МОНГОЛ УЛСЫН ЗАСГИЙН ГАЗРЫН ТОГТООЛ

2024 оны 03 сарын 13 өдөр

Дугаар 107

Улаанбаатар хот

ТОГТООЛЫН ХАВСРАЛТАД ӨӨРЧЛӨЛТ ОРУУЛАХ ТУХАЙ

Гадаадын иргэний эрх зүйн байдлын тухай хуулийн 9.2.1-д заасныг үндэслэн Монгол Улсын Засгийн газраас ТОГТООХ нь:

1."Журам шинэчлэн батлах тухай" Засгийн газрын 2021 оны 7 дугаар сарын 7-ны өдрийн 192 дугаар тогтоолын хавсралтаар баталсан "Монгол Улсын виз олгох журам"-ын 7.1, 7.2, 7.3 дахь заалтыг доор дурдсанаар өөрчлөн найруулсугай:

1/"7.1.Энэ журмын 2.1.1-2.1.6-д заасан ангиллын визийг гадаад харилцааны асуудал эрхэлсэн төрийн захиргааны төв байгууллага, 2.1.7-2.1.8, 2.2-2.9-д заасан ангиллын визийг гадаадын иргэний асуудал эрхэлсэн төрийн захиргааны байгууллага цахимаар олгож болно."

2/"7.2.Цахимаар виз мэдүүлэгч нь цээж зураг болон энэ журмын 5.3, 5.4-т заасан холбогдох баримт бичгийг системд оруулна."

3/"7.3.Энэ журмын 2.9.2, 2.9.3, 2.9.4, 2.9.6-д заасан ангиллын цахим визийн мэдүүлгийг 2 хүртэл хоногийн дотор хянан шийдвэрлэнэ."

МОНГОЛ УЛСЫН ЕРӨНХИЙ САЙД Л.ОЮУН-ЭРДЭНЭ

ХУУЛЬ ЗҮЙ, ДОТООД ХЭРГИЙН САЙД Б.ЭНХБАЯР