ӨМНӨГОВЬ АЙМГИЙН ИРГЭДИЙН ТӨЛӨӨЛӨГЧДИЙН ХУРЛЫН ТОГТООЛ

2025 оны 8 дугаар сарын 07-ны өдөр

Дугаар 6/10

Даланзадгад хот

АЙМАГ ДУНДЫН ОТРЫН БЭЛЧЭЭРИЙН ЗОРИУЛАЛТААР ГАЗАР НУТГИЙГ ОРОН НУТГИЙН ТУСГАЙ ХЭРЭГЦЭЭНД АВАХ ТУХАЙ

  Монгол Улсын Үндсэн хуулийн 62 дугаар зүйлийн 2 дахь хэсэг, Монгол Улсын засаг захиргаа, нутаг дэвсгэрийн нэгж, түүний удирдлагын тухай хуулийн 35 дугаар зүйлийн 35.1.18 дахь заалт, Газрын тухай хуулийн 16 дугаар зүйлийн 16.1.6, 16.2, 20 дугаар зүйлийн 20.1.3 дахь заалт, Ашигт малтмалын тухай хуулийн 14 дүгээр зүйлийн 14.2 дахь хэсгийг тус тус үндэслэн аймгийн иргэдийн Төлөөлөгчдийн Хурлаас ТОГТООХ нь:

1.Өмнөговь аймгийн Цогт-Овоо сумын Найз, Бортээг багийн нутагт орших аймаг, сум дундын отрын бүс нутаг болох "Цохио" орчмын 139023,58 га /гектар/ газрыг аймаг дундын отрын бэлчээрийн зориулалтаар 5 жилийн хугацаатай орон нутгийн тусгай хэрэгцээнд авсугай.

2.Орон нутгийн тусгай хэрэгцээнд авсан газрын эргэлтийн цэгийн солбицлыг нэгдүгээр, талбайн зургийг хоёрдугаар хавсралтаар тус тус баталсугай.

3.Тогтоолыг хуулийн хугацаанд холбогдох газарт нь хүргүүлэн бүртгүүлж, орон нутгийн тусгай хэрэгцээнд авч хяналт тавьж ажиллахыг аймгийн Засаг дарга (Н.Энхбат)-д даалгасугай.

ХУРЛЫН ДАРГА О.ЭРДЭНЭ-ӨРНӨХ