ХЭНТИЙ АЙМАГ ӨМНӨДЭЛГЭР СУМЫН ИРГЭДИЙН ТӨЛӨӨЛӨГЧДИЙН ХУРЛЫН ТОГТООЛ

2024 оны 03 дугаар сарын 12-ны өдөр

Дугаар А/04

Өмнөдэлгэр сум

МАЛЫН ТОО ТОЛГОЙД НОГДОХ АЛБАН ТАТВАРЫН ХЭМЖЭЭГ ШИНЭЧЛЭН ТОГТООХ ТУХАЙ

Монгол Улсын Засаг захиргаа нутаг дэвсгэрийн нэгж, түүний удирдлагын тухай хуулийн 48 дугаар зүйлийн 48.1, 48.2 дахь хэсэг, Захиргааны ерөнхий хуулийн 64 дүгээр зүйлийн 64.1 дэх заалт, "Малын тоо толгойн албан татварын тухай" хуулийн 6 дугаар зүйлийн 6.1, 6.2, 6.3 дахь заалтуудыг тус тус үндэслэн сумын иргэдийн Төлөөлөгчдийн Хурлын ээлжит Хорьдугаар хуралдаанаас ТОГТООХ нь:

1.Сумын малчин, мал бүхий этгээдийн малын тоо толгойд ногдох албан татварын хэмжээг малын төрөл тус бүрд 0 төгрөг байхаар шинэчлэн тогтоосугай.

2.Тогтоолын хэрэгжилтийн тайланг бүтэн жилээр иргэдийн Төлөөлөгчдийн Хуралд тайлагнаж ажиллахыг сумын Засаг дарга (Б.Эрдэнэбаатар)-д даалгасугай.

3.Тогтоолын хэрэгжилтэд хяналт тавьж, Хорооны ажлын төлөвлөгөөнд тусган ажиллахыг Байгаль орчин, хөдөө аж ахуй, үйлдвэрлэлийн асуудал эрхэлсэн хороо (Э.Баярбат)-д үүрэг болгосугай.

4.Сумын иргэдийн Төлөөлөгчдийн Хурлын 2021 оны 02 дугаар сарын 24-ний өдрийн А/19 дүгээр тогтоолыг хүчингүйд тооцсугай.

ДАРГА Т.АМАРТЭМҮҮЛЭН