МОНГОЛ УЛСЫН ЗАСГИЙН ГАЗРЫН ТОГТООЛ

2025 оны 05 сарын 21 өдөр

Дугаар 247

Улаанбаатар хот

ТОГТООЛЫН ХАВСРАЛТАД ӨӨРЧЛӨЛТ ОРУУЛАХ ТУХАЙ

Нийгмийн халамжийн тухай хуулийн 16.2-т заасныг үндэслэн Монгол Улсын Засгийн газраас ТОГТООХ нь:

1."Журам шинэчлэн батлах тухай" Засгийн газрын 2023 оны 06 дугаар сарын 21-ний өдрийн 236 дугаар тогтоолын хавсралтаар баталсан "Хүүхдийн мөнгөн тэтгэмж олгох журам"-ын 1.1 дэх заалтын "Монгол Улсын 0-18 хүртэлх насны хүүхдэд" гэснийг "Монгол Улсын иргэн болон Монгол Улстай нийгмийн хамгааллын салбарт хамтран ажиллах олон улсын гэрээтэй Монгол Улсад хууль ёсоор оршин суудаг гадаадын иргэн, харьяалалгүй хүний 0-18 хүртэлх насны хүүхдэд" гэж өөрчилсүгэй.

2.Мөн хавсралтын 4.4 дэх заалтын "аймаг, нийслэл," гэснийг хассугай.

МОНГОЛ УЛСЫН ЕРӨНХИЙ САЙД Л.ОЮУН-ЭРДЭНЭ

ГЭР БҮЛ, ХӨДӨЛМӨР, НИЙГМИЙН ХАМГААЛЛЫН САЙД Л.ЭНХ-АМГАЛАН