ЗАМ, ТЭЭВРИЙН САЙДЫН ТУШААЛ

2025 оны 2 дугаар сарын 12-ны өдөр

Дугаар А/36

Улаанбаатар хот

АГААРЫН ЗАМ ШИНЭЧЛЭН ТОГТООХ ТУХАЙ

Монгол Улсын Засгийн газрын тухай хуулийн 24 дүгээр зүйлийн 2 дахь хэсэг, Агаарын зайг нисэхэд ашиглах тухай хуулийн 6 дугаар зүйлийн 6.1; 6.4 дэх хэсгийг тус тус үндэслэн ТУШААХ нь:

1.Монгол Улсын агаарын зайд иргэний нисэхийн зориулалтаар ашиглах агаарын замуудыг хавсралтаар тогтоосугай.

2.Агаарын замуудыг олон улсад зарлан мэдээлэх, нислэгийн үйл ажиллагаанд 2025 оны 03 дугаар сарын 20-ны өдрөөс ашиглаж эхлэх, ашиглалтад хяналт, зохицуулалт хийж нисэхийн аюулгүй байдлыг ханган ажиллахыг Иргэний нисэхийн ерөнхий газар (Э.Төрбаяр)-т, тушаалын хэрэгжилтэд хяналт тавьж ажиллахыг Иргэний нисэхийн бодлого зохицуулалтын газар (Ч.Мөнхтуяа)-т тус тус үүрэг болгосугай.

3.Энэхүү тушаал гарсантай холбогдуулан Зам, тээврийн хөгжлийн сайдын 2022 оны 01 дүгээр сарын 19-ний өдрийн "Агаарын зам шинэчлэн батлах тухай" А/10, 2022 оны 07 дугаар сарын 07-ны өдрийн "Агаарын зам тогтоож, тушаалд нэмэлт оруулах тухай" А/210 дугаар тушаалуудыг 2025 оны 03 дугаар сарын 20-ны өдрөөс эхлэн хүчингүй болсонд тооцсугай.

САЙД Б.ДЭЛГЭРСАЙХАН