Хөдөлмөр, нийгмийн хамгааллын сайд, Сангийн сайдын 2024 оны 3 дугаар сарын 06-ны өдрийн А/44/А/40 дүгээр хамтарсан тушаалын хоёрдугаар хавсралт

 

НИЙГМИЙН ДААТГАЛЫН САНГИЙН НЯГТЛАН БОДОХ БҮРТГЭЛИЙН АНХАН ШАТНЫ БҮРТГЭЛИЙН МАЯГТ ХӨТЛӨХ АРГАЧЛАЛ

 

 1.ӨНДӨР НАСНЫ ТЭТГЭВЭР ТОГТООЛТЫН МАЯГТ /цалинд үндэслэсэн/

(Б-НД-1.1)

 Даатгуулагч шимтгэл төлсөн хугацаа, дараалсан 60 сарын дундаж цалин хөлс, түүнтэй адилтгах орлогын дунджаас өндөр насны тэтгэвэр тогтоолгосон тохиолдолд цахим болон цаасан маягтыг нийгмийн даатгалын байцаагч хөтөлнө.  

 Маягтын 1 дүгээр үзүүлэлтэд өндөр насны тэтгэвэр тогтоолгосон нөхцөл, болзол гэсэн мөрийн хөдөлмөрийн хэвийн гэсэн хэсэгт даатгуулагчийн шимтгэл төлсөн жилээс хамаарч өндөр насны бүрэн/хувь тэнцүүлсэн тэтгэврийн тохирох хэсгийг сонгоно. Хөнгөлөлттэй нөхцөл хэсэгт Нийгмийн даатгалын сангаас олгох тэтгэврийн тухай хууль /шинэчилсэн найруулга/-ийн 5 дугаар зүйлийн 5.1.3-5.1.7 дахь хэсэгт заасан, Цэргийн алба хаагчийн тэтгэвэр, тэтгэмжийн тухай хуулийн дагуу цэргийн алба хаасны тэтгэвэр тогтоолгох нөхцөл, болзлыг хангасан даатгуулагчид тогтоох тэтгэврээс нэгийг сонгоно.

 Маягтын 2-оос 7 дугаар үзүүлэлтэд тэтгэвэр тогтоолгогчийн үндсэн мэдээлэл болох эцэг/эх/-ийн нэр, нэр, төрсөн он, сар, өдөр, нас, хүйс, иргэний бүртгэлийн дугаар, оршин суугаа хаягийн мэдээллийг бичнэ.

 Тэтгэвэр тогтоолт хэсэгт даатгуулагчийн тэтгэвэр тогтоолгосон хуулийн зүйл, заалт, төрүүлсэн болон 3 хүртэл настайд нь үрчилж авсан хүүхдийн тоо, шимтгэл төлсөн нийт хугацаа, тэтгэвэр бодох сарын дундаж цалин хөлс, түүнтэй адилтгах орлогын дүнг бичиж, бүрэн тэтгэвэр бол 5 дугаар мөрөнд, хувь тэнцүүлсэн тэтгэвэр бол 6 дугаар мөрөнд бодолтыг хийж бичнэ. Мөн Засгийн газраас тогтоосон тэтгэврийн доод хэмжээ, сард ногдох тэтгэврийн хэмжээ, тэтгэвэр тогтоосон, эхэлж олгосон он, сар, өдөр байна.

 Тэтгэврийг анх тогтоосон бол тогтоолт, тэтгэврийг өөрчлөн тогтоосон бол өөрчлөлт гэсний доогуур зурж нийгмийн даатгалын байцаагч гарын үсэг зурж, тэмдгээр баталгаажуулна.

  Байцаагчийн баталгаажуулсан маягтыг хянаж, хяналтын байцаагч, тасгийн дарга гарын үсэг зурж баталгаажуулах ба зөвшөөрсөн тохиолдолд ахлан нягтлан бодогч болон дарга гарын үсэг зурж, тамга, тэмдгээр баталгаажуулна.

 

 2.ӨНДӨР НАСНЫ ТЭТГЭВЭР ТОГТООЛТЫН МАЯГТ /нэрийн дансны/

(Б-НД-1.2)

 Даатгуулагч нэрийн дансны буюу шимтгэлд суурилсан аргаар өндөр насны тэтгэвэр тогтоолгосон тохиолдолд цахим болон цаасан маягтыг нийгмийн даатгалын байцаагч хөтөлнө.

 Маягтын 1 дүгээр үзүүлэлтийн хөдөлмөрийн хэвийн гэсэн хэсэгт нэрийн дансанд бүртгэсэн нийт орлогоос хамаарч тохирох хэсгийг сонгоно. Хөнгөлөлттэй нөхцөл хэсэгт Нийгмийн даатгалын сангаас олгох тэтгэврийн тухай хууль /шинэчилсэн найруулга/-ийн 5 дугаар зүйлийн 5.1.3-5.1.7 дахь хэсэгт заасан, Цэргийн алба хаагчийн тэтгэвэр, тэтгэмжийн тухай хуулийн дагуу цэргийн алба хаасны тэтгэвэр тогтоолгох нөхцөл, болзлыг хангасан даатгуулагчид тогтоох тэтгэврээс нэгийг сонгоно.

 Маягтын 2-оос 7 дугаар үзүүлэлтэд тэтгэвэр тогтоолгогчийн үндсэн мэдээлэл болох эцэг/эх/-ийн нэр, нэр, төрсөн он, сар, өдөр, нас, хүйс, иргэний бүртгэлийн дугаар, оршин суугаа хаягийн мэдээллийг бичнэ.

 Тэтгэвэр тогтоолт хэсэгт Даатгуулагчийн тэтгэвэр тогтоолгосон хуулийн зүйл, шимтгэл төлсөн нийт хугацаа, тэтгэвэр тогтоолгохын өмнөх нэрийн дансны нийт үлдэгдэл, мөнгөжүүлсэн орлогын нийт үлдэгдэл, тэтгэвэр авах дундаж хугацааны илэрхийлэл, Засгийн газраас тогтоосон тэтгэврийн доод хэмжээ, сард ногдох тэтгэврийн хэмжээ, тэтгэвэр тогтоосон, эхэлж олгосон он, сар, өдөр, байна.

 Тэтгэврийг анх тогтоосон бол тогтоолт, тэтгэврийг өөрчлөн тогтоосон бол өөрчлөлт гэсний доогуур зурж нийгмийн даатгалын байцаагч гарын үсэг зурж, тэмдгээр баталгаажуулна.

  Байцаагчийн баталгаажуулсан маягтыг хянаж, хяналтын байцаагч, тасгийн дарга гарын үсэг зурж баталгаажуулах ба зөвшөөрсөн тохиолдолд ахлан нягтлан бодогч болон дарга гарын үсэг зурж, тамга, тэмдгээр баталгаажуулна.

 

3.ХӨДӨЛМӨРИЙН ЧАДВАР АЛДСАНЫ ТЭТГЭВЭР ТОГТООЛТЫН МАЯГТ

(Б-НД-1.3)

 Хөдөлмөрийн чадвар алдсан даатгуулагчийн тэтгэврийг тогтооход цахим болон цаасан маягтыг нийгмийн даатгалын байцаагч хөтөлнө.

 Маягтын 1 дүгээр үзүүлэлт буюу хөдөлмөрийн чадвар алдсан шалтгаан гэсэн хэсэгт Даатгуулагч ердийн өвчний улмаас, үйлдвэрлэлийн осол, мэргэжлээс шалтгаалсан өвчний, цэргийн алба хаагчийн хувьд цэргийн албан үүргээ биелүүлэхтэй холбогдолтой эсхүл цэргийн албан үүргээ биелүүлэхтэй холбогдолгүй улмаас хөдөлмөрийн чадвар алдсаны тэтгэвэр тогтоох аль нэг нөхцөлийг сонгоно.

 Маягтын 2-оос 7 дугаар үзүүлэлтэд тэтгэвэр тогтоолгогчийн үндсэн мэдээлэл болох эцэг/эх/-ийн нэр, нэр, төрсөн он, сар, өдөр, нас, хүйс, иргэний бүртгэлийн дугаар, оршин суугаа хаягийн мэдээллийг бичнэ.

 Маягтын тэтгэвэр тогтоолт хэсэгт даатгуулагчийн тэтгэвэр тогтоолгосон хуулийн зүйл заалт, төрүүлсэн болон 3 хүртэл настайд нь үрчилж авсан хүүхдийн тоо, Эрүүл мэндийн магадлалын зөвлөлөөс тогтоосон хөдөлмөрийн чадвар алдалтын хувь, шимтгэл төлсөн нийт хугацаа, сарын дундаж цалин хөлс, түүнтэй адилтгах орлого, бүрэн тэтгэвэр бол 6 дугаарт, хувь тэнцсэн бол 7 дугаарт бодолтыг хийж бичнэ. Мөн Засгийн газраас тогтоосон тэтгэврийн доод хэмжээ, сард олгох тэтгэврийн хэмжээ, тэтгэвэр тогтоолгосон, тэтгэвэр эхэлж олгох он, сар, өдрийг бичнэ.

 Тэтгэврийг анх тогтоосон бол тогтоолт, тэтгэврийг өөрчлөн тогтоосон бол өөрчлөлт гэсний доогуур зурж нийгмийн даатгалын байцаагч гарын үсэг зурж, тэмдгээр баталгаажуулна.

 Байцаагчийн баталгаажуулсан маягтыг хянаж, хяналтын байцаагч, тасгийн дарга гарын үсэг зурж баталгаажуулах ба зөвшөөрсөн тохиолдолд ахлан нягтлан бодогч болон дарга гарын үсэг зурж, тамга, тэмдгээр баталгаажуулна.

 

4. ТЭЖЭЭГЧЭЭ АЛДСАНЫ ТЭТГЭВЭР ТОГТООЛТЫН МАЯГТ

(Б-НД-1.4)

 Тэжээгчээ алдсаны тэтгэвэр тогтоолгогчийн мэдээлэл хэсэгт эцэг/эх/-ийн нэр, нэр, нас, хүйс, иргэний бүртгэлийн дугаар, оршин суугаа хаяг, тэжээгчтэй ямар хамааралтай болох, гэрлэлтийн баталгааны дугаарыг бичнэ. Хэрвээ тэжээгчээ алдсаны тэтгэврийг хувааж тогтоох бол хувааж тогтоолгох тэтгэвэр тогтоолгогчийн мэдээллийг мөн адил бичнэ.

 Маягтын тэжээгчийн мэдээлэл хэсэгт нас барсан тэжээгчийн нас барсан шалтгаан, эцэг/эх/-ийн нэр, нэр, нас, хүйс, иргэний бүртгэлийн дугаарыг бичнэ.

