Нүүр
Хүчингүй эрх зүйн акт 
Сонсох / Сонгосон утга сонсох
Pdf
Word
Хэвлэх
ХЭНТИЙ АЙМГИЙН ЖАРГАЛТХААН СУМЫН ИРГЭДИЙН ТӨЛӨӨЛӨГЧДИЙН ХУРЛЫН 16 ДУГААР ХУРАЛДААНЫ ТОГТООЛ
2024 оны 02 дугаар сарын 07-ны өдөр
Дугаар 09
Жаргалтхаан сум
МАЛЫН ТОО ТОЛГОЙД НОГДОХ АЛБАН ТАТВАРЫН ХЭМЖЭЭНД ӨӨРЧЛӨЛТ ОРУУЛАХ ТУХАЙ
Монгол Улсын Засаг захиргаа, нутаг дэвсгэрийн нэгж түүний удирдлагын тухай хуулийн 48 дугаар зүйлийн 48.1, 48.2 дахь хэсэг, Захиргааны ерөнхий хуулийн 64 дүгээр зүйлийн 64.1 дэх хэсэг, Малын тоо толгойн албан татварын тухай хуулийн 6 дугаар зүйлийн 6.1, 6.2, 6.3, 6.4 дэх хэсгүүдийг тус тус үндэслэн сумын Иргэдийн Төлөөлөгчдийн Хурлын Арванзургаадугаар хуралдаанаас ТОГТООХ нь:
1.Тус сумын малчин, мал бүхий этгээдийн малын тоо толгойд ногдох албан татварын хэмжээг 2024 оныг дуустал адуунд 0, үхэрт 0, ямаанд 0, хонинд 0, тэмээнд 0 төгрөг байхаар тус тус тогтоосугай.
2.Тогтоолын хэрэгжилтийн тайланг бүтэн жилээр Иргэдийн Төлөөлөгчдийн хуралд тайлагнаж ажиллахыг сумын Засаг дарга (Л.Цэнгэл)-д даалгасугай.
3.Тогтоолын хэрэгжилтэд хяналт тавьж ажиллахыг Байгаль орчин, хөдөө аж ахуйн хөгжлийн бодлогын хороо (С.Ундрал)-нд даалгасугай.
4.Энэхүү тогтоол батлагдсантай холбогдуулан сумын Иргэдийн Төлөөлөгчдийн Хурлын 2021 оны 02 дугаар сарын 08-ны өдрийн Гуравдугаар Хуралдааны 03 дугаар тогтоолыг хүчингүйд тооцсугай.
ДАРГА Б.ЦОГТ-ОРШИХ
ХЭНТИЙ АЙМГИЙН ЖАРГАЛТХААН СУМЫН ИРГЭДИЙН ТӨЛӨӨЛӨГЧДИЙН ХУРЛЫН ХОЁРДУГААР ХУРАЛДААНЫ ТОГТООЛ
2024 оны 12 дугаар сарын 26-ны өдөр
Дугаар 06
Жаргалтхаан сум
МАЛЫН ТОО ТОЛГОЙД НОГДОХ АЛБАН ТАТВАРЫН ХЭМЖЭЭГ ТОГТООХ ТУХАЙ
Монгол Улсын засаг захиргаа, нутаг дэвсгэрийн нэгж түүний удирдлагын тухай хуулийн 48 дугаар зүйлийн 48.1, 48.2 дахь заалт, 35 дугаар зүйлийн 35.1.10 дахь заалт, 15 дугаар зүйлийн 15.1.2, 20 дугаар зүйлийн 20.1.3, 22 дугаар зүйлийн 22.1.4 дэх заалт, Малын тоо толгойн албан татварын тухай хуулийн 6 дугаар зүйлийн 6.2, 6.4 дэх заалтуудыг тус тус үндэслэн сумын Иргэдийн Төлөөлөгчдийн Хурлын Хоёрдугаар хуралдаанаар хэлэлцээд ТОГТООХ нь:
1.Сумын нутаг дэвсгэрт дагаж мөрдөх малын тоо толгойд ногдох албан татварын хэмжээ, малчдын амьжиргааг дэмжих зорилгоор малчны өмчилж байгаа малаас 0 төгрөгийн албан татвар ноогдох малын тоо толгойн хэмжээг хавсралтаар баталсугай.
2.Малын тоо толгойн албан татварыг хуульд заасан хугацаанд орон нутгийн төсөвт төвлөрүүлж, Төсвийн тухай хуулийн 60 дугаар зүйлийн 60.2.8-д заагдсан үйл ажиллагаанд зарцуулж, тайланг жил бүр сумын Иргэдийн Төлөөлөгчдийн Хуралд тайлагнаж ажиллахыг сумын Засаг дарга (С.Ганбат)-д үүрэг болгосугай.
3.Тогтоолыг Хууль зүйн яаманд хуульд заасан хугацаанд хүргүүлж, Захиргааны хэм хэмжээний актаар хянуулан батлуулахыг сумын Засаг дарга (С.Ганбат)-д даалгасугай.
4.Энэхүү тогтоол батлагдсантай холбогдуулан сумын Иргэдийн Төлөөлөгчдийн Хурлын 2024 оны 02 дугаар сарын 07-ны өдрийн Арванзургаадугаар хуралдааны 09 дүгээр тогтоолыг хүчингүйд тооцсугай.
ДАРГА Б.ЧИНБАТ
