ГААЛИЙН ЕРӨНХИЙ ГАЗРЫН ДАРГЫН ТУШААЛ

2024 оны 07 дугаар сарын 19-ний өдөр

Дугаар А/422

Улаанбаатар хот

ЖУРАМ ШИНЭЧЛЭН БАТЛАХ ТУХАЙ

Засгийн газрын агентлагийн эрх зүйн байдлын тухай хуулийн 8 дугаар зүйлийн 8.4 дэх хэсэг, Гаалийн тухай хуулийн 252 дугаар зүйлийн 252.8, 256 дугаар зүйлийн 256.7, 271¹ дүгээр зүйлийн 271¹.1.1, 271¹.1.2 дахь заалт, Авлигатай тэмцэх газрын 2024 оны 03 дугаар сарын 19-ний өдрийн 01/4936 дугаартай албан бичиг, Гаалийн ерөнхий газрын Мэргэжлийн зөвлөлийн 2024 оны 06 дугаар сарын 14-ний өдрийн хуралдааны 06/05 тоот шийдвэрийг тус тус үндэслэн ТУШААХ нь:

1."Бараанаас сорьц, дээж, загвар авах, магадлан шинжилгээ хийх, дүгнэлт гаргах журам"-ыг хавсралт ёсоор шинэчлэн баталсугай.

2.Тушаалын хэрэгжилтэд хяналт тавьж ажиллахыг Гаалийн ерөнхий газрын дэргэдэх Гаалийн төв лаборатори (С.Цэрэнчимэд)-д үүрэг болгосугай.

3.Энэ тушаал гарсантай холбогдуулан Гаалийн ерөнхий газрын даргын 2023 оны "Журам батлах тухай" А/315 дугаар тушаалыг хүчингүй болгосугай.

ДАРГА Р.ОТГОНЖАРГАЛ