ЭРҮҮЛ МЭНДИЙН САЙДЫН ТУШААЛ

2023 оны 2 дугаар сарын 27-ны өдөр

Дугаар А/67

Улаанбаатар хот

ЖУРАМ ШИНЭЧЛЭН БАТЛАХ ТУХАЙ

Монгол Улсын Засгийн газрын тухай хуулийн 24 дүгээр зүйлийн 2 дахь хэсэг, "Эм, эмнэлгийн хэрэгслийн тухай" хуулийн 25 дугаар зүйлийн 1 дэх хэсгийг тус тус үндэслэн ТУШААХ нь:

1."Эмийн гаж нөлөөг бүртгэх, мэдээлэх, үнэлэх, тайлагнах журам"-ыг нэгдүгээр, эмийн гаж нөлөөг мэдээлэх хуудсыг хоёрдугаар, эмнэлгийн байгууллага, өрх, сумын эрүүл мэндийн төв ба эм хангамжийн байгууллагад гаж нөлөөг бүртгэн мэдээлэх үйл ажиллагааны урсгалыг гуравдугаар, эмийн гаж нөлөөний зэргийг үнэлэх шалгуурыг дөрөвдүгээр, эрүүл мэндийн байгууллага, эмийн сан, эм ханган нийлүүлэх байгууллагын гаж нөлөөний тохиолдлын мэдээний сангийн загварыг тавдугаар, эмийн аюулгүй байдлын хугацаат тайлангийн загварыг зургаадугаар, эм үйлдвэрлэгчийн эмийн гаж нөлөөг мэдээлэх хуудсыг долоодугаар хавсралтаар тус тус баталсугай.

2.Эмийн гаж нөлөөг бүртгэх, мэдээлэх, үнэлэх, тайлагнах ажлыг эрчимжүүлж, тушаалын хэрэгжилтийг ханган ажиллахыг эрүүл мэндийн байгууллага болон эм хангамжийн байгууллагуудын дарга, захирал нарт үүрэг болгосугай.

3.Тушаалын хэрэгжилтэд хяналт тавьж ажиллахыг Эм, эмнэлгийн хэрэгслийн хяналт, зохицуулалтын газарт даалгасугай.

4.Журам батлагдсантай холбогдуулан Эрүүл мэндийн сайдын 2013 оны 11 дүгээр сарын 07-ны өдрийн 415 дугаар тушаалыг хүчингүй болгосонд тооцсугай.

САЙД С.ЧИНЗОРИГ

/Захиргааны хэм хэмжээний актын улсын нэгдсэн санд 2025 оны 6 дугаар сарын 27-ны өдөр хүлээн авсан/