ХОТ БАЙГУУЛАЛТ, БАРИЛГА, ОРОН СУУЦЖУУЛАЛТЫН САЙДЫН ТУШААЛ

2024 оны 12 дугаар сарын 26-ны өдөр

Дугаар 147

Улаанбаатар хот

"БАРИЛГЫН ХӨНГӨН ЦАГААН БҮТЭЭЦ" /БНБД 53-04-24/ БАРИЛГЫН НОРМ, ДҮРЭМ БАТЛАХ ТУХАЙ

Монгол Улсын Засгийн газрын тухай хуулийн 24 дүгээр зүйлийн 2 дахь хэсэг, Барилгын тухай хуулийн 33 дугаар зүйлийн 33.1.2-т заасныг тус тус үндэслэн ТУШААХ нь:

1.Барилга байгууламжийн норм, нормативын баримт бичиг "Барилгын хөнгөн цагаан бүтээц" /бнбд 53-04-24/ барилгын норм, дүрмийг хавсралт ёсоор баталж, 2025 оны 06 дугаар сарын 01-ний өдрөөс эхлэн дагаж мөрдсүгэй.

2.Батлагдсан барилгын норм, дүрмийг хэм хэмжээний актын нэгдсэн санд зохих журмын дагуу бүтгүүлэх, мөрдөж эхлэх хугацаанаас өмнө хэвлэн олшруулж холбогдох аж ахуйн нэгж, байгууллагуудад мэдээлэл хүргэх, сурталчлан таниулах, хэрэгжилтийг хангах ажлыг зохион байгуулахыг "Барилгын хөгжлийн төв" ТӨААТҮГ /Т.Пүрэвхатан/-т даалгасугай.

3.Энэ тушаалын хэрэгжилтэд хяналт тавьж ажиллахыг Барилга, барилгын материалын бодлого, зохицуулалтын газар /Д.Гантулга/-т даалгасугай.

САЙД Ж.БАТСУУРЬ