ЦАХИМ ХӨГЖИЛ, ИННОВАЦ, ХАРИЛЦАА ХОЛБООНЫ САЙДЫН ТУШААЛ

2024 оны 9 дүгээр сарын 30-ны өдөр

Дугаар А/24

Улаанбаатар хот

ШУУДАНГИЙН НЭГДСЭН КОД ШИНЭЧЛЭН БАТЛАХ ТУХАЙ

Монгол Улсын Засгийн газрын тухай хуулийн 24 дүгээр зүйлийн 2 дахь хэсэг, Монгол Улсын яамны эрх зүйн байдлын тухай хуулийн 8 дугаар зүйлийн 8.2 дахь хэсэг, Шуудангийн тухай хуулийн 7 дугаар зүйлийн 7.1.4 дэх заалтыг үндэслэн ТУШААХ нь:

1.Монгол Улсын шуудангийн нэгдсэн кодыг хавсралт ёсоор шинэчлэн баталсугай.

2.Шуудангийн нэгдсэн код олгож, мэдээллийн сан үүсгэх, олон нийтэд сурталчлан таниулах, хэрэглээнд нэвтрүүлэх ажлыг зохион байгуулахыг Харилцаа холбооны зохицуулах хороо (Г.Чинзориг)-нд даалгасугай.

3.Шуудангийн нэгдсэн кодыг нэвтрүүлэх, хэрэглэх үйл ажиллагаанд хяналт тавьж ажиллахыг Харилцаа холбооны бодлогын хэрэгжилтийг зохицуулах газрын дарга (С.Цагаанхүү)-д үүрэг болгосугай.

4.Энэ тушаал батлагдсантай холбогдуулан Харилцаа холбоо, мэдээллийн технологийн газрын даргын 2019 оны 10 дугаар сарын 22-ны өдрийн "Шуудангийн нэгдсэн код батлах тухай" А/137 дугаар тушаалыг хүчингүй болсонд тооцсугай.

САЙД Ц.БААТАРХҮҮ