МОНГОЛ УЛСЫН ЗАСГИЙН ГАЗРЫН ТОГТООЛ

2024 оны 10 сарын 09 өдөр

Дугаар 128

Улаанбаатар хот

ТОГТООЛ, ТОГТООЛЫН ХАВСРАЛТАД НЭМЭЛТ ОРУУЛАХ ТУХАЙ

Монгол Улсын Засгийн газрын тухай хуулийн 30 дугаар зүйлийн 1 дэх хэсэгт заасныг үндэслэн Монгол Улсын Засгийн газраас ТОГТООХ нь:

1."Засгийн газрын үндэсний хороо, комисс, үндэсний зөвлөлийн бүрэлдэхүүнийг шинэчлэн батлах тухай" Засгийн газрын 2024 оны 08 дугаар сарын 07-ны өдрийн 21 дүгээр тогтоолд энэ тогтоолын хавсралтаар баталсан "Аж үйлдвэржилтийн Үндэсний хорооны бүрэлдэхүүн" гэсэн 45 дугаар хавсралт нэмсүгэй.

2.Мөн тогтоолын 1 дэх заалтын "44 дүгээр хавсралт" гэсний дараа ", Аж үйлдвэржилтийн Үндэсний хорооны бүрэлдэхүүнийг 45 дугаар хавсралт" гэж нэмсүгэй.

3."Аж үйлдвэржилтийн Үндэсний хороо"-ны ажиллах журмыг баталж, хэрэгжилтийг хангуулж ажиллахыг Аж үйлдвэр, эрдэс баялгийн сайд Ц.Туваанд даалгасугай.

МОНГОЛ УЛСЫН ЕРӨНХИЙ САЙД Л.ОЮУН-ЭРДЭНЭ

АЖ ҮЙЛДВЭР, ЭРДЭС БАЯЛГИЙН САЙД Ц.ТУВААН