МОНГОЛ УЛСЫН ЗАСГИЙН ГАЗРЫН ТОГТООЛ

2024 оны 08 сарын 28 өдөр

Дугаар 53

Улаанбаатар хот

ТОГТООЛЫН ХАВСРАЛТ ШИНЭЧЛЭН БАТЛАХ ТУХАЙ

Боловсролын ерөнхий хуулийн 24.1.5, 38.2-т заасныг тус тус үндэслэн Монгол Улсын Засгийн газраас ТОГТООХ нь:

1."Хувьсах зардлын хэмжээ, итгэлцүүр, журам батлах тухай" Засгийн газрын 2024 оны 01 дүгээр сарын 25-ны өдрийн 39 дүгээр тогтоолын хавсралтаар баталсан "Сургуулийн өмнөх боловсрол эзэмшүүлэхэд нэг суралцагчид ногдох хувьсах зардлын дундаж хэмжээ, түүний бүрэлдэхүүн"-ийг 1 дүгээр хавсралт, "Ерөнхий боловсрол эзэмшүүлэхэд нэг суралцагчид ногдох хувьсах зардлын дундаж хэмжээ, түүний бүрэлдэхүүн"-ийг 2 дугаар хавсралт, "Цэцэрлэг, ерөнхий боловсролын сургуулийн нэг суралцагчид ногдох хувьсах зардлын байршил, хүүхдийн тооноос хамаарсан өсөн нэмэгдэх итгэлцүүр"-ийг 3 дугаар хавсралт ёсоор тус тус шинэчлэн баталсугай.

2.Төрийн өмчийн их, дээд сургуулийн харьяа өөрийн удирдлагаас сургалтын төлбөр тогтоосон ерөнхий боловсролын сургуулийн хувьсах зардлыг төрийн бус өмчийн боловсролын сургалтын байгууллагын хувьсах зардлаар тооцож олгох, сургуулийн өмнөх болон ерөнхий боловсролын сургалтын байгууллагын 2024 онд хуваарилагдах нэг суралцагчид ногдох хувьсах зардлын дундаж хэмжээгээр тооцсон санхүүжилтийг тухайн жилийн батлагдсан төсөвтөө багтаан шийдвэрлэж, цаашид улсын төсвийн төсөлд тусгах арга хэмжээ авч байхыг Боловсролын сайд П.Наранбаяр, Сангийн сайд Б.Жавхлан нарт тус тус даалгасугай.

3.Энэ тогтоол гарсантай холбогдуулан "Хувьсах зардлын хэмжээ, итгэлцүүр, журам батлах тухай" Засгийн газрын 2024 оны 01 дүгээр сарын 25-ны өдрийн 39 дүгээр тогтоолын 1, 2, 3 дугаар хавсралтыг тус тус хүчингүй болсонд тооцсугай.

МОНГОЛ УЛСЫН ЕРӨНХИЙ САЙД Л.ОЮУН-ЭРДЭНЭ

БОЛОВСРОЛЫН САЙД П.НАРАНБАЯР