№

Хуулийн заалт, чиглэл, зориулалт

Зорилго, үндэслэл

Холбогдох стандарт, журам

Тавигдах доод шаардлага

Тусгай шаардлага

Тайлбар

Нэг. Ахмад настан, хөгжлийн бэрхшээлтэй иргэн, хүүхдэд зориулсан төрөлжсөн асрамжийн газар шинээр барих, сэргээн засварлах, тохижилт, тоног төхөөрөмжийн дэмжлэг үзүүлэх

1.1

Нийгмийн халамжийн тухай хуулийн 3.1.9 дэх хэсэг,

Хүүхэд хамгааллын тухай хуулийн 9.2.3, 13.2 дахь хэсэг,

Хөгжлийн бэрхшээлтэй хүний эрхийн тухай хуулийн 26.2 дахь хэсэг

Хүний эрхэд суурилсан асрамжийн үйлчилгээг ахмад настан, хөгжлийн бэрхшээлтэй хүн, хүүхдэд  тэгш хүртээмжтэй хүргэх

Ахмад настны асрамжийн үйлчилгээнд тавих нийтлэг шаардлага MNS 5823:2016;

Хөгжлийн бэрхшээлтэй иргэний асрамжийн үйлчилгээнд тавих нийтлэг шаардлага, стандарт

MNS 5897:2016;

Явган хүн, хөгжлийн бэрхшээлтэй иргэдэд зориулсан замыг төлөвлөх заавар, стандарт MNS6056:2009;

Иргэний барилгын төлөвлөлтөд хөгжлийн бэрхшээлтэй хүний шаардлагыг тооцсон орон зай, орчны стандарт MNS6055:2009;

Хүүхэд асрах хувилбарт үйлчилгээнд тавигдах нийтлэг шаардлага MNS5852:2017.

- Ахмад настан, хөгжлийн бэрхшээлтэй иргэн, хүүхдийн хөгжил, хамгааллын талаарх төрийн болон салбарын бодлогод нийцсэн байх;

-       Хандив тусламжаар нийлүүлж буй тохижилт, тоног төхөөрөмж нь стандартад нийцсэн, аюулгүй ажиллагааны шаардлага хангасан, орчин үеийн дэвшилтэт техник, технологийг нэвтрүүлсэн байх;

-       Ахмад настан, хөгжлийн бэрхшээлтэй иргэн, хүүхэд амралт чөлөөт цагаа зөв боловсон өнгөрүүлэх, биеийн алжаал ядаргааг тайлах, чийрэгжүүлэх, дасгал хөдөлгөөн хийх, урлаг спортоор хичээллэх зэрэг нөхцөл боломжийг бүрдүүлж өгсөн байх;

-       Хүүхдийг хүлээн авах, хүүхэд амьдрах тав тухтай, шаардлага хангасан аюулгүй, орчныг бүрдүүлсэн байх;

   - Хүүхдүүдийг эрэгтэй, эмэгтэй хүйсээр нь ялгаатай өрөө, давхарт байрлуулахаар өрөө тасалгааны зохион байгуулалтыг төлөвлөсөн байх;

- Халуун хүйтэн усаар хангагдсан, бохирын ус зайлуулах инженерийн шугамд холбогдсон буюу зөөврийн усан хангамжтай нөхцөлд нам даралтын зуухаар халаах эрүүл ахуйн шаардлага хангасан халуун хүйтэн усан сантай байх;

- Бүтээн байгуулалтыг барьж, ашиглалтад орсны дараа үйл ажиллагааг тогтвортой үргэлжлүүлэх  урт болон дунд хугацааны төлөвлөгөөтэй байх;

-  Бүтээн байгуулалт нь ахмад настан, хөгжлийн бэрхшээлтэй иргэн, хүүхдийн онцлог, хэрэгцээ шаардлагад нийцсэн түгээмэл загвар бүхий зураг төсөлтэй байх;

-  Бүтээн байгуулалт нь ахмад настан, хөгжлийн бэрхшээлтэй иргэн, хүүхдэд ээлтэй, стандарт шаардлагад нийцсэн, тэгш хүртээмжтэй ашиглах боломжтой байх;

-       Ахмад настан, хөгжлийн бэрхшээлтэй иргэн, хүүхэд саадгүй чөлөөтэй зорчих, ашиглахад зориулагдсан туслах хэрэгсэл, тохируулгат орчин,  хэрэглэгдэхүүнээр хангагдсан байх;

