагдсан тарифыг "Захиргааны хэм хэмжээний актын эмхэтгэл"-д нийтлэгдсэн өдрөөс эхэлж дагаж мөрдөж ажиллахыг "Хүлэг-Ирээдүй" ХХК /А.Егеухан/-д үүрэг болгосугай.

3.Энэхүү тогтоолын биелэлтэд хяналт тавьж ажиллахыг Эрчим хүчний зохицуулах зөвлөлийг гишүүд /Ш.Серикбол, Х.Харлыгаш /-д даалгасугай.

4.Энэ тогтоол батлагдсантай холбогдуулан Аймгийн зохицуулах зөвлөлийн "Тариф батлах тухай" 2017 оны 11 дүгээр сарын 27-ны 12 дугаар тогтоолыг хүчингүй болгосугай.

ДАРГА Х.АРМАН

ЗОХИЦУУЛАГЧ Ш.СЕРИКБОЛ

ЗОХИЦУУЛАГЧ Х.ХАРЛЫГАШ