МОНГОЛ УЛСЫН ЗАСГИЙН ГАЗРЫН ТОГТООЛ

2024 оны 12 сарын 04 өдөр

Дугаар 210

Улаанбаатар хот

ЖУРАМ БАТЛАХ ТУХАЙ

 Төр, хувийн хэвшлийн түншлэлийн тухай хуулийн 7.2.8, 13.2, 13.3-т заасныг тус тус үндэслэн Монгол Улсын Засгийн газраас ТОГТООХ нь:

1.Аймаг, нийслэлийн хэрэгжүүлэх төр, хувийн хэвшлийн түншлэлийн төслийн хүрээнд "Түншлэлийн төслийн урьдчилсан үнэлгээ, бүрэн шинжилгээ хийх журам"-ыг 1 дүгээр хавсралт, "Хувийн хэвшлийн түншлэгч болон зөвлөх үйлчилгээг сонгон шалгаруулах журам"-ыг 2 дугаар хавсралт, "Түншлэлийн гэрээ байгуулах, хэлэлцээ хийж сонгон шалгаруулалтгүй гэрээ байгуулах журам"-ыг 3 дугаар хавсралт, "Түншлэлийн төслийн хэрэгжилт, санхүүжилт, зохион байгуулалт, тайлагналт болон хяналт тавих журам"-ыг 4 дүгээр хавсралт ёсоор тус тус баталсугай.

2.Энэ тогтоолыг төр, хувийн хэвшлийн түншлэлийн төслийг хэрэгжүүлэхэд мөрдөж ажиллахыг аймаг, нийслэлийн Засаг дарга нарт, холбогдох хууль тогтоомжид заасны дагуу аймаг, нийслэлийн хэрэгжүүлэх төр, хувийн хэвшлийн түншлэлд хяналт тавьж, мэргэжил, арга зүйн дэмжлэг үзүүлж ажиллахыг Монгол Улсын Тэргүүн Шадар сайд бөгөөд Эдийн засаг, хөгжлийн сайд Л.Гантөмөр, Сангийн сайд Б.Жавхлан болон Засгийн газрын холбогдох гишүүдэд үүрэг болгосугай.

МОНГОЛ УЛСЫН ЕРӨНХИЙ САЙД Л.ОЮУН-ЭРДЭНЭ

МОНГОЛ УЛСЫН ТЭРГҮҮН ШАДАР САЙД БӨГӨӨД ЭДИЙН ЗАСАГ, ХӨГЖЛИЙН САЙД Л.ГАНТӨМӨР