 Маягтын тэтгэвэр тогтоолт хэсэгт тэтгэвэр тогтоолгох хуулийн зүйл, төрүүлсэн буюу 3 хүртэл настайд нь үрчилж авсан хүүхдийн тоо, хөдөлмөрийн чадваргүй хүний тоо, тэжээгчийн шимтгэл төлсөн нийт хугацаа, сарын цалин хөлс, түүнтэй адилтгах орлого, бүрэн тэтгэвэр бол 6 дугаар мөрөнд, хувь тэнцсэн бол 7 дугаар мөрөнд бодолтыг хийж бичнэ.  Мөн Засгийн газраас тогтоосон тэтгэврийн доод хэмжээ, сард олгох тэтгэврийн хэмжээ, тэтгэвэр тогтоолгосон, тэтгэвэр эхэлж олгох он, сар, өдөр байна.  

 Тэтгэврийг анх тогтоосон бол тогтоолт, тэтгэврийг өөрчлөн тогтоосон бол өөрчлөлт гэсний доогуур зурж нийгмийн даатгалын байцаагч гарын үсэг зурж, тэмдгээр баталгаажуулна.

 Байцаагчийн баталгаажуулсан маягтыг хянаж, хяналтын байцаагч, тасгийн дарга гарын үсэг зурж баталгаажуулах ба зөвшөөрсөн тохиолдолд ахлан нягтлан бодогч болон дарга гарын үсэг зурж, тамга, тэмдгээр баталгаажуулна.

 

5.НАС БАРАГЧИЙН АСРАМЖИД БАЙСАН ГЭР БҮЛИЙН

 ГИШҮҮДИЙН БҮРТГЭЛ

(Б-НД-1.5)

 Тэтгэвэр тогтоолгогчийн мэдээлэл хэсэгт тэтгэвэр тогтоолгогчийн эцэг/эх/-ийн нэр, нэр, иргэний бүртгэлийн дугаарыг бичнэ.

 Гэр бүлийн гишүүдийн мэдээлэл хэсэгт нас барагчийн асрамжид байсан гэр бүлийн гишүүдийн эцэг/эх/-ийн нэр, нэр, нас барагчийн хамаарал, төрсөн он, сар, өдөр, хүйс, тэтгэвэр тогтоолгож эхлэх болон дуусах он, сар, өдрийг бичнэ.

 

6. ..... ОНЫ ..... -Р САРЫН ТЭТГЭВЭР ОЛГОЛТЫН ЖАГСААЛТ

(Б-НД-2)

 Тэтгэвэр олголтын жагсаалтыг тэтгэврийн программ, тэтгэврийн тогтоолт, шилжилт хөдөлгөөний өөрчлөлт, зогсоогдсон тэтгэврийн бүртгэлийг тус тус үндэслэн сар бүр гаргаж, хяналт тавина.

 Тэтгэврийн төрөл, тэтгэврийн төрлийн код, тэтгэвэр авагчийн тоо, олгох нийт мөнгөн дүнг бичнэ.

 Маягтын тэтгэврийн төрөл хэсэг (багана 1)-т Тэтгэвэр авагч ямар тэтгэвэр авахаас хамаарч хамаарах тэтгэврийн төрлийг сонгон тэтгэвэр авагчийн мэдээллийг бичнэ.

 Тэтгэврийн төрлийн код хэсэг (багана 2)-т 4 оронтой кодыг бичих ба тухайн даатгуулагч ямар тэтгэврийн төрөлд хамаарахаас шалтгаалж код нь өөр өөр байна.

 Тэтгэвэр авагчийн тоо хэсэг (багана 3)-т төрөл тус бүр хамаарах нийт тэтгэвэр авагчийн тоог бичнэ.

Д/д	Тэтгэврийн төрөл	Тэтгэврийн төрлийн код
1	1995 оноос өмнө тогтоосон өндөр насны тэтгэвэр	1362
2	1995 оноос өмнө тогтоосон тэжээгчээ алдсаны тэтгэвэр	1363
3	1995 оноос өмнө тогтоосон хөдөлмөрийн чадвар алдсаны тэтгэвэр	1364
4	1995 оноос хойш тогтоосон өндөр насны тэтгэвэр	2362
5	1995 оноос хойш тогтоосон тэжээгчээ алдсаны тэтгэвэр	2363
6	1995 оноос хойш тогтоосон хөдөлмөрийн чадвар алдсаны тэтгэвэр	2364
7	Цэргийн өндөр насны	3362
8	Цэргийн тэжээгчээ алдсаны	3363
9	Цэргийн хөдөлмөрийн чадвар алдсаны	3364
10	ҮОМШӨ 1995 оноос хойш тогтоосон тэжээгчээ алдсаны тэтгэвэр	4363
11	ҮОМШӨ 1995 оноос хойш тогтоосон хөдөлмөрийн чадвар алдсаны тэтгэвэр	4364
12	ҮОМШӨ 1995 оноос өмнө тогтоосон тэжээгчээ алдсаны тэтгэвэр	5363
13	ҮОМШӨ 1995 оноос өмнө тогтоосон хөдөлмөрийн чадвар алдсаны тэтгэвэр	5364
14	Зарим иргэдийн тэтгэврийн нэмэгдэл	6362

 

 Тэтгэвэр олголтын жагсаалт бэлдсэн нийгмийн даатгалын байцаагч гарын үсэг зурж, тэмдгээр баталгаажуулна.

 Байцаагчийн баталгаажуулсан маягтыг хянаж хяналтын байцаагч, тасгийн дарга нэрээ бичиж, гарын үсэг зурж, тэмдэг дарж баталгаажуулна.

 

7. ..... ОНЫ ..... -Р САРЫН ТЭТГЭВЭР ОЛГОЛТЫН ЖАГСААЛТЫГ                                                 ХҮЛЭЭЛЦСЭН ТУХАЙ АКТ

(Б-НД-2.1)

 Аймаг, дүүргийн нийгмийн даатгалын газрын нэр, тухайн нийгмийн даатгалын газрын харилцагч банкны нэрийг бичнэ.

 Тэтгэврийн төрөл, код, сум, хорооны дугаар, тэтгэвэр авагчийн тоо, олгох нийт мөнгөн дүнг бичнэ. Мөн шилжүүлсэн файлын нэр, хэмжээ, он, сар, өдөр, бичлэгийн тоог бичнэ.

 Олголтын жагсаалт нэгтгэсэн тасгийн дарга гарын үсэг зурж, тэмдгээр баталгаажуулна. Тасгийн даргын баталгаажуулсан нэгтгэсэн жагсаалтыг хянасан ахлах нягтлан бодогч, файлыг банк руу шилжүүлсэн мэдээллийн технологийн ажилтан, хүлээн авсан банкны ажилтан тус тус нэрээ бичиж, гарын үсэг зурж, тэмдэг дарж баталгаажуулна.

 Тэтгэвэр олголтын жагсаалтыг хүлээлцсэн актыг тэтгэврийн программ, тэтгэвэр тогтоолт, шилжилт хөдөлгөөний өөрчлөлт, зогсоогдсон бүртгэлийг тус тус үндэслэн сар бүр хоёр хувь гаргаж банканд хүргүүлж, нэг хувийг нь банкны байгууллагаар баталгаажуулж авна. Энэхүү жагсаалтыг цахимаар солилцож болно.

 

8.ЦАЛИН ХӨЛСНИЙ ТОДОРХОЙЛОЛТ

/1995 оноос өмнөх эсхүл цэргийн алба хаасны тэтгэвэр тогтооход/

(Б-НД-3)

 Даатгуулагч 1995 оноос өмнөх жилийн цалин, хөлсөөр тэтгэвэр тогтоолгох бол уг хугацааны цалин, хөлсийг төрөлжсөн архивын байгууллагад хадгалагдаж буй санхүүгийн үндсэн баримт эсхүл тухайн ажиллаж байсан аж ахуйн нэгж, байгууллагын санхүүгийн үндсэн баримтад үндэслэн гаргаж ирүүлнэ. Энэхүү тодорхойлолтыг тухайн байгууллага, архив нь санхүүгийн архивын үндсэн баримтыг үндэслэн гаргах ба уг тодорхойлолтыг цэргийн байгууллага ашиглаж болно.

 Цалин хөлсний тодорхойлолт гаргасан архивын нэгж, аж ахуйн нэгж байгууллага нь тодорхойлолт авах гэж буй даатгуулагчийн иргэний бүртгэлийн дугаар, эцэг/эх/-ийн нэр, нэр болон даатгуулагчийн авсан цалин хөлсийг он, сараар нь үнэн зөв тодорхойлж бичнэ. Дүн хэсэгт 1-12 сарын цалин хөлсний нийлбэр дүнг бичнэ.

 Нийт цалин хэсэгт цалин, хөлсний тодорхойлолтоор гаргасан нийт цалингийн дүнг бичнэ.

 Тодорхойлолтыг гаргасан архивын нэгж, аж ахуйн нэгж байгууллагын ажилтан, дарга, захирал, эзний нэр, тодорхойлолт олгосон он, сар, өдрийг бичиж  гарын үсэг зурж, тамга, тэмдэг дарж баталгаажуулсан байна. Энэхүү тодорхойлолтыг цахимаар солилцож болно.

 

9. ЦЭРГИЙН ТЭТГЭВЭР АВАГЧИЙН ЦАЛИН, НИЙГМИЙН ДААТГАЛЫН ШИМТГЭЛИЙН ЗӨРҮҮ ТООЦСОН МАЯГТ /1995 оноос хойш/

(Б-НД-4)

 Цэргийн алба хаагчийн тэтгэвэр, тэтгэмжийн тухай хуулийн 6.3-т зааснаар цэргийн тэтгэвэр авагчийн цалин, нийгмийн даатгалын шимтгэлийн зөрүүг тооцохдоо энэхүү маягтыг ашиглана. Уг маягтыг цахимаар үйлдэж болно.

 Шимтгэлийн зөрүү тооцуулах даатгуулагчийн иргэний бүртгэлийн дугаар, эцэг/эх/-ийн нэр, нэр, тэтгэврийн төрлийг бичнэ.

 1-р баганад 1995 оноос хойш цэргийн байгууллагад алба хаасан цэргийн алба хаагчийн цэргийн алба хаасан хугацааг, 2-р баганад цэргийн холбогдох хуулийн дагуу цэргийн жилийг нэмэгдүүлж тооцсон сарыг, 3-р баганад нэмэгдүүлж тооцсон сард ногдох шимтгэлийн тухайн үед мөрдөж байгаа хөдөлмөрийн хөлсний доод хэмжээнээс тэтгэвэр, тэтгэмжийн даатгалын санд төлүүлэх дүнг, 4-р баганад нийт цэргийн алба хаасан хугацааг, 5-р баганад Цэргийн алба хаагчийн тэтгэвэр, тэтгэмжийн тухай хуулийн 6.3-т заасны дагуу нэмэгдүүлж тооцсон сарыг, 6-р баганад нэмэгдүүлж тооцсон сард ногдох шимтгэлийн тухай үед мөрдөж байгаа хөдөлмөрийн хөлсний доод хэмжээнээс тэтгэвэр, тэтгэмжийн даатгалын санд төлүүлэх дүнг, 7-р баганад нийт шимтгэл тооцсон сарын тоог бичнэ.

 Шимтгэлийн тооцоо хэсэгт цэргийн алба хаагчийн 1995 оноос хойш алба хаасан хугацааны сар бүрийн цалин хөлс, итгэлцүүр, итгэлцүүрээр өсгөсөн цалин, шимтгэл төлөх, тэтгэвэр, тэтгэмж тогтооход баримтлах сарын хөдөлмөрийн хөлсний дээд хэмжээгээр хязгаарласан цалин хөлснөөс тэтгэвэр, тэтгэмжийн шимтгэлийг тооцож, нийт дүнг гаргана.

 Дүн хэсэгт 1-12 сарын цалин хөлс, итгэлцүүрээр өсгөсөн цалингийн нийлбэр дүнг бичнэ.

 Тэтгэврийн мөрөнд итгэлцүүрээр өсгөсөн цалингийн нийлбэр дүнг ажил олгогчийн төлөх тэтгэврийн даатгалын шимтгэлийн хувь хэмжээгээр үржүүлж бичнэ.

 Тэтгэмжийн мөрөнд итгэлцүүрээр өсгөсөн цалингийн нийлбэр дүнг ажил олгогчийн төлөх тэтгэмжийн даатгалын шимтгэлийн хувь хэмжээгээр үржүүлж бичнэ.

 Нийт НДШ мөрөнд тэтгэврийн болон тэтгэмжийн мөрний нийлбэр дүнг бичнэ.

 Нөхөн төлүүлэх нийт шимтгэлийн дүн (багана 3-6)-д тооцсон шимтгэл болон шимтгэлийн тооцоо хүснэгтийн нийт нийгмийн даатгалын шимтгэлийн дүнгийн нийлбэртэй тэнцүү байна.

 Тооцоо хийсэн нийгмийн даатгалын байцаагч нэрээ бичиж, гарын үсэг зурж, тэмдгээр баталгаажуулна.

 Байцаагчийн баталгаажуулсан маягтыг хянаж, хяналтын байцаагч, тасгийн дарга гарын үсэг зурж баталгаажуулах ба зөвшөөрсөн тохиолдолд ахлан нягтлан бодогч болон дарга гарын үсэг зурж, тамга, тэмдгээр баталгаажуулна.

 

10.АЖИЛГҮЙДЛИЙН ТЭТГЭМЖ ТОГТООЛТЫН МАЯГТ

(Б-НД-5)

 Маягтын 1-ээс 5 дугаар үзүүлэлтэд даатгуулагчийн, дахин давтагдашгүй дугаар, эцэг/эх/-ийн нэр, нэр төрсөн он, сар, өдөр, нас, хүйс, оршин суугаа хаяг, холбоо барих утасны дугаарыг бичнэ.

 Тэтгэмж тогтоолт хэсэгт ажлаас чөлөөлөгдсөн он, сар, өдөр, хөдөлмөр эрхлэлтийн асуудал хариуцсан байгууллагад болон нийгмийн даатгалын байгууллагад бүртгүүлсэн он, сар, өдөр, шимтгэл төлсөн нийт хугацааг сараар, ажлаас халагдахаас өмнө тасралтгүй шимтгэл төлсөн хугацааг сараар, даатгуулагч өмнө нь ажилгүйдлийн тэтгэмж авч байсан бол өмнөх тэтгэмж дууссан он, сар, өдөр болон өмнөх ажилгүйдлийн тэтгэмж авч дууссанаас хойш тасралтгүй шимтгэл төлсөн хугацааг сараар, 8 дугаар мөрөнд сүүлийн 9 сарын цалин хөлс, түүнтэй адилтгах орлогыг бичиж, 9 дүгээр мөрөнд сарын дундаж цалин хөлс, түүнтэй адилтгах орлогын хэмжээг, тэтгэмж бодох хувь, нэг сард ногдох тэтгэмж, нэг өдөрт олговол зохих тэтгэмж, баримт бичиг бүрдүүлж өгөх хугацаа хоцроосон өдөр, нийт тэтгэмж олгох ажлын өдөр, нийт олговол зохих тэтгэмж, тэтгэмж авч байх хугацаанд ажилд орсон он, сар, өдөр, нийт олговол зохих үлдсэн тэтгэмж, тэтгэмж авч эхлэх болон дуусах он, сар, өдрийг бичнэ.

 Тэтгэмж тогтоосон нийгмийн даатгалын байцаагч нэрээ бичиж, гарын үсэг зурж, тэмдгээр баталгаажуулна.

  Байцаагчийн баталгаажуулсан маягтыг хянасан байцаагч, тасгийн дарга, зөвшөөрсөн дарга, нягтлан бодогч нар нэрээ бичиж, гарын үсгэг зурж, тамга, тэмдгээр баталгаажуулна.

 

11.АЖИЛГҮЙДЛИЙН ТЭТГЭМЖ ОЛГОХ ХУВААРЬ

(Б-НД-5.1)

 Ажилгүйдлийн тэтгэмжийг хуваарийн дагуу олгоход ашиглана. Ажилгүйдлийн тэтгэмж олгож эхлэх, дуусах он, сар, өдөр, тэтгэмж олгох ажлын өдөр, олгох тэтгэмж, олгосон он, сар, өдрийг бичнэ.

 

12. .......-НЫ ....... ОНЫ ......-Р САРД ХӨДӨЛМӨРИЙН ЧАДВАР ТҮР АЛДСАНЫ ТЭТГЭМЖ ОЛГОСОН ЖАГСААЛТ

(Б-НД-6)

 Ажил олгогчоос олгосон хөдөлмөрийн чадвар түр хугацаагаар алдсан ажлын эхний 5 өдрийн хөдөлмөрийн чадвар түр алдсаны тэтгэмжийн жагсаалтыг ажил олгогчийн дарга/захирал, нягтлан бодогч холбогдох үзүүлэлтийн дагуу сар бүр үнэн зөв гаргаж, нэрээ бичиж, гарын үсэг зурж, баталгаажуулж, нийгмийн даатгалын байгууллагад цаасаар эсвэл цахимаар ирүүлнэ. 

 Багана (1-11)-д даатгуулагчийн эцэг/эх/-ийн нэр, нэр, иргэний бүртгэлийн дугаар, эмнэлгийн хуудасны дугаар, эхэлсэн болон дууссан он, сар, өдөр, шимтгэл төлсөн нийт сар, хөдөлмөрийн чадвар алдахын өмнөх 3 сарын цалин хөлс, түүнтэй адилтгах орлогын дундаж, ажилласан хоног, тэтгэмж бодох ажлын нэг өдөрт ногдох цалин хөлс, түүнтэй адилтгах орлого, хувийг тус тус бичнэ.

 Ажлын нэг өдөрт ногдох тэтгэмж (багана 12)-д ажлын нэг өдөрт ногдох цалин хөлс, түүнтэй адилтгах орлогын дүнг тэтгэмж бодох хувиар үржүүлсэнтэй тэнцүү байна.

 Тэтгэмж олгох хоног (багана 13)-т ажил олгогчоос болон нийгмийн даатгалын сангаас тэтгэмж олгох хоногийн нийлбэртэй тэнцүү байна.

 Олгох тэтгэмж (багана 16)-д ажил олгогчоос болон нийгмийн даатгалын сангаас олгох тэтгэмжийн нийлбэртэй тэнцүү байна.

 Ажил олгогчоос олгох тэтгэмж (багана 17)-д ажлын нэг өдөрт ногдох тэтгэмжийн дүнг ажил олгогчоос тэтгэмж олгох хоногоор үржүүлсэнтэй тэнцүү байна.

 Нийгмийн даатгалын сангаас олгох тэтгэмж (багана 18)-д ажлын нэг өдөрт ногдох тэтгэмжийн дүнг нийгмийн даатгалын сангаас олгох хоногоор үржүүлсэнтэй тэнцүү байна.

 Жагсаалт гаргасан ажил олгогчийн дарга/захирал, нягтлан бодогч, жагсаалтыг хянаж, хүлээж авсан нийгмийн даатгалын байцаагч нэр, гарын үсэг, он, сар, өдрийг бичнэ.

 

13. ..... ОНЫ ..... -Р САРЫН ЖИРЭМСНИЙ БОЛОН АМАРЖСАНЫ ТЭТГЭМЖ ОЛГОХ ЖАГСААЛТ

(Б-НД-7)

 Нийгмийн даатгалын байгууллага холбогдох хууль тогтоомжийн дагуу цахимаар ирүүлсэн жирэмсний болон амаржсаны тэтгэмжийг даатгуулагч руу шилжүүлэхэд энэхүү маягтыг ашиглана.

 Тэтгэмж авагчийн мэдээллийн хэсэг (багана 1-3)-т даатгуулагчийн эцэг/эх/-ийн нэр, нэр, иргэний бүртгэлийн дугаар зэрэг мэдээлэл байна.

 Эмнэлгийн хуудас (багана 4-6)-д эмнэлгийн байгууллагаас олгосон жирэмсний болон амаржсаны эмнэлгийн хуудасны дугаар, эхлэх он, сар, өдөр, дуусах он, сар, өдөр зэрэг мэдээлэл байна.

 Тэтгэмж олгох хэсэг (багана 7-10)-т тэтгэмж олгох хоног, олгосон тэтгэмжийн дүн, банкны нэр, дансны дугаар байна.

 Жагсаалтыг үйлдсэн нийгмийн даатгалын байцаагч гарын үсэг зурж, тэмдэг дарж баталгаажуулна.

 

14. .....-НЫ ..... ОНЫ ..... -Р САРЫН ТЭТГЭМЖ ОЛГОХ ЖАГСААЛТ

(Б-НД-8)

 Даатгуулагчийн эцэг/эх/-ийн нэр, нэр, иргэний бүртгэлийн дугаар, тэтгэмжийн төрөл, даатгуулагчийн төрөл, олгох тэтгэмжийн хэмжээ, банкны нэр, дансны дугаарыг бичнэ.

 Жагсаалтыг тэтгэмжийн төрөл, даатгуулагчийн төрөл тус бүрээр бэлтгэнэ.               Энэхүү жагсаалтыг цахимаар хийж болно.

 Тэтгэмж олголтын жагсаалт бэлтгэсэн нийгмийн даатгалын байцаагч нэрээ бичиж, гарын үсэг зурж, тэмдгээр баталгаажуулна.

 Байцаагчийн баталгаажуулсан маягтыг хянасан байцаагч, тасгийн дарга нар нэрээ бичиж, гарын үсгэг зурж, тэмдгээр баталгаажуулна.

 

15. .....-НЫ ..... ОНЫ ..... -Р САРЫН ТЭТГЭМЖ ОЛГОХ ЖАГСААЛТ

(Б-НД-8.1)

 Нийгмийн даатгалын байгууллага холбогдох хууль тогтоомжийн дагуу хөдөлмөрийн чадвар түр алдсаны тэтгэмжийг ажил олгогч, холбогдох байгууллагад шилжүүлэхэд энэхүү жагсаалтыг хэрэглэнэ.

