МОНГОЛ УЛСЫН ЗАСГИЙН ГАЗРЫН ТОГТООЛ

2024 оны 06 сарын 06 өдөр

Дугаар 257

Улаанбаатар хот

ЖУРАМ ШИНЭЧЛЭН БАТЛАХ ТУХАЙ

Цагдаагийн албаны тухай хуулийн 89.2, Дотоодын цэргийн тухай хуулийн 36.6-д заасныг тус тус үндэслэн Монгол Улсын Засгийн газраас ТОГТООХ нь:

1."Цагдаагийн алба хаагчид мөнгөн урамшил олгох журам"-ыг хавсралт ёсоор шинэчлэн баталсугай.

2.Цагдаа, дотоодын цэргийн алба хаагчид мөнгөн урамшил олгоход шаардагдах нэмэлт эх үүсвэрийг энэ оны батлагдсан төсөвтөө багтаан шийдвэрлэхийг Хууль зүй, дотоод хэргийн сайд Б.Энхбаярт даалгасугай.

3.Энэ журам гарсантай холбогдуулан "Цагдаагийн алба хаагчид мөнгөн урамшил олгох журам батлах тухай" Засгийн газрын 2017 оны 3 дугаар сарын 7-ны өдрийн 74 дүгээр тогтоолыг хүчингүй болсонд тооцсугай.

МОНГОЛ УЛСЫН ЕРӨНХИЙ САЙД Л.ОЮУН-ЭРДЭНЭ

ХӨДӨЛМӨР, НИЙГМИЙН ХАМГААЛЛЫН САЙД Х.БУЛГАНТУЯА