САНГИЙН САЙДЫН ТУШААЛ

2025 оны 1 дүгээр сарын 03-ны өдөр

Дугаар А/3

Улаанбаатар хот

ЖУРАМ ШИНЭЧЛЭН БАТЛАХ ТУХАЙ

Нягтлан бодох бүртгэлийн тухай хуулийн 17 дугаар зүйлийн 17.1.3 дахь заалтыг үндэслэн ТУШААХ нь:

1."Төсвийн байгууллагын дагаж мөрдөх нягтлан бодох бүртгэлийн журам"-ыг хавсралт ёсоор шинэчлэн баталсугай.

2.Энэхүү тушаалын хавсралтаар батлагдсан журмыг төсвийн байгууллагын санхүүгийн үйл ажиллагаанд нэвтрүүлэх зохион байгуулалтын арга хэмжээ авахыг бүх шатны төсвийн захирагч нарт, мэргэжил, арга зүйн туслалцаа үзүүлж, хяналт тавьж ажиллахыг Нягтлан бодох бүртгэлийн бодлогын газар /Б.Болормаа/, Төрийн сангийн газар /Б.Цогбадрах/-т тус тус үүрэг болгосугай.

3.Энэхүү тушаалаар батлагдсан журам, санхүүгийн тайлангийн маягтын дагуу төсвийн байгууллагын 2024 оны жилийн эцсийн санхүүгийн тайланг хүлээж авахыг төсвийн ерөнхийлөн захирагч нарт даалгасугай.

4.Энэ тушаал батлагдсантай холбогдуулан "Журам шинэчлэн батлах тухай" Сангийн сайдын 2023 оны 229 дүгээр тушаалыг хүчингүй болсонд тооцсугай.

САЙД Б.ЖАВХЛАН