 Ажил олгогчийн нэр, нийгмийн даатгалын бүртгэлийн дугаар, тэтгэмжийн төрөл, олгох тэтгэмжийн хэмжээг бичнэ.

 Тэтгэмж олгох жагсаалт бэлтгэсэн нийгмийн даатгалын байцаагч нэрээ бичиж, гарын үсэг зурж, тэмдгээр баталгаажуулна.

 Байцаагчийн баталгаажуулсан маягтыг хянасан байцаагч, тасгийн дарга нар нэрээ бичиж, гарын үсгэг зурж, тэмдгээр баталгаажуулна.

 

16.НАС БАРСАН ДААТГУУЛАГЧИЙН ГЭР БҮЛИЙН ГИШҮҮНД ТЭТГЭМЖ ОЛГОХ ТУХАЙ МЭДЭГДЭЛ

(Б-НД-9)

 Нийгмийн даатгалын байгууллага даатгуулагч нас барсан тохиолдолд нас барсан даатгуулагчийн гэр бүлийн гишүүнд тэтгэмж олгох тухай мэдэгдлийг нас барсны гэрчилгээг үндэслэн бичиж, банканд хүргүүлэх бөгөөд тэтгэмж авагчаар дамжуулж болно. Энэхүү мэдэгдлийг цахимаар гаргаж болно.

 Банк мэдэгдэл (Б-НД-8)-ийг үндэслэн нас барсан даатгуулагчийн гэр бүлийн гишүүнд тэтгэмж олгож, тэмдэглэл хөтөлнө.

 Мэдэгдлийн үндсэн хэсэгт мэдэгдэл бичсэн он, сар, өдөр, мэдэгдлийн дугаар, нас барагчийн иргэний бүртгэлийн дугаар, эцэг/эх/-ийн нэр, нэр, оршин сууж байсан хаяг, тэтгэмжийн мөнгөн дүн, тэтгэмж авагчийн иргэний бүртгэлийн дугаар, эцэг/эх/-ийн нэр, нэр, оршин суугаа хаягийн мэдээллийг бичнэ.

 Баталгаажуулалт хэсэгт мэдэгдэл бичсэн нийгмийн даатгалын байцаагч, хянасан тасгийн дарга, нягтлан бодогч, тэтгэмж олгосон банкны ажилтан, тэтгэмж хүлээж авсан хүн гарын үсэг зурж, он, сар, өдрийг бичнэ.

 

17. "…........................"-НЫ . . . ОНЫ . . . -Р САРЫН

 НИЙГМИЙН ДААТГАЛЫН ШИМТГЭЛ ТӨЛӨЛТИЙН ТАЙЛАН

(НД-7)

 Энэ тайлан нь ажил олгогч болон нийгмийн даатгалын байгууллага хоорондын нийгмийн даатгалын шимтгэл ногдуулалт, төлөлт, тооцооны үндсэн баримт болно.

 Ажил олгогч нь "..................................................."-д ажиллаж буй даатгуулагчдын ....... оны .......-р сарын нийгмийн даатгалын шимтгэл ногдуулалтын тайлан /НД-8/-г үндэслэн .... оны ...... -р сарын нийгмийн даатгалын шимтгэл төлөлтийн тайлан /НД-7/-г гаргана.

 Ажил олгогч шимтгэл төлөлтийн тайланг сар бүр шимтгэлийн цахим системээр тоон гарын үсгээр баталгаажуулж, дараа сарын 5-ны өдрийн дотор багтаан харьяа аймаг/сум/, дүүргийн нийгмийн даатгалын газарт ирүүлнэ. Ажил олгогч тоон гарын үсгээр баталгаажуулаагүй, цахимаар илгээсэн тохиолдолд тухайн оны 1-6 дугаар сарын тайланг 07 дугаар сарын 05, 7-12 дугаар сарын тайланг дараа оны 01 дүгээр сарын 05-ны өдрийн дотор хэвлэмэл хэлбэрээр дарга /захирал/-ын, нягтлан бодогчийн гарын үсэг, тамга, тэмдгээр баталгаажуулан харьяа аймаг/сум/, дүүргийн нийгмийн даатгалын газарт ирүүлнэ.

 Байгууллагын регистрийн дугаар нь Улсын бүртгэлийн байгууллагаас олгосон хуулийн этгээдийн регистрийн дугаар байна.

 Нийгмийн даатгалын бүртгэлийн дугаар нь Нийгмийн даатгалын байгууллагаас олгосон шимтгэл төлөгчийн дугаар байна.

 1.Шимтгэл төлөлт

 Даатгуулагчийн тоо (мөр 1) тухайн тайлант хугацаанд цалин хөлс, түүнтэй адилтгах орлого, ажил олгогч шимтгэлийг нь хариуцан төлсөн, зөвхөн эрүүл мэндийн даатгалын төлсөн Монгол даатгуулагчийн тоог бичнэ. Багана (1)=багана (2+3+4) нийт дүнгээр тайлагнагдах бөгөөд шимтгэлийн цахим системийн НД-8 тайлангаас татагдана.

 Даатгуулагчийн тоо (мөр 2) тухайн тайлант хугацаанд цалин хөлс, түүнтэй адилтгах орлогоос тооцсон, ажил олгогч шимтгэлийг нь хариуцан төлсөн, зөвхөн эрүүл мэндийн даатгалын төлсөн Гадаад даатгуулагчийн тоог бичнэ. Багана (1)=багана (2+3+4) нийт дүнгээр тайлагнагдах бөгөөд шимтгэлийн цахим системийн НД-8 тайлангаас татагдана.

 Даатгуулагчийн цалин хөлс, түүнтэй адилтгах орлого (мөр 3-10) даатгуулагчийн тухайн сарын цалин хөлс, түүнтэй адилтгах орлогыг төгрөгөөр бүртгэж бичих ба (4-10) мөрний харгалзах (1-4) баганад ангилан тархааж бичнэ. мөр (3)=мөр (4+…….+10), багана (1)=багана (2+3+4).

Ажил олгогч шимтгэлийг нь хариуцан төлсөн цалингийн сан (Мөр 10)-гийн багана (3)-д  хөдөлмөрийн хөлсний доод хэмжээнээс ажил олгогчийн төлөх хувиар нийгмийн даатгалын шимтгэл төлсөн цалингийн сангийн дүнг бичих ба (мөр) 3-ийн багана (3) дахь дүнтэй тэнцүү байна.

 Нийгмийн даатгалын санд төлбөл зохих нийгмийн даатгалын шимтгэлийн дүн (мөр 11) аж ахуйн нэгж, байгууллагад ажиллаж, цалин хөлс, түүнтэй адилтгах орлого авсан 1-ээр төгссөн даатгуулагчийн кодтой даатгуулагчдад ногдуулсан төлбөл зохих нийт нийгмийн даатгалын шимтгэлийн дүнг багана (2)-д, Хөдөлмөр, нийгмийн түншлэлийн гурван тал Үндэсний хорооноос баталсан тухайн үеийн мөрдөж байгаа хөдөлмөрийн хөлсний доод хэмжээнээс ажил олгогчийн төлөх хувиар нийгмийн даатгалын санд шимтгэл төлсөн хүүхэд асрах чөлөөтэй байгаа ажилтан эх/эцэг/, хугацаат цэргийн албан хаагч, цэргийн сургуулийн сонсогч, жирэмсний болон амаржсаны амралттай байгаа ажилтан, ажил олгогчийн захиалгаар суралцагч, нэг ба түүнээс дээш сарын хугацаагаар хөдөлмөрийн чадвараа түр алдсан ажилтан, сул зогссон улирлын шинжтэй ажил байнга эрхэлдэг ажилтан, улсын хил дээр ажиллаж байгаа гаалийн улсын байцаагч, алба  хааж байгаа офицер, ахлагчийн ажилгүй байгаа эхнэр/нөхөр, дипломат төлөөлөгчийн газрын ажилтны хөдөлмөр эрхлээгүй байгаа эхнэр/нөхөр, дайчилгаагаар ажилласан хүн, тэтгэвэр тогтоолгосны дараа ажиллаж байгаа жирэмсний болон амаржсан амралттай байгаа, хөдөлмөрийн чадвараа 1 сараас дээш хугацаанд алдсан ажилтан, жирэмсний болон амаржсаны амралттай байгаа цэргийн алба хаагч эх, нэг сараас дээш хугацаагаар хөдөлмөрийн чадвараа алдсан цэргийн албан хаагч, шилжин ажилласан цэргийн байгууллагын алба хаагчийн хөдөлмөр эрхлээгүй эхнэр/нөхөр, дагалднаар суралцаж байгаа хөдөлмөрийн гэрээтэй ажилтан буюу 2-оор төгссөн даатгуулагчийн кодтой даатгуулагчид ногдуулсан төлбөл зохих нийт нийгмийн даатгалын шимтгэлийн дүнг  багана (3)-д, хилийн цэрэг, дотоодын цэрэг, онцгой байдлын, шүүхийн шийдвэр гүйцэтгэх, шүүхийн шинжилгээний, тагнуул, цагдаа, төрийн тусгай хамгаалалт, авлигатай тэмцэх, төрийн тусгай хамгаалалтын байгууллагын генерал, комиссар, офицер, ахлагч цолтой цэргийн албан хаагчид ногдуулсан эрүүл мэндийн даатгалын төлбөл зохих нийт шимтгэлийн дүнг багана (4)-д тус тус бичнэ. Багана (1)= багана (2+3+4)  нийт төлбөл зохих нийгмийн даатгалын шимтгэлийн дүнг бичих ба НД-8 маягтын багана (15)-ын бүгд дүнтэй тэнцэнэ.

 Нийгмийн даатгалын санд төлбөл зохих нийгмийн даатгалын шимтгэлийн дүн (мөр 12)-ний зөвхөн багана (1) нөхөгдөх ба ажил олгогчоос нийгмийн даатгалын санд төлсөн шимтгэлийн дүнг бичнэ. Уг дүн нь тухайн сард нийгмийн даатгалын санд төлсөн шимтгэлийн нийт дүнтэй тэнцэнэ.

 Нийгмийн даатгалын байгууллагаас буцаан олгосон шимтгэлийн дүн (мөр 13)-д зөвхөн багана (1) нөхөгдөх ба нийгмийн даатгалын байгууллагаас илүү төлсөн нийгмийн даатгалын шимтгэлийг буцаан олгосон дүнг бичнэ.

 Ажилгүйдлийн даатгалын шимтгэлийн хөнгөлөлтийн дүн (мөр 14)-ний зөвхөн багана (1) нөхөгдөх ба Нийгмийн даатгалын сангаас олгох тэтгэмжийн тухай хуулийн 13 дугаар зүйлд заасны дагуу тооцсон ажилгүйдлийн даатгалын шимтгэлийн хөнгөлөлтийн дүнг бичнэ.

