Нүүр
Эрх зүйн акт 
Сонсох / Сонгосон утга сонсох
Pdf
Word
Хэвлэх
МОНГОЛ УЛСЫН ЗАСГИЙН ГАЗРЫН ТОГТООЛ
2024 оны 02 сарын 28 өдөр
Дугаар 73
Улаанбаатар хот
ТОГТООЛД НЭМЭЛТ ОРУУЛАХ ТУХАЙ
Уул уурхайн бүтээгдэхүүний биржийн тухай хуулийн 5.4, 10.1, Ашигт малтмалын тухай хуулийн 47.14-т заасныг тус тус үндэслэн Монгол Улсын Засгийн газраас ТОГТООХ нь:
1.Засгийн газрын 2023 оны 223 дугаар тогтоолоор баталсан "Биржээр арилжаалах бүтээгдэхүүний нэр төрөл, ангилал"-д доор дурдсан агуулгатай 4, 5 дахь заалт нэмсүгэй:
|
4. |
Зэс |
Баяжмал |
Засгийн газрын 2011 оны 193 дугаар тогтоолын хавсралтын 2.4, 2.6-д заасан ангиллын дагуу тооцно. |
|
Бүтээгдэхүүн |
|||
|
5. |
Молибден |
Баяжмал |
|
|
Бүтээгдэхүүн |
2.Энэ тогтоол гарсантай холбогдуулан Засгийн газрын 2016 оны 81 дүгээр тогтоолын 1 дүгээр хавсралтаар баталсан "Уул уурхайн экспортын бүтээгдэхүүний борлуулалтын үнэлгээ, үнэлгээний үндэслэл болгох олон улсын жишиг үнэ тогтоодог бирж"-д доор дурдсан агуулгатай 6, 7 дахь заалт нэмсүгэй:
|
6. 6.... 6 |
Зэс |
Уул уурхайн бүтээгдэхүүний бирж (Монголын хөрөнгийн бирж)-ийн арилжааны үнэ
Уул уурхайн бүтээгдэхүүний бирж (Монголын хөрөнгийн бирж)-ээр арилжсан зэсийн тухайд энэ хавсралтын 1-д заасныг үл харгалзан Уул уурхайн бүтээгдэхүүний бирж (Монголын хөрөнгийн бирж)-ийн арилжааны үнийн мэдээллийг эх сурвалж болгоно. |
|
|
7. |
Молибден |
Уул уурхайн бүтээгдэхүүний бирж (Монголын хөрөнгийн бирж)-ийн арилжааны үнэ
Уул уурхайн бүтээгдэхүүний бирж (Монголын хөрөнгийн бирж)-ээр арилжсан молибдений тухайд энэ хавсралтын 5-д заасныг үл харгалзан Уул уурхайн бүтээгдэхүүний бирж (Монголын хөрөнгийн бирж)-ийн арилжааны үнийн мэдээллийг эх сурвалж болгоно. |
|
3.Төсвийн орлогыг бууруулахгүй байх шаардлагын хүрээнд зэс болон молибдений баяжмал, бүтээгдэхүүнийг уул уурхайн бүтээгдэхүүний биржээр арилжаалахдаа арилжааны дуудах доод үнийг Лондонгийн металлын биржээр зарлагдаж байгаа тухайн сарын үнээс багагүй байхаар тогтоон зарлаж байхыг "Эрдэнэт үйлдвэр" ТӨҮГ (Г.Ёндон), "Эрдэнэс Монгол" ХХК (С.Наранцогт), "Монголын хөрөнгийн бирж" ХК (Ж.Цогтбаяр), Уул уурхай, хүнд үйлдвэрийн сайд Ж.Ганбаатар нарт үүрэг болгосугай.
4.Энэ тогтоолын хэрэгжилтийг хангаж ажиллахыг "Эрдэнэс Монгол" ХХК (С.Наранцогт), "Монголын хөрөнгийн бирж" ХК (Ж.Цогтбаяр), Гаалийн ерөнхий газар (Р.Отгонжаргал), Татварын ерөнхий газар (Ч.Чимидсүрэн), Ашигт малтмал, газрын тосны газар (Л.Баярмандал)-т, хэрэгжилтэд хяналт тавьж ажиллахыг Монгол Улсын Шадар сайд бөгөөд Эдийн засаг, хөгжлийн сайд Ч.Хүрэлбаатар, Уул уурхай, хүнд үйлдвэрийн сайд Ж.Ганбаатар нарт тус тус даалгасугай.
МОНГОЛ УЛСЫН ЕРӨНХИЙ САЙД Л.ОЮУН-ЭРДЭНЭ
УУЛ УУРХАЙ, ХҮНД ҮЙЛДВЭРИЙН САЙД Ж.ГАНБААТАР
