БОЛОВСРОЛЫН САЙД

2025 оны 11 дүгээр сарын 27-ны өдөр

Дугаар А/559

Улаанбаатар хот

ЖУРАМ, ШААРДЛАГА БАТЛАХ ТУХАЙ

Боловсролын ерөнхий хуулийн 26 дугаар зүйлийн 26.1.8 дахь заалтыг үндэслэн ТУШААХ нь:

1."Мэргэжлийн болон техникийн, дээд боловсролын сургалтын байгууллага болон хөтөлбөрийг магадлан итгэмжлэх, магадлан итгэмжлэл хийх журам"-ыг нэгдүгээр, "Мэргэжлийн болон техникийн, дээд боловсролын сургалтын байгууллага болон хөтөлбөрийн магадлан итгэмжлэл хийх шинжээчид тавих шаардлага"-ыг хоёрдугаар хавсралтаар тус тус баталсугай.

2.Энэхүү тушаалын хавсралтаар баталсан журам, шаардлагын хэрэгжилтийг хангаж ажиллах, Боловсролын магадлан итгэмжлэх үндэсний зөвлөлийн Удирдах зөвлөлийн 2018 оны 06 дугаар сарын 26-ны өдрийн "Боловсролын магадлан итгэмжлэх үндэсний зөвлөлийн итгэмжлэх үйл ажиллагааны журам, шалгуур шаардлага батлах тухай" 08 дугаар тогтоолыг хүчингүй болгох ажлыг зохион байгуулахыг Боловсролын магадлан итгэмжлэх үндэсний зөвлөл (Б.Амарсанаа)-д даалгасугай.

3.Энