ДОРНОД АЙМГИЙН ЭРЧИМ ХҮЧНИЙ ЗОХИЦУУЛАХ ЗӨВЛӨЛИЙН ТОГТООЛ

2024 оны 05 дугаар сарын 13-ны өдөр

Дугаар 3

Чойбалсан

ТАРИФ БАТЛАХ ТУХАЙ

Эрчим хүчний тухай хуулийн 11 дүгээр зүйлийн 11.3.3 дахь заалт, Захиргааны ерөнхий хуулийн 67 дугаар зүйлийн 67.2 дахь хэсэг, "Тэргүүн хараат" ХХК-ийн 2024 оны 3 дугаар сарын 11-ний өдрийн 2024/07 тоот дугаар албан бичгээр ирүүлсэн тарифын саналыг тус тус үндэслэн Эрчим хүчний зохицуулах зөвлөлөөс ТОГТООХ нь:

1. Дорнод аймгийн Чулуунхороот сумын Тэргүүн хараат ХХК-ийн дулаан түгээх шугам сүлжээнд холбогдсон төсөвт байгууллага, аж ахуйн нэгж, айл өрхийн хэрэглэгчдэд борлуулах дулааны эрчим хүчний үнэ тарифыг хавсралтаар баталсугай.

2. Дулааны эрчим хүчний үнэ тарифыг 2024 оны 9 дүгээр сарын 01-ний өдрөөс эхлэн мөрдөж ажиллахыг Тэргүүн хараат ХХК-ийн гүйцэтгэх захирал /Б.Долгормаа/-д даалгасугай.

3.Үнэ тарифын хэрэгжилтэнд хяналт тавьж ажиллахыг эрчим хүчний зохицуулах зөвлөлийн орон тооны бус гишүүн Ж.Энхээд даалгасугай.

4.Энэ тогтоол гарсантай холбогдуулан эрчим хүчний зохицуулах зөвлөлийн үнэ батлах тухай 2023 оны 9 дүгээр сарын 20-ны өдрийн 12 дугаар тогтоолыг хүчингүй болгосугай.

ДАРГА Б.ЭНХБААТАР

ГИШҮҮН М.НЯМСҮРЭН

ГИШҮҮН Ж.ЭНХЭЭ