МОНГОЛ УЛСЫН ЗАСГИЙН ГАЗРЫН ТОГТООЛ

2024 оны 12 сарын 30 өдөр

Дугаар 253

Улаанбаатар хот

ТОГТООЛД НЭМЭЛТ ОРУУЛЖ, ТОГТООЛЫН ХАВСРАЛТАД ӨӨРЧЛӨЛТ ОРУУЛАХ ТУХАЙ

Монгол Улсын Засгийн газрын тухай хуулийн 12 дугаар зүйлийн 4 дэх хэсэг, 30 дугаар зүйлийн 1 дэх хэсэгт заасныг тус тус үндэслэн Монгол Улсын Засгийн газраас ТОГТООХ нь:

1."Зарим яамдын зохион байгуулалтын бүтэц, орон тооны хязгаар батлах тухай" Засгийн газрын 2024 оны 07 дугаар сарын 24-ний өдрийн 06 дугаар тогтоолын "1/Эдийн засаг, хөгжлийн яам:" гэсэн дэд заалтад "10.Тэргүүн Шадар сайдын ажлын алба" гэж нэмсүгэй.

2.Мөн тогтоолын хавсралтаар баталсан "Яамдын орон тооны хязгаар"-ын 1 дэх заалтын "154" гэснийг "166" гэж өөрчилсүгэй.

3.Тэргүүн Шадар сайдын ажлын албаны 12 орон тооны урсгал зардлыг 2025 оны батлагдсан төсвийн багцаасаа санхүүжүүлэхийг Монгол Улсын Тэргүүн Шадар сайд бөгөөд Эдийн засаг, хөгжлийн сайд Л.Гантөмөрт даалгаж, цаашид тус ажлын албаны төсвийг Монгол Улсын Тэргүүн Шадар сайд бөгөөд Эдийн засаг, хөгжлийн сайдын төсвийн багцад жил бүр тусгаж байхыг Сангийн сайд Б.Жавхланд үүрэг болгосугай.

МОНГОЛ УЛСЫН ЕРӨНХИЙ САЙД Л.ОЮУН-ЭРДЭНЭ

МОНГОЛ УЛСЫН ТЭРГҮҮН ШАДАР САЙД БӨГӨӨД ЭДИЙН ЗАСАГ, ХӨГЖЛИЙН САЙД Л.ГАНТӨМӨР