2024 оны 07 сарын 29 өдөр

Дугаар 32

Улаанбаатар хот

ХУВААРЬ ШИНЭЧЛЭН БАТЛАХ ТУХАЙ

Монгол Улсын Засгийн газрын тухай хуулийн 30 дугаар зүйлийн 1 дэх хэсэгт заасныг үндэслэн ЗАХИРАМЖЛАХ нь:

1.Түр эзгүй байгаа Засгийн газрын гишүүний хариуцсан асуудлыг "Засгийн газрын хуралдаанд хэлэлцүүлэх хуваарь"-ийг хавсралт ёсоор баталсугай.

2.Түр эзгүй байгаа гишүүний хариуцсан асуудлыг Засгийн газрын хуралдаанд хэлэлцүүлэх Засгийн газрын гишүүн эзгүй тохиолдолд тухайн асуудлыг Монгол Улсын сайд, Засгийн газрын Хэрэг эрхлэх газрын дарга, эсхүл Ерөнхий сайдаас томилсон аль нэг сайд танилцуулж байхаар тогтоосугай.

3.Энэ захирамж гарсантай холбогдуулан "Хуваарь шинэчлэн батлах тухай" Монгол Улсын Ерөнхий сайдын 2023 оны 122 дугаар захирамжийг хүчингүй болсонд тооцсугай.

МОНГОЛ УЛСЫН ЕРӨНХИЙ САЙД Л.ОЮУН-ЭРДЭНЭ