-       Бүтээн байгуулалт нь байгальд ээлтэй, эрүүл мэндэд сөрөг нөлөөгүй, эрчим хүчний хэмнэлттэй байх;

- Ашиг хонжоо олох эсхүл хүүхдийг ашиглах зорилго агуулаагүй байх;

-       Ахмад настан хөгжлийн бэрхшээлтэй иргэн хүүхдийн нас, сэтгэхүйн онцлогт тохирсон ариун цэврийн өрөө, шүршүүрийн өрөөтэй байх;

-       10 хүүхдэд нэг шүршүүр, 6 эмэгтэй, 10 эрэгтэйд тус бүр нэг суултуур байх;

-   Нэг хүнд ноогдох унтлагын өрөөний талбайн хэмжээ 5м2-аас доошгүй буюу нэг өрөөнд 4-өөс ихгүй ахмад настан /хүүхэд байх;

-       Ахмад настан хөгжлийн бэрхшээлтэй иргэнд зориулсан эмчилгээ, сувилгааны өрөөтэй байх.

Хоёр. Хөгжлийн бэрхшээлтэй иргэнд зориулсан  тохируулгат орчинг бүрдүүлэх, засварлах

2.1

Хөгжлийн бэрхшээлтэй хүний эрхийн тухай НҮБ-ын конвенцын 24 дүгээр зүйл;

Хөгжлийн бэрхшээлтэй хүний эрхийн тухай хууль;

Хөдөлмөрийн тухай хуулийн 144.6 дахь заалт

Хөгжлийн бэрхшээлтэй хүн нийгмийн харилцаанд саадгүй, тэгш хүртээмжтэй оролцох боломжийг хангах

-Явган хүн, хөгжлийн бэрхшээлтэй иргэдэд зориулсан замыг төлөвлөх заавар, стандарт MNS6056:2009;

-Иргэний барилгын төлөвлөлтөд хөгжлийн бэрхшээлтэй хүний шаардлагыг тооцсон орон зай, орчны стандарт MNS6055:2009.

- Хөгжлийн бэрхшээлтэй иргэнд зориулсан  тохируулгат орчинг бүрдүүлэх, засварлах үйл ажиллагаа нь хөгжлийн бэрхшээлтэй иргэдийн онцлог, шаардлагад нийцсэн зураг төсөлтэй байх ба хөгжлийн бэрхшээлийн асуудал хариуцсан мэргэжлийн байгууллагын санал дүгнэлтийг тусгасан байна.

- Хөгжлийн бэрхшээлтэй хүний бэрхшээлийн төрөл, хэлбэр, хэрэгцээ шаардлага, онцлог, ялгаатай байдлыг харгалзан тохируулгат орчинг бүрдүүлсэн байх;

-  Тохируулгат орчинг бүрдүүлэхдээ хөгжлийн бэрхшээлтэй хүн хэрэгцээгээ хангах, сэтгэл ханамжтай байхад анхаарсан байх;

- Тохируулгат орчны тохижилт, тоног төхөөрөмж, техник хэрэгслүүд нь чанар стандартад нийцсэн, аюулгүй ажиллагааны шаардлага хангасан байх.

Гурав. Хүүхдэд зориулсан амрах, сувилуулах, асруулах нийгэмшихэд чиглэсэн хүүхдийн зуслан, төв шинээр барих, сэргээн засварлах, тохижилт, тоног төхөөрөмжийн дэмжлэг үзүүлэх

3.1

Хүүхдийн эрхийн тухай хуулийн 6.2.дахь хэсэг

Хүүхдэд зориулсан амрах, сувилуулах, асруулах нийгэмшихэд чиглэсэн хүүхдийн зуслан шинээр барих, сэргээн засварлах, тохижилт, тоног төхөөрөмжийн дэмжлэг үзүүлэхэд тавигдах  шаардлагыг тогтоох

-Хүүхдийн зуслангийн үйл ажиллагаа Ерөнхий шаардлага MNS5633:2023;

-Иргэний барилгын төлөвлөлтөд хөгжлийн бэрхшээлтэй хүний шаардлагыг тооцсон орон зай, орчны стандарт MNS6055:2009.

