ГЭР БҮЛ, ХӨДӨЛМӨР, НИЙГМИЙН ХАМГААЛЛЫН САЙДЫН ТУШААЛ

2024 оны 10 дугаар сарын 18-ны өдөр

Дугаар А/40

Улаанбаатар хот

ЖУРАМ БАТЛАХ ТУХАЙ

Монгол Улсын Засгийн газрын тухай хуулийн 24 дүгээр зүйлийн 2 дахь хэсэг, Хүн худалдаалахтай тэмцэх тухай хуулийн 12 дугаар зүйлийн 12.1.3, 12.2 дахь хэсгийг тус тус үндэслэн ТУШААХ нь:

1."Хохирогчийг ажлын байраар хангах, мэргэжлийн сургалтад хамруулах үйлчилгээ үзүүлэх журам"-ыг хавсралтаар шинэчлэн баталсугай.

2.Тушаалын хэрэгжилтийг хангаж ажиллахыг Хөдөлмөр, халамжийн үйлчилгээний ерөнхий газарт даалгасугай.

3.Тушаалын хэрэгжилтэд хяналт тавьж, мэргэжил арга зүй, удирдлагаар хангаж ажиллахыг Хөдөлмөрийн бодлогын газар, Гэр бүлийн бодлогын газарт тус тус үүрэг болгосугай.

4.Энэ тушаал гарсантай холбогдуулан Хөдөлмөрийн сайдын 2015 оны 7 дугаар сарын 09-ний өдрийн А/135 дугаар тушаал, Хөдөлмөр, нийгмийн хамгааллын сайдын 2024 оны 6 дугаар сарын 11-ний өдрийн А/124 дүгээр тушаалыг тус тус хүчингүй болсонд тооцсугай.

САЙД Л.ЭНХ-АМГАЛАН