 Үйлдвэрлэлийн осол мэргэжлээс шалтгаалсан өвчний шимтгэлийн хөнгөлөлтийн дүн (мөр 15) зөвхөн багана (1) нөхөгдөх ба Нийгмийн даатгалын сангаас олгох үйлдвэрлэлийн осол, мэргэжлээс шалтгаалсан өвчний тэтгэвэр, тэтгэмж, төлбөрийн тухай хуулийн 15 дугаар зүйлд заасны дагуу тооцсон үйлдвэрлэлийн осол, мэргэжлээс шалтгаалсан өвчний даатгалын шимтгэлийн хөнгөлөлтийн дүнг бичнэ.

 Үйлдвэрлэлийн осол мэргэжлээс шалтгаалсан өвчний шимтгэлийн чөлөөлөлтийн дүн (мөр 16) зөвхөн багана (1) нөхөгдөх ба Нийгмийн даатгалын сангаас олгох үйлдвэрлэлийн осол, мэргэжлээс шалтгаалсан өвчний тэтгэвэр, тэтгэмж, төлбөрийн тухай хуулийн 15 дугаар зүйлд заасны дагуу тооцсон үйлдвэрлэлийн осол, мэргэжлээс шалтгаалсан өвчний даатгалын шимтгэлийн чөлөөлөлтийн дүнг бичнэ. 

 2.Шимтгэлийн үлдэгдэл

 Ажил олгогч тайлант хугацааны нийгмийн даатгалын шимтгэлийн эхний болон эцсийн үеийн авлагыг "илүү", өрийг "дутуу" гэсэн нүдэнд мөнгөн дүнгээр бичнэ.

 3.Тухайн сард нийгмийн даатгалын санд төлсөн шимтгэл

 Нийгмийн даатгалын санд төлсөн шимтгэлийг он, сар, өдрийн дарааллаар бичиж тэмдэглэнэ. Төлсөн шимтгэлийн нийт дүн "Шимтгэл төлөлт" хүснэгтийн (мөр) 12-ын багана(1)-ын дүнтэй тэнцүү байна.

 4.Үйлдвэрийн осол, мэргэжлээс шалтгаалсан өвчний даатгалын санд төлсөн шимтгэл

 Даатгуулагчийн тоо (багана 1) Үйлдвэрлэлийн осол, мэргэжлээс шалтгаалсан өвчний даатгалын санд шимтгэл төлсөн даатгуулагчийн тоог бичнэ.

 Цалингийн сан (багана 2) Үйлдвэрлэлийн осол, мэргэжлээс шалтгаалсан өвчний даатгалын шимтгэл ногдуулсан цалингийн санг бичнэ.

 Шимтгэлийн хувь хэмжээ (багана 3) Үйлдвэрийн осол, мэргэжлээс шалтгаалсан өвчний даатгалын санд ажил олгогчийн цалин хөлс, түүнтэй адилтгах орлогоос төлөх шимтгэлийн хувь хэмжээг бичнэ. Үйлдвэрлэлийн осол, мэргэжлээс шалтгаалсан өвчний даатгалын шимтгэлийн хувь хэмжээ-0.5, 1.5, 2.5

 Нийт дүн (багана 4)  Үйлдвэрлэлийн осол, мэргэжлээс шалтгаалсан өвчний даатгалын санд төлсөн шимтгэлийн нийт дүнг бичнэ. 

 Тайлан гаргасан/хянасан шалгаж хүлээн авсан хэсэгт Ажил олгогчийн дарга/захирал/, нягтлан бодогч нь нийгмийн даатгалын шимтгэл төлөлтийн  тайланг тоон гарын үсгээр эсвэл хэвлэмэл хэлбэрээр гарын үсэг зурж, тамга /тэмдэг/ дарж баталгаажуулсан байх бөгөөд уг тайланг нийгмийн даатгалын байцаагч /ажилтан/ цахимаар эсвэл цаасаар хүлээн авч, шалгаж баталгаажуулна.

 

18. "…....................."-Д АЖИЛЛАЖ БУЙ ДААТГУУЛАГЧДЫН ... ОНЫ ... -Р САРЫН

НИЙГМИЙН ДААТГАЛЫН ШИМТГЭЛ НОГДУУЛАЛТ ТАЙЛАН

(НД-8)

 Энэ тайлан нь тухайн ажил олгогчид ажиллаж буй даатгуулагч бүрийн цалин хөлс, түүнтэй адилтгах орлого, түүнд ногдуулсан шимтгэлийн талаарх мэдээллийг харуулна.

 Ажил олгогч шимтгэл ногдуулалтын тайланг сар бүр шимтгэлийн цахим системээр тоон гарын үсгээр баталгаажуулж, дараа сарын 5-ны өдрийн дотор багтаан харьяа аймаг/сум/, дүүргийн нийгмийн даатгалын газарт ирүүлнэ.

 Ажил олгогч тоон гарын үсгээр баталгаажуулаагүй, цахимаар илгээсэн тохиолдолд тухайн оны 1-6 дугаар сарын тайланг 07 дугаар сарын 05, 7-12 дугаар сарын тайланг дараа оны 01 дүгээр сарын 05-ны өдрийн дотор хэвлэмэл хэлбэрээр дарга /захирал/-ын, нягтлан бодогчийн гарын үсэг, тамга, тэмдгээр баталгаажуулан харьяа аймаг/сум/, дүүргийн нийгмийн даатгалын газарт ирүүлнэ.

 Байгууллагын регистрийн дугаар нь Улсын бүртгэлийн байгууллагаас олгосон хуулийн этгээдийн регистрийн дугаар байна.

 Нийгмийн даатгалын бүртгэлийн дугаар нь Нийгмийн даатгалын байгууллагаас олгосон шимтгэл төлөгчийн дугаар байна.

 Даатгуулагчийн эцэг/эхийн нэр, өөрийн нэр, иргэний бүртгэлийн дугаар (багана 1-3) Даатгуулагчийн эцэг/эхийн нэр, өөрийн нэр, иргэний бүртгэлийн дугаар /гадаад бол бүртгэлийн дугаар/-ыг бичнэ.

 Даатгуулагчийн төрлийн код (багана 4) Даатгуулагчийн төрлийн 5 оронтой кодыг бичих ба тухайн даатгуулагч ямар төрөлд хамаарахаас шалтгаалж код нь өөр өөр байна.

 Ажил мэргэжлийн ангилал (багана 5) Даатгуулагчийн Үндэсний ажил, мэргэжлийн ангилал, тодорхойлолт YAMAT-08 хувилбараас тохирох ангиллыг тодорхойлж, тохирох кодыг 7 оронгийн түвшинд ажил олгогчийн хүний нөөцийн асуудал хариуцсан ажилтан нөхөж бичнэ.

 Улсын код (багана 6) Гадаад улсын иргэн, харьяалалгүй хүн бол Нийгмийн даатгалын ерөнхий газраас тодорхойлсон кодоор ангилна.

 Цалин хөлс, түүнтэй адилтгах орлого (багана 7) Даатгуулагчийн тухайн сарын цалин хөлс, түүнтэй адилтгах орлогыг төгрөгөөр бүртгэж бичих ба 8-14-р баганад ангилан тархааж бичнэ. Багана (7)=Багана (8+…+14). Энэ баганын нийлбэр дүн нь НД-7 маягтын шимтгэл төлөлт хэсгийн мөр (3)-ийн багана (1)-д бичигдсэн тоотой тэнцүү байна.

 Гэрээт ажилтны цалин (багана 13) Иргэний хуульд заасан ажил гүйцэтгэх, хөлсөөр ажиллах болон бусад гэрээгээр ажиллагчийн цалин хөлс, түүнтэй адилтгах орлогыг бичнэ.

 Ажил олгогч шимтгэлийг нь хариуцан төлсөн цалингийн сан (багана 14) НД-7 маягтын шимтгэл төлөлт хэсгийн мөр (10)-ийн багана(3) дахь даатгуулагчийн ажил олгогчоос хариуцан төлсөн шимтгэлийг тооцсон хөдөлмөрийн хөлсний доод хэмжээг бичнэ.

 Нийт дүн (багана 15) Даатгуулагчийн цалин хөлс, түүнтэй адилтгах орлогод ногдуулсан шимтгэлийн нийт дүнг төгрөгөөр бичнэ. багана (15)=багана (16+17)

 Ажил олгогч (багана 16) Даатгуулагчийн цалин хөлс, түүнтэй адилтгах орлогоос даатгуулагчийн төрлийн код, ажил мэргэжлийн ангиллын дагуу ажил олгогчийн төлөх шимтгэлийн хувь хэмжээгээр тооцсон шимтгэлийн дүнг бичнэ.

 Даатгуулагч (багана 17) Даатгуулагчийн цалин хөлс, түүнтэй адилтгах орлогоос даатгуулагчийн төрлийн кодын дагуу даатгуулагчийн төлөх шимтгэлийн хувь хэмжээгээр тооцсон шимтгэлийн дүнг бичнэ.

 Ажил олгогч нийгмийн даатгалын ногдуулалтын тайлан (НД-8)-гаа тоон гарын үсгээр, цахимаар, хэвлэмэл хэлбэрээр нийгмийн даатгалын байгууллагад илгээн хүргүүлэхэд уг тайлангийн маягтын багана (8-14)-ын мэдээлэл харагдахгүй байхаар хураангуй болгож, зөвхөн багана (7)-ын мэдээлэл харагдах тохиргоогоор цахим системд хийнэ.

 Тайлан гаргасан/хянасан шалгаж хүлээн авсан хэсэгт Ажил олгогчийн дарга /захирал/, нягтлан бодогч нь нийгмийн даатгалын шимтгэл төлөлтийн  тайланг тоон гарын үсгээр эсвэл хэвлэмэл хэлбэрээр гарын үсэг зурж, тамга /тэмдэг/ дарж баталгаажуулсан байх бөгөөд уг тайланг нийгмийн даатгалын байцаагч /ажилтан/ цахимаар эсвэл цаасаар хүлээн авч, шалгаж баталгаажуулна.

 Ажил олгогч хэвлэмэл хэлбэрээр гаргасан нийгмийн даатгалын шимтгэл ногдуулалт, төлөлтийн тайланг хоёр хувь үйлдэх бөгөөд нэг хувийг ажил олгогч, нөгөө хувийг харьяа нийгмийн даатгалын байгууллага тус тус хадгална.

