ГАДААД ХАРИЛЦААНЫ САЙДЫН ТУШААЛ

2024 оны 11 дүгээр сарын 12-ны өдөр

Дугаар А/71

Улаанбаатар хот

ЖУРАМ БАТЛАХ ТУХАЙ

Монгол Улсын Засгийн газрын тухай хуулийн 24 дүгээр зүйлийн 2 дахь хэсэг, Хүн худалдаалахтай тэмцэх тухай хуулийн 5 дугаар зүйлийн 5.3 дахь хэсэг, 12 дугаар зүйлийн 12.1.5 дахь заалт, 12.2 дахь хэсэгт заасныг тус тус үндэслэн ТУШААХ нь:

1."Хүн худалдаалах гэмт хэргийн хохирогчид үйлчилгээ үзүүлэх журам"-ыг хавсралт ёсоор шинэчлэн баталсугай.

2.Тушаалын хэрэгжилтийг зохион байгуулж, хяналт тавьж ажиллахыг Гадаад харилцааны яамны Төрийн нарийн бичгийн дарга (Л.Мөнхтүшиг)-д даалгасугай.

3.Энэхүү тушаал батлагдсантай холбогдуулан Гадаад харилцааны сайдын 2013 оны 11 дүгээр сарын 15-ны өдрийн А/91 дүгээр тушаалыг хүчингүй болсонд тооцсугай.

САЙД Б.БАТЦЭЦЭГ