МОНГОЛ УЛСЫН ИХ ХУРЛЫН ТОГТООЛ

2009 оны 3 сарын 06 өдөр

Дугаар 23

Төрийн ордон, Улаанбаатар хот

Тогтоолын төсөл буцаах тухай

Монгол Улсын Их Хурлын чуулганы хуралдааны дэгийн тухай хуулийн 19 дүгээр зүйлийн 19.3.7 дахь заалтыг үндэслэн Монгол Улсын Их Хурлаас ТОГТООХ нь:

1.Засгийн газраас 2009 оны 02 дугаар сарын 16-ны өдөр өргөн мэдүүлсэн "Авлигатай тэмцэх газрын албан хаагчийн албан тушаалын цалингийн хэмжээг бууруулан мөрдөх тухай", "Шүүгчийн болон прокурорын албан тушаалын цалингийн хэмжээг бууруулан мөрдөх тухай", "Төрийн өндөр албан тушаалтан болон түүнтэй адилтгах албан тушаалтны албан тушаалын цалингийн хэмжээг бууруулан мөрдөх тухай", "Зарим албан тушаалын цалингийн хэмжээг бууруулан мөрдөх тухай" Улсын Их Хурлын тогтоолын төслүүдийг хэлэлцэх шаардлагагүй гэж үзсэн тул хууль санаачлагчид нь буцаасугай.

МОНГОЛ УЛСЫН ИХ ХУРЛЫН ДАРГА Д.ДЭМБЭРЭЛ