-Хүүхдийг хүлээн авах, хүүхэд амьдрах тав тухтай, шаардлага хангасан аюулгүй, орчныг бүрдүүлсэн байна;

-Хүүхдийн зуслангийн бүс нь шатахуун түгээх газраас 2 км-ээс доошгүй зайд баригдсан байх;

-Хүүхдийн нас, сэтгэхүйн онцлогт тохирсон ариун цэврийн өрөө, шүршүүрийн өрөөтэй байх;

-  Зуслангийн байр, зам, талбай нь тусгай хэрэгцээт хүүхэд амрах, зорчиход саадгүй байхаар тохижуулсан байх;

-   Зуслангийн бүс, барилга хооронд шөнийн гэрэлтүүлэг, камер байрлуулсан байна.

-   Зуны зуслангийн байрны нэг хүүхдэд ноогдох өрөөний хэмжээ 5м2-аас доошгүй буюу нэг өрөөнд 4 хүүхэд байх.

Дөрөв. Ахмад настан, хөгжлийн бэрхшээлтэй иргэн, хүүхдэд зориулсан тоглоомын талбай, цэцэрлэгт хүрээлэн шинээр барих, сэргээн засварлах, тохижилт, тоног төхөөрөмжийн дэмжлэг үзүүлэх

4.1

Хөгжлийн бэрхшээлтэй хүний эрхийн тухай НҮБ-ын конвенц;

Хөгжлийн бэрхшээлтэй хүний эрхийн тухай хууль;

Хүүхдийн эрхийн тухай хуулийн 6.2.дахь хэсэг;

Ахмад настан, хөгжлийн бэрхшээлтэй иргэн, хүүхэд амралт чөлөөт цагаа зөв боловсон өнгөрүүлэх, нийгмийн харилцаанд тэгш хүртээмжтэй оролцоход дэмжлэг үзүүлэх 

-Явган хүн, хөгжлийн бэрхшээлтэй иргэдэд зориулсан замыг төлөвлөх заавар, стандарт MNS6056:2009;

-Иргэний барилгын төлөвлөлтөд хөгжлийн бэрхшээлтэй хүний шаардлагыг тооцсон орон зай, орчны стандарт MNS6055:2009;

-Тээврийн хэрэгслийн зогсоолыг төлөвлөх, байгуулахад тавих ерөнхий шаардлага, иж бүрэн гудамж UCS0902B:2022;

-Хүүхдийн тоглоомын талбайн ерөнхий шаардлага MNS6751:2019;

-Хүүхдийн тоглоомын талбай. MNS

6751:2019

Орон сууцны дотор, гадна талд

байрлуулан хэрэглэдэг савлуур, гулсуур

болон түүнтэй төсөөтэй тоглоомын

ажиллагаа БНбД 30.01.03, Хот, тосгоны төлөвлөлт

барилгажилтын норм ба дүрэм

БНбД 31.03.03*/11 Олон нийтийн иргэний барилга

-Тоглоомын талбай, цэцэрлэгт хүрээлэн нь ахмад настан, хөгжлийн бэрхшээлтэй иргэн, хүүхэд тэгш хүртээмжтэй, аюулгүй ашиглах боломжтой түгээмэл загвар бүхий орчин нөхцөлийг бүрдүүлсэн байх;

-Гадаа тоглоомын талбайн хэмжээ 30м-ээс доошгүй байх бөгөөд хөдөлгөөнт тоглоомтой байх;

- Цэцэрлэгт хүрээлэн, зам талбай  нь тулгуур эрхтний бэрхшээлтэй хүнд зориулсан  налуу зам хийх зэрэг хөгжлийн бэрхшээлтэй иргэдэд зориулсан тохируулгат орчинг бүрдүүлсэн байх;

-Тоглоомын талбай, задгай талбай, элсэн талбайтай, амрах хэсэгтэй байх;

-Зураг төсөлтэй байх;

-Тоглоомын талбай, цэцэрлэгт хүрээлэнд хөгжлийн бэрхшээлтэй иргэнд зориулсан автомашины зогсоолыг төлөвлөсөн байх;

- Тоглоомын талбай, цэцэрлэгт хүрээлэнд хөгжлийн бэрхшээлтэй хүний онцлог, шаардлагад нийцсэн тохируулгат орчинг бүрдүүлсэн байх;

