МОНГОЛ УЛСЫН ЗАСГИЙН ГАЗРЫН ТОГТООЛ

2024 оны 05 сарын 15 өдөр

Дугаар 210

Улаанбаатар хот

ТОГТООЛЫН ХАВСРАЛТАД НЭМЭЛТ, ӨӨРЧЛӨЛТ ОРУУЛАХ ТУХАЙ

Монгол Улсын Засгийн газрын тухай хуулийн 30 дугаар зүйлийн 1 дэх хэсэг, Төрийн тусгай хамгаалалтын тухай хуулийн 8.2-т заасныг тус тус үндэслэн Монгол Улсын Засгийн газраас ТОГТООХ нь:

1."Жагсаалт батлах тухай" Засгийн газрын 2012 оны 9 дүгээр сарын 29-ний өдрийн 65 дугаар тогтоолын хавсралтаар баталсан "Төрийн тусгай хамгаалалтад зайлшгүй байх шаардлагатай зүйлийн жагсаалт"-ын "Нэг. Төрийн тусгай хамгаалалтад байнга байх зүйл" хэсгийн 18 дахь заалтын "Нийслэлийн Засаг даргын Тамгын газрын I байр" гэсний дараа "Нийслэлийн нутгийн захиргааны цогцолбор байрны А блок" гэж нэмсүгэй.

2."Нийслэлийн нутгийн захиргааны цогцолбор байрны А блок" хамгаалалтыг хэрэгжүүлэхэд шаардагдах зардлыг батлагдсан төсөв, орон тоондоо багтааж шийдвэрлэхийг Төрийн тусгай хамгаалалтын газар (Л.Алтангэрэл)-т даалгасугай.

МОНГОЛ УЛСЫН ЕРӨНХИЙ САЙД Л.ОЮУН-ЭРДЭНЭ

МОНГОЛ УЛСЫН САЙД, НИЙСЛЭЛ УЛААНБААТАР ХОТЫН АВТО ЗАМЫН ТҮГЖРЭЛИЙГ БУУРУУЛАХ ҮНДЭСНИЙ ХОРООНЫ ДАРГА Б.ДЭЛГЭРСАЙХАН