ТӨВ АЙМГИЙН БАЯНДЭЛГЭР СУМЫН ИРГЭДИЙН ТӨЛӨӨЛӨГЧДИЙН ХУРЛЫН ТОГТООЛ

2024 оны 02 дугаар сарын 28-ны өдөр

Дугаар 04

Баяндэлгэр Уул

МАЛЫН ТОО ТОЛГОЙН АЛБАН ТАТВАРААС ЧӨЛӨӨЛӨХ ТУХАЙ

Монгол Улсын Засаг захиргаа нутаг дэвсгэрийн нэгж, түүний удирдлагын тухай хуулийн 35 дугаар зүйлийн 35.1.10, 35.1.14, 35.1.17, 48 дугаар зүйлийн 48.1 дэх заалт, Малын тоо толгойн албан татварын тухай хуулийн 6 дугаар зүйлийн 6.1, 6.2, 6.3, Татварын ерөнхий хуулийн 8 дугаар зүйлийн 8.4 дэх заалт, Захиргааны ерөнхий хуулийн 64 дүгээр зүйлийн 64.1, 64.6 дахь заалтуудыг тус тус үндэслэн сумын Иргэдийн Төлөөлөгчдийн Хурлын ээлжит хорин нэгдүгээр хуралдаанаас ТОГТООХ нь:

1.2023-2024 онуудад сумын хэмжээнд өвөлжилт, хаваржилтын нөхцөл байдал хүндэрч мал олноор хорогдож байгаа тул малчид, мал бүхий этгээдийн амьжиргааг дэмжих зорилгоор малын тоо толгойн албан татварын хувь хэмжээг таван төрөл тус бүрд 0 төгрөг байхаар тогтоосугай.

2.Энэхүү тогтоол батлагдсантай холбогдуулан сумын Иргэдийн Төлөөлөгчдийн хурлын 2021 оны 07 дугаар сарын 09-ны өдрийн 08 дугаар тогтоолыг хүчингүй болсонд тооцсугай.

3.Тогтоолыг Хууль зүй, дотоод хэргийн яаманд хүргүүлэн захиргааны хэм хэмжээний актын улсын нэгдсэн санд бүртгүүлэх арга хэмжээ авч ажиллахыг иргэдийн Төлөөлөгчдийн Хурлын ажлын алба (Ё.Батхуяг)-нд даалгасугай.

4. Тогтоолын хэрэгжилтэд хяналт тавьж, нийтэд сурталчилж ажиллахыг сумын иргэдийн Төлөөлөгчдийн хурлын Зөвлөл, төлөөлөгчдөд үүрэг болгосугай.

ДАРГА Ц.ЭНХТҮВШИН