- Тоглоомын талбай, цэцэрлэгт хүрээлэнд хөгжлийн бэрхшээлтэй иргэдийн онцлог, шаардлагад нийцсэн таних тэмдэг, дуут дохио, мэдээллийн самбар, чиглүүлэгч зэргийг суурилуулсан байх ба энэ нь хөгжлийн бэрхшээлтэй иргэнийг ялгаварлан гадуурхсан, тусгаарласан байхыг хориглоно;

-Тоглоомын талбай, цэцэрлэгт хүрээлэнд гэнэтийн аваар ослын үед болон эрүүл мэндийн шалтгаанаар яаралтай тусламж дэмжлэг дуудахад зориулагдсан дуут болон гэрлэн дохиолол суурилуулсан байх;

Тав. Ахмад настан, хөгжлийн бэрхшээлтэй иргэн, хүүхдийн эрхийг хангах, хамгаалахад чиглэсэн аж ахуйн нэгжийн оруулсан хөрөнгө оруулалт, санхүүгийн дэмжлэг, хандив, тусламж

5.1

Хөгжлийн бэрхшээлтэй хүний эрхийн тухай НҮБ-ын конвенц;

Хөгжлийн бэрхшээлтэй хүний эрхийн тухай хууль;

Монгол Улсын тусгай сангийн тухай хууль 212.3 дахь хэсэг;

Засгийн газрын 2019 оны 172 дугаар тогтоол

Ахмад настан, хөгжлийн бэрхшээлтэй иргэн, хүүхдийн эрхийг хангах, хамгаалахад дэмжлэг үзүүлэх

Ахмад настанд үйлчилгээ үзүүлэх, дэмжлэг, хөнгөлөлт олгох журам /Засгийн газрын 2019 оны 172 дугаар тогтоол/

-       Хөгжлийн бэрхшээлтэй иргэний хөгжил, хамгааллын талаарх төрийн болон салбарын бодлого, хууль тогтоомжид нийцсэн байх;

-       Ахмад настан, хөгжлийн бэрхшээлтэй иргэн, хүүхдийн эрхийг хангах, хамгаалах чиглэлээр  үзүүлэх хандив, санхүүгийн дэмжлэг нь хэрэгцээ шаардлагад нийцсэн, бодит дэмжлэг байх;

-       Хандив тусламжаар нийлүүлж буй тохижилт, тоног төхөөрөмж нь стандартад нийцсэн, аюулгүй ажиллагааны шаардлага, орчин үеийн шинэ техник, технологид нийцсэн байх;

- Ахмад настан, хөгжлийн бэрхшээлтэй иргэн, хүүхдийн эрхийг хангах, хамгаалах чиглэлээр  үзүүлэх хандив, санхүүгийн дэмжлэг нь  амьдралын чанарыг дээшлүүлэхэд чиглэсэн бодит дэмжлэг байх;

- Ахмад настан, хөгжлийн бэрхшээлтэй иргэн, хүүхдийн эрхийг хангах, хамгаалахад чиглэсэн хандив тусламж, үйл ажиллагаа, үйлчилгээ нь аливаа болзол шалгуургүй, барьцаагүй, хүний эрхийг дээдэлсэн, сайн дурын үндсэн дээр хийгдсэн байх;

- Ахмад настан, хөгжлийн бэрхшээлтэй иргэн, хүүхдийн эрхийг хангах, хамгаалах чиглэлээр үзүүлэх хандив тусламж нь биет болон биет бус, мөнгөн хэлбэртэй байж болно.

-       Асрамж халамжийн төвд амьдарч буй ахмад настан, хөгжлийн бэрхшээлтэй иргэн, хүүхдийг орон сууцжуулах, орон сууцны түрээсийн зардлын дэмжлэг үзүүлэх;

- Хөгжлийн бэрхшээлтэй хүүхэд, залуусыг олон улсын ур чадварын тэмцээн уралдаанд оролцоход дэмжлэг үзүүлэх;

-       Хүүхдийн төлөө санд биет болон биет бус хөрөнгө хандивлах, санхүүгийн дэмжлэг үзүүлэх;

-       Хөгжлийн бэрхшээлтэй хүн, асрамж халамжийн төвд амьдарч байгаа хүүхэд боловсрол эзэмшихэд тэтгэлэг олгох, сургалтын төлбөрийн дэмжлэг үзүүлэх.