 Ажил олгогчийн нийгмийн даатгалын шимтгэл төлөлтийн тайланд бүртгэх даатгуулагчийн төрөл, код дараах байдалтай байна. Үүнд:

 

 

 

 

АЖИЛ ОЛГОГЧИЙН НИЙГМИЙН ДААТГАЛЫН ШИМТГЭЛ ТӨЛӨЛТИЙН ТАЙЛАНД

БҮРТГЭХ ДААТГУУЛАГЧИЙН ТӨРЛИЙН КОД

 

Д/Д	ДААТГУУЛАГЧИЙН ТӨРЛИЙН КОД	ДААТГУУЛАГЧИЙН ТӨРӨЛ	ШИМТГЭЛ ТООЦОХ ЦАЛИН ХӨЛС, ТҮҮНТЭЙ АДИЛТГАХ ОРЛОГО	ШИМТГЭЛ ТӨЛӨХ ХЭМЖЭЭ /КОД/										НИЙТ НДШ	ХУУЛЬ ТОГТООМЖИЙН ЗААЛТ	ХАРИУЦАН ТӨЛӨХ ГАЗАР
				ТЭТГЭВЭР		ТЭТГЭМЖ		АЖИЛГҮЙДЭЛ		ҮОМШӨ		ЭМД
				АЖИЛ ОЛГОГЧ	ДААТГУУЛАГЧ	АЖИЛ ОЛГОГЧ	ДААТГУУЛАГЧ	АЖИЛ ОЛГОГЧ	ДААТГУУЛАГЧ	АЖИЛ ОЛГОГЧ	ДААТГУУЛАГЧ	АЖИЛ ОЛГОГЧ	ДААТГУУЛАГЧ
1	01001	Хөдөлмөрийн гэрээний дагуу ажиллаж байгаа үндсэн ажилтан	ЦХТАО	8.5	8.5	1.0	0.8	0.5	0.2	0.5-2.5		2.0	2.0	24.0-26.0	НДЕХ-ийн 7.2, 18.1, 21.2, ЭМДТХ-ийн 6.1.1, 8.2, 8.3	Ажил олгогч хариуцан нийгмийн даатгалын санд төлнө
2	02001	Иргэний хуульд заасан ажил гүйцэтгэх, хөлсөөр ажиллах болон бусад  гэрээгээр ажиллагч	ЦХТАО	8.5	8.5	1.0	0.8					2.0	2.0	22.8	НДЕХ-ийн 7.4.10, 18.1, 21, ЭМДТХ-ийн 6.1.1, 8.2, 8.3	Ажил олгогч хариуцан нийгмийн даатгалын санд төлнө
3	06002	Хүүхэд асрах чөлөөтэй байгаа аж ахуйн нэгж, байгууллагын ажилтан эх/эцэг/	ХХДХ	8.5		1.0								9.5	НДЕХ-ийн 7.4.5, 18.1, 21.14,	Ажил олгогч хариуцан сар бүр нийгмийн даатгалын санд төлнө
4	06012	Хүүхэд асрах чөлөөтэй байгаа аж ахуйн нэгж, байгууллагын ажилтан эх/эцэг/ тэтгэвэр тогтоолгосон	ХХДХ	8.5		1.0								9.5	НДЕХ-ийн 7.4.5, 18.1, 21.14,	Ажил олгогч хариуцан сар бүр нийгмийн даатгалын санд төлнө
5	08002	Хугацаат цэргийн алба хаагч, цэргийн сургуулийн сонсогч	ХХДХ	8.5		1.0								9.5	НДЕХ-ийн 7.4.9, 18.1, 21.18, ЗГ-ын 2019 оны 137	Цэргийн анги, байгууллага хариуцан сар бүр нийгмийн даатгалын санд төлнө
6	11001	Цэргийн байгууллагын алба хаагч	ЦХТАО									2.0	2.0	4.0	ЦАХТТТХ-ийн 5, ЭМДТХ 4.2	Цэрэг, цагдаагийн байгууллага хариуцан улсын төсвөөс төлнө
7	14001	Сул зогсолтын үеийн олговор авч байгаа ажилтан	Үндсэн цалингийн 60%-аас багагүй, ХХДХ-ээс  багагүй байна	8.5	8.5	1.0	0.8	0.5	0.2	0.5-2.5		2.0	2.0	24.0-26.0	НДЕХ-ийн 7.2.1, 18.1, 21.2, ЭМДТХ-ийн 8.2, 8.3	Ажил олгогч хариуцан нийгмийн даатгалын санд төлнө
8	17002	Жирэмсний болон амаржсаны амралттай байгаа ажилтан	ХХДХ	8.5		1.0		0.5		0.5-2.5		2.0		12.5-14.5	НДЕХ-ийн 7.2.4, 18.1, 21.6, ЭМДТХ-ийн 6.1.1, 8.3.1	Ажил олгогч хариуцан сар бүр нийгмийн даатгалын санд төлнө
9	20002	Ажил олгогчийн захиалгаар суралцаж байгаа ажилтан, төрийн албан хаагч	ХХДХ	8.5		1.0								9.5	НДЕХ-ийн 7.4.4, 18.1, 21.13,	Ажил олгогч хариуцан нийгмийн даатгалын санд сар бүр төлнө
10	21002	Нэг ба түүнээс дээш сарын хугацаагаар хөдөлмөрийн чадвараа түр алдсан ажилтан	ХХДХ	8.5		1.0		0.5		0.5-2.5		2.0		12.5-14.5	НДЕХ-ийн 7.2.4, 18.1, 21.6, ЭМДТХ-ийн 8.2, 8.3	Ажил олгогч хариуцан сар бүр нийгмийн даатгалын санд төлнө
11	22001	Өндөр насны тэтгэвэр тогтоолгосон ажилтан (тэтгэврийн даатгалын шимтгэл төлнө)	ЦХТАО	8.5	8.5	1.0	0.8			0.5-2.5				19.3-21.3	НДЕХ-ийн 7.3.4, 18.1, 21,	Ажил олгогч хариуцан нийгмийн даатгалын санд төлнө
12	22011	Өндөр насны тэтгэвэр тогтоолгосон ажилтан (тэтгэврийн даатгалын шимтгэл төлөхгүй)	ЦХТАО			1.0	0.8			0.5-2.5				2.3-4.3	НДЕХ-ийн 7.3.4, 7.6, 18.1, 21, Даатгуулагчийн төрсөн онд харгалзах  өндөр насны тэтгэвэр тогтоолгох насыг баримтална.	Ажил олгогч хариуцан нийгмийн даатгалын санд төлнө
13	22021	Цэргийн алба хаасны тэтгэвэр тогтоолгосон ажилтан (тэтгэврийн даатгалын шимтгэл төлнө)	ЦХТАО	8.5	8.5	1.0	0.8			0.5-2.5				19.3-21.3	ЦАХТТТХ-ийн 8, НДЕХ-ийн 7.3.4, 18.1,	Ажил олгогч хариуцан нийгмийн даатгалын санд төлнө
14	22031	Цэргийн алба хаасны тэтгэвэр тогтоолгосон ажилтан (тэтгэврийн даатгалын шимтгэл төлөхгүй)	ЦХТАО			1.0	0.8			0.5-2.5				2.3-4.3	ЦАХТТТХ-ийн 8, НДЕХ-ийн 7.3.4, 7.6, 18.1,	Ажил олгогч хариуцан нийгмийн даатгалын санд төлнө
15	23001	Эрх бүхий байгууллагаас сетификат аваагүй БНСУ-ын иргэн	ЦХТАО	8.5	8.5	1.0	0.8	0.5	0.2	0.5-2.5		2.0	2.0	24.0-26.0	НДЕХ-ийн 7.2, 18.1, 21.2, ЭМДТХ-ийн 8.2, 8.3	Ажил олгогч хариуцан нийгмийн даатгалын санд төлнө
16	24001	Эрх бүхий байгууллагаас сертификат авсан БНСУ-ын иргэн	ЦХТАО			1.0	0.8	0.5	0.2	0.5-2.5		2.0	2.0	7.0-9.0	НДЕХ-ийн 7.2, 18.1, 21.2, ЭМДТХ-ийн 8.2, 8.3	Ажил олгогч хариуцан нийгмийн даатгалын санд төлнө
17	25002	Улирлын шинжтэй ажил үүргийг байнга эрхэлдэг ажилтан /ажил зогссон үед/	ХХДХ	8.5		1.0		0.5		0.5-2.5		2.0		12.5-14.5	НДЕХ-ийн 18.1, ЭМДТХ-ийн 8.2, 8.3, ХөдТХ-ийн 116.4	Ажил олгогч хариуцан нийгмийн даатгалын санд төлнө
18	28002	Улсын хил дээр ажиллаж байгаа гаалийн улсын байцаагчийн ажилгүй байгаа эхнэр/ нөхөр	ХХДХ	17.0		1.8								18.8	НДЕХ-ийн 7.4.1, 18.1, 21.11, ГТХ-ийн 282.7	Нөхөр, эхнэрийн ажиллаж байгаа ажил олгогч хариуцан сар бүр төлнө
19	29002	Улсын хил дээр алба хааж байгаа офицер, ахлагчийн ажилгүй байгаа эхнэр/нөхөр	ХХДХ	17.0		1.8								18.8	НДЕХ-ийн 7.4.1, 18.1, 21.11, МУХТХ-ийн 39.4	Нөхөр, эхнэрийн ажиллаж байгаа ажил олгогч хариуцан сар бүр төлнө
20	30002	Дипломат төлөөлөгчийн газрын ажилтны хөдөлмөр эрхлээгүй, өндөр насны тэтгэвэр тогтоолгоогүй эхнэр/нөхөр	ХХДХ	17.0		1.8								18.8	НДЕХ-ийн 7.4.6, 18.1, 21.15, ДАТХ-ийн 23.2	Нөхөр, эхнэрийн ажиллаж байгаа ажил олгогч хариуцан нийгмийн даатгалын санд  сар бүр төлнө
21	31002	Гамшгаас хамгаалах болон бусад дайчилгаагаар ажилласан хүн	ХХДХ	8.5		1.0								9.5	НДЕХ-ийн 7.4.7, 18.1, 21.16,	Улс, орон нутгийн төсвөөс улирал бүр нийгмийн даатгалын санд төлнө
22	32001	Хууль бусаар ажлаас халагдсан хүн	ЦХТАО	8.5	8.5	1.0	0.8	0.5	0.2	0.5-2.5		2.0	2.0	24.0-26.0	НДЕХ-ийн 7.2.5, 18.1, 21.7, ЭМДТХ-ийн 8.2, 8.3	Шүүх эрх бүхий байгууллагын шийдвэрээр буруутай этгээд нэг удаа төлнө
23	34001	Сул зогсолтын үеийн олговор авч байгаа тэтгэвэр тогтоолгосон ажилтан (тэтгэврийн даатгалын шимтгэл төлнө)	Олговор нь ажилтны үндсэн цалингийн 60%-аас багагүй, ХХДХ-ээс  багагүй байна	8.5	8.5	1.0	0.8			0.5-2.5				19.3-21.3	НДЕХ-ийн 18.1, ХөдТХ-ийн 116.1,	Ажил олгогч хариуцан нийгмийн даатгалын санд төлнө
24	34011	Сул зогсолтын үеийн олговор авч байгаа тэтгэвэр тогтоолгосон ажилтан (тэтгэврийн даатгалын шимтгэл төлөхгүй)	Олговор нь ажилтны үндсэн цалингийн 60%-аас багагүй, ХХДХ-ээс  багагүй байна			1.0	0.8			0.5-2.5				2.3-4.3	НДЕХ-ийн 7.6, 18.1, 21, ХөдТХ-ийн 116.1, Даатгуулагчийн төрсөн онд харгалзах  өндөр насны тэтгэвэр тогтоолгох насыг баримтална.	Ажил олгогч хариуцан нийгмийн даатгалын санд төлнө
25	37001	Шашны байгууллагын лам, санваартан	ЦХТАО	8.5	8.5	1.0	0.8							18.8	НДЕХ-ийн 7.4.3, 18.1, 21.12,	Ажил олгогч хариуцан нийгмийн даатгалын санд сар бүр төлнө
26	38002	Тэтгэвэр тогтоолгосны дараа ажиллаж байгаа жирэмсний болон амаржсаны амралттай ажилтан (тэтгэврийн даатгалын шимтгэл төлнө)	ХХДХ	8.5		1.0				0.5-2.5				10.0-12.0	НДЕХ-ийн 7.3.4, 18.1, 21,	Ажил олгогч хариуцан нийгмийн даатгалын санд төлнө
27	39002	Тэтгэвэр тогтоолгосны дараа ажиллаж байгаа хөдөлмөрийн чадвараа 1  сараас дээш хугацаанд түр алдсан ажилтан (тэтгэврийн даатгалын шимтгэл төлнө)	ХХДХ	8.5		1.0				0.5-2.5				10.0-12.0	НДЕХ-ийн 7.3.4, 18.1, 21,	Ажил олгогч хариуцан нийгмийн даатгалын санд төлнө
28	39012	Тэтгэвэр тогтоолгосны дараа ажиллаж байгаа хөдөлмөрийн чадвараа 1  сараас дээш хугацаанд түр алдсан ажилтан (тэтгэврийн даатгалын шимтгэл төлөхгүй)	ХХДХ			1.0				0.5-2.5				1.5-3.5	НДЕХ-ийн 7.3.4, 7.6, 18.1, 21, Даатгуулагчийн төрсөн онд харгалзах  өндөр насны тэтгэвэр тогтоолгох насыг баримтална.	Ажил олгогч хариуцан нийгмийн даатгалын санд төлнө
29	40001	Үндсэн ажлаас гадуур зэрэгцсэн хөдөлмөрийн гэрээгээр ажиллаж байгаа ажилтан	ЦХТАО	8.5	8.5							2.0	2.0	21.0	НДЕХ-ийн 7.5.1, 18.1,	Ажил олгогч хариуцан нийгмийн даатгалын санд төлнө
30	41002	Жирэмсний болон амаржсаны амралттай байгаа цэргийн алба хаагч эх	ХХДХ									2.0		2.0	ЦАХТТТХ-ийн 5, ЦАХТТТХ-24, ЭМДТХ-4.2	Цэрэг, цагдаагийн байгууллага хариуцан улсын төсвөөс төлнө
31	41012	Хүүхэд асрах чөлөөтэй байгаа цэргийн алба хаагч эх	ХХДХ									2.0		2.0	ЦАХТТТХ-ийн 5, ЦАХТТТХ-171 -5, ЭМДТХ-4.2	Цэрэг, цагдаагийн байгууллага хариуцан улсын төсвөөс төлнө
32	42002	Нэг сараас дээш хугацаагаар хөдөлмөрийн чадвараа алдсан цэргийн алба хаагч	ХХДХ									2.0		2.0	ЦАХТТТХ-ийн 5, ЦАХТТТХ-24, ЭМДТХ-4.2	Цэрэг, цагдаагийн байгууллага хариуцан улсын төсвөөс төлнө
33	50001	Хууль зүйн туслалцаа үзүүлэх гэрээтэй өмгөөлөгч	ЦХТАО	8.5	8.5	1.0	0.8	0.5	0.2	0.5-2.5		2.0	2.0	24.0-26.0	НДЕХ-ийн 7.2.1, 18.1, 21.2, ЭМДТХ-ийн 8.2, 8.3	Ажил олгогч хариуцан нийгмийн даатгалын санд төлнө
34	51002	Шилжин ажилласан Зэвсэгт хүчин, тагнуул, цагдаа, шүүхийн шийдвэр гүйцэтгэх байгууллагын алба хаагчийн хөдөлмөр эрхлээгүй эхнэр/нөхөр	ХХДХ	17.0		1.8								18.8	НДЕХ-ийн 7.4.2, 18.1, 21.11,	Нөхөр, эхнэрийн ажиллаж байгаа ажил олгогч хариуцан нийгмийн даатгалын санд сар бүр төлнө
35	53001	Цэргийн гэрээт алба хаагч	ЦХТАО									2.0	2.0	4.0	ЦАХТТТХ-ийн 5, ЭМДТХ 4.2, ЗГ-ын 2018 оны 11-р тогтоолын 5.3, 5.4	Цэрэг, цагдаагийн байгууллага хариуцан улсын төсвөөс төлнө
36	61001	Цэргийн цолны мөнгө авсан хүүхдээ асрах чөлөөтэй байгаа цэргийн алба хаагч эх	Олгосон цэргийн цолны мөнгөний хэмжээ									2.0	2.0	4.0	ЦАХТТТХ-ийн 5, ЦАХТТТХ-7.1, ЦАХЭЗБТХ-5.1.2, ЭМДТХ-4.2,	Цэрэг, цагдаагийн байгууллага хариуцан улсын төсвөөс төлнө
37	68001	Хөдөлмөрийн хөлс, түүнтэй адилтгах орлого авсан хүүхдээ асрах чөлөөтөй байгаа эх/эцэг	ЦХТАО	8.5	8.5	1.0	0.8	0.5	0.2	0.5-2.5		2.0	2.0	24.0-26.0	НДЕХ-ийн 7.2, 18.1, 21.2, ЭМДТХ-ийн 8.2, 8.3	Ажил олгогч хариуцан нийгмийн даатгалын санд төлнө
38	69001	Цэргийн алба хаасны болон хөдөлмөрийн чадвар алдсаны тэтгэвэр тогтоолгосны дараа цэргийн цолтой  ажиллаж байгаа алба хаагч	ЦХТАО											0.0	ЦАХТТТХ-ийн 5, ЭМДТХ-ийн 4.2,	Цэрэг, цагдаагийн байгууллага хариуцан улсын төсвөөс төлнө
39	70001	Хөдөлмөрийн чадвар алдсаны тэтгэвэр тогтоолгосон ажилтан (тэтгэврийн даатгалын шимтгэл төлнө)	ЦХТАО	8.5	8.5	1.0	0.8			0.5-2.5				19.3-21.3	НДЕХ-ийн 7.3.4, 18.1, 21,	Ажил олгогч хариуцан нийгмийн даатгалын санд төлнө
40	70011	Хөдөлмөрийн чадвар алдсаны тэтгэвэр тогтоолгосон ажилтан (тэтгэврийн даатгалын шимтгэл төлөхгүй)	ЦХТАО			1.0	0.8			0.5-2.5				2.3-4.3	НДЕХ-ийн 7.6, 18.1, 21, Даатгуулагчийн төрсөн онд харгалзах  өндөр насны тэтгэвэр тогтоолгох насыг баримтална.	Ажил олгогч хариуцан нийгмийн даатгалын санд төлнө
41	71002	Цэргийн байгууллагын захиалгаар суралцагч цэргийн цолтой алба хаагч	ХХДХ									2.0		2.0	ЦАХТТТХ-ийн 5, ЦАХЭЗБТХ-4.3.2, ЭМДТХ-ийн 4.2,	Цэрэг, цагдаагийн байгууллага хариуцан улсын төсвөөс төлнө
42	72001	Хилс хэргээр мөрдөгдсөн, хилс хэргээр хорих ял эдэлсэн хүн	ЦХТАО	8.5	8.5	1.0	0.8	0.5	0.2	0.5-2.5		2.0	2.0	24.0-26.0	НДЕХ-ийн 7.2.6, 18.1, 21.8, ЭМДТХ-ийн 8.2, 8.3	Шүүх эрх бүхий байгууллагын шийдвэрээр буруутай этгээд нэг удаа төлнө
43	74002	Дагалднаар суралцаж байгаа хөдөлмөрийн гэрээтэй ажилтан	ХХДХ	17.0		1.8		0.7		0.5-2.5		4.0		24.0-26.0	НДЕХ-ийн 7.2.1, 18.1, 21.5, ЭМДТХ-ийн 8.2, 8.3	Хөдөлмөр эрхлэлтийг дэмжих сангаас ажил олгогчид сар бүр төлнө
44	75001	Төлөөлөн удирдах зөвлөлийн гишүүн	ЦХТАО	8.5	8.5	1.0	0.8			0.5-2.5		2.0	2.0	23.3-25.3	НДЕХ-ийн 7.3.1, 18.1, 21.9	Ажил олгогч нийгмийн даатгалын санд төлнө
45	76001	Бүх шатны сонгуулийн хэсэг, хороонд ажиллахаар томилогдсон иргэн	ЦХТАО	8.5	8.5	1.0	0.8			0.5-2.5		2.0	2.0	23.3-25.3	НДЕХ-ийн 7.3.2, 18.1, 21.9,	Ажил олгогч хариуцан нийгмийн даатгалын санд төлнө

Товчилсон үгийн тайлбар:

НДЕХ-Нийгмийн даатгалын ерөнхий хууль, ЭМДТХ-Эрүүл мэндийн даатгалын тухай хууль, ЦХТАО-Цалин хөлс, түүнтэй адилтгах орлого, ХХДХ-Хөдөлмөрийн хөлсний доод хэмжээ, ЦАХТТТХ-Цэргийн алба хаагчийн тэтгэвэр, тэтгэмжийн тухай хууль, ХөдТХ-Хөдөлмөрийн тухай хууль, ГТХ-Гаалийн тухай хууль, НДҮЗ- Нийгмийн даатгалын үндэсний зөвлөл, ЦАХЭЗБТХ-Цэргийн алба хаагчийн эрх зүйн байдлын тухай хууль, МУХТХ-Монгол Улсын хилийн тухай хууль, ДАТХ-Дипломат албаны тухай хууль, ХЭДТХ-Хөдөлмөр эрхлэлтийг дэмжих тухай хууль, БНСУ-Бүгд Найрамдах Солонгос Улс.   

 

 

 

 

 

 

 

 

 

 

 

 

 

 

 

 

НИЙГМИЙН ДААТГАЛЫН ШИМТГЭЛИЙГ ДААТГУУЛАГЧ ӨӨРӨӨ БОЛОН НИЙГМИЙН ДААТГАЛЫН САН, УЛСЫН ТӨСВӨӨС ХАРИУЦАН ТӨЛӨХ ДААТГУУЛАГЧИЙН ТӨРӨЛ, КОД

 

Д/Д	ДААТГУУЛАГЧИЙН ТӨРЛИЙН КОД	ДААТГУУЛАГЧИЙН ТӨРӨЛ	ШИМТГЭЛ ТООЦОХ ЦАЛИН ХӨЛС, ТҮҮНТЭЙ АДИЛТГАХ ОРЛОГО	ШИМТГЭЛ ТӨЛӨХ ХЭМЖЭЭ /КОД/										НИЙТ НДШ	ХУУЛЬ ТОГТООМЖИЙН ЗААЛТ	ХАРИУЦАН ТӨЛӨХ ГАЗАР
				ТЭТГЭВЭР					ТЭТГЭМЖ				ҮОМШӨ
				УЛСЫН ТӨСВӨӨС	ТЭТГЭМЖИЙН ДААТГАЛЫН САНГААС	ҮОМШӨ-ИЙН ДААТГАЛЫН САНГААС	ДААТГУУЛАГЧ	УЛСЫН ТӨСВӨӨС		ТЭТГЭМЖИЙН ДААТГАЛЫН САНГААС	ДААТГУУЛАГЧ	ДААТГУУЛАГЧ
1	09003	Сайн дураар даатгуулагч	Өөрөө мэдүүлсэн орлого				11.5				1.0	1.0		13.5	НДЕХ-ийн 7.7, 18.3, 21	Сайн дураар даатгуулагч өөрөө хариуцан төлнө.
2	26003	Хөдөлмөрийн гэрээгээр БНСУ-д ажиллаж байгаа Монгол Улсын иргэн	НДҮЗ-ийн тогтоосон хэмжээгээр				8.5							8.5	НДЕХ-ийн 7.3.3, 18.4, 21.10	Даатгуулагч өөрөө хариуцан сар бүр төлнө. /ОУ-ын гэрээнд зааснаар баримтална/
3	43004	Цаа буга маллан тайгад амьдарч байгаа цаатан	ХХДХ	8.5				0.8						9.3	НДЕХ-ийн 7.4.8, 18.1, 21.17	Улсын төсвөөс улирал бүр нийгмийн даатгалын санд төлнө.
4	62003	Ажилласан жил, тэтгэврийн даатгалын шимтгэл нөхөн төлсөн даатгуулагч	1995-1999 оны ХХДХ				10.0							10.0	АЖТДШНТТХ-1	Даатгуулагч өөрөө хариуцан төлсөн
5	63003	Тэтгэврийн даатгалын шимтгэл нөхөн төлсөн малчин, хувиараа хөдөлмөр эрхлэгч	420.000 төгрөг				10.0							10.0	МХХЭТДШНТТХ-4.1, 5.1	Малчин, хувиараа хөдөлмөр эрхлэгч өөрөө хариуцан төлсөн
6	64004	ЖАТ авсан, хүүхдээ 3 нас хүртэл асарч байгаа сайн дураар даатгуулагч эх-ХХДХ	ХХДХ		5.75		5.75			0.5	0.5	1.0		13.5	НДЕХ-ийн 21.21.1	Даатгуулагч өөрөө болон Тэтгэмжийн даатгалын сангаас хариуцан төлнө.
7	64014	ЖАТ тэтгэмж авсан, хүүхдээ 3 нас хүртэл асарч байгаа сайн дураар даатгуулагч эх ХХДХ-ээс дээш	Өөрөө мэдүүлсэн орлого		ХХДХ-ний 5.75		Мэдүүлсэн орлогын 11.5 хувиас тэтгэмжийн сангаас төлөх дүнг хассан зөрүүгээр			ХХДХ-ний 0.5	Мэдүүлсэн орлогын 1 хувиас тэтгэмжийн сангаас төлөх дүнг хассан зөрүүгээр	1.0		13.5	НДЕХ-ийн 21.21.1, 21.24	Даатгуулагч өөрөө болон Тэтгэмжийн даатгалын сангаас хариуцан төлнө.
8	65004	ЖАТ аваагүй, хүүхдээ 3 нас хүртэл асарч байгаа сайн дураар даатгуулагч эх-ХХДХ	ХХДХ	5.75			5.75	0.5			0.5	1.0		13.5	НДЕХ-ийн 21.21.2	Даатгуулагч өөрөө болон Улсын төсвөөс хариуцан төлнө.
9	65014	ЖАТ аваагүй, хүүхдээ 3 нас хүртэл асарч байгаа сайн дураар даатгуулагч эх ХХДХ-ээс дээш	Өөрөө мэдүүлсэн орлого	ХХДХ-ний 5.75			Мэдүүлсэн орлогын 11.5 хувиас улсын төсвөөс төлөх дүнг хассан зөрүүгээр	ХХДХ-ний 0.5			Мэдүүлсэн орлогын 1 хувиас улсын төсвөөс төлөх дүнг хассан зөрүүгээр	1.0		13.5	НДЕХ-ийн 21.21.2, 21.24	Даатгуулагч өөрөө болон Улсын төсвөөс хариуцан төлнө.
10	66004	ҮОМШӨ-ний даатгалын сангаас ХЧА-ны тэтгэвэр авагч	ХХДХ			8.5								8.5	НДЕХ-ийн 7.5.2, 18.1, 21.25	Тухайн Нийгмийн даатгалын хэлтэс нь хариуцан Үйлдвэрлэлийн осол, мэргэжлээс шалтгаалсан өвчний даатгалын сангаас тэтгэврийн даатгалын санд төлнө.
11	67004	Цэргийн алба хаасан хугацааны шимтгэлийг улсын төсвөөс  төлүүлсэн иргэн	ЦХТАО	8.5				1.0						9.5	НДЕХ-ийн 18.1, ЦАХТТТХ-6.3, ЗГ-ын 2019 оны 137	Цэрэг, цагдаагийн байгууллага хариуцан улсын төсвөөс төлнө.
12	67014	Цэргийн алба хаасан хугацааг өсгөн тооцсон хугацааны шимтгэлийг улсын төсвөөс  төлүүлсэн иргэн	ХХДХ	8.5				1.0						9.5	НДЕХ-ийн 18.1, ЦАХТТТХ-6.3, ЗГ-ын 2019 оны 137	Цэрэг, цагдаагийн байгууллага хариуцан улсын төсвөөс төлнө.
13	73004	Цаг уурын хүнд нөхцөл бүхий улс дахь ДТГ-т  ажилласан жилийг өсгөн тооцуулсан ажилтан	ХХДХ	8.5										8.5	НДЕХ-ийн 18.1, 21.27, ДАТХ-22.4	Дипломат төлөөлөгчийн газар хариуцан улсын төсвөөс тухай бүр төлнө.
14	77003	Хөдөлмөрийн гэрээгээр гадаад улсад ажиллаж байгаа Монгол Улсын иргэн	НДҮЗ-ийн тогтоосон хэмжээгээр				8.5				0.8	0.5-2.5		9.8-11.8	НДЕХ-ийн 7.3.3, 18.4, 21.10	Даатгуулагч өөрөө хариуцан сар бүр төлнө.
15	78004	Хөгжлийн бэрхшээлтэй хүүхдээ асарч ажил хөдөлмөр эрхлээгүй эх/эцэг/-ХХДХ	ХХДХ	11.5							1.0	1.0		13.5	НДЕХ-ийн 7.7, 18.3, 21.22	Тухайн үед мөрдөж байгаа сарын ХХДХ-д ногдох тэтгэврийн даатгалын шимтгэлийг улсын төсвөөс сар бүр төлнө. Бусад шимтгэлийг өөрөө хариуцан төлнө.
16	78014	Хөгжлийн бэрхшээлтэй хүүхдээ асарч ажил хөдөлмөр эрхлээгүй эх/эцэг-ХХДХ-нээс дээш	Өөрөө мэдүүлсэн орлого	ХХДХ-ний 11.5			Мэдүүлсэн орлогын 11.5 хувиас улсын төсвөөс төлөх дүнг хассан зөрүүгээр				1.0	1.0		13.5	НДЕХ-ийн 7.7, 18.3, 21.24	Тухайн үед мөрдөж байгаа сарын ХХДХ-д ногдох тэтгэврийн даатгалын шимтгэлийг улсын төсвөөс сар бүр төлнө. ХХДХ-с давсан болон бусад шимтгэлийг өөрөө хариуцан төлнө.
17	79004	Сайн дураар даатгуулагч малчин, туслах малчин-ХХДХ	ХХДХ	5.75			5.75				1.0	1.0		13.5	НДЕХ-ийн 7.7, 18.3, 21.23, ХЭДТХ-ийн 3.1.9, ХөдТХ-ийн 71.2	Тухайн үед мөрдөж байгаа сарын ХХДХ-д ногдох тэтгэврийн даатгалын шимтгэлийн 50 хувийг улсын төсвөөс сар бүр төлнө. Улсын төсвөөс хариуцан төлөх хугацаа 5 жилээс ихгүй байна.
18	79014	Сайн дураар даатгуулагч малчин, туслах малчин-ХХДХ-ээс дээш	Өөрөө мэдүүлсэн орлого	ХХДХ-ний 5.75			Мэдүүлсэн орлогын 11.5 хувиас улсын төсвөөс төлөх дүнг хассан зөрүүгээр				1.0	1.0		13.5	НДЕХ-ийн 7.7, 18.3, 21.24, ХЭДТХ-ийн 3.1.9, ХөдТХ-ийн 71.2	Тухайн үед мөрдөж байгаа сарын ХХДХ-д ногдох тэтгэврийн даатгалын шимтгэлийн 50 хувийг улсын төсвөөс сар бүр төлнө. Улсын төсвөөс хариуцан төлөх хугацаа 5 жилээс ихгүй байна.

 

 

 

 

 

Товчилсон үгийн тайлбар:

НДЕХ-Нийгмийн даатгалын ерөнхий хууль, ХХДХ-Хөдөлмөрийн хөлсний доод хэмжээ, ЦАХТТТХ-Цэргийн алба хаагчийн тэтгэвэр, тэтгэмжийн тухай хууль, НДҮЗ-Нийгмийн даатгалын үндэсний зөвлөл, ДАТХ-Дипломат албаны тухай хууль, БНСУ-Бүгд Найрамдах Солонгос Улс, АЖТДШНТТХ-Ажилласан жил, тэтгэврийн даатгалын шимтгэлийг нөхөн тооцох тухай хууль, МХХЭТДШНТТХ-Малчин, хувиараа хөдөлмөр эрхлэгчийн тэтгэврийн даатгалын шимтгэлийг нөхөн төлүүлэх тухай хууль, ЖАТ-Жирэмсний болон амаржсаны тэтгэмж, ҮОМШӨ- Үйлдвэрлэлийн осол, мэргэжлээс шалтгаалсан өвчин,    

Даатгуулагчийн төрлийн ангилалд төрөл, код нэмэх, өөрчлөх шаардлага гарсан тухай бүрт Нийгмийн даатгалын асуудал хариуцсан төрийн захиргааны байгууллага холбогдох хууль тогтоомжийн дагуу шийдвэрлэж хэрэгжилтийг ханган ажиллана.

Энэхүү аргачлалыг зөрчсөн байгууллага, ажилтан, даатгуулагч, иргэнд холбогдох хууль тогтоомжид заасан хариуцлага хүлээлгэнэ.

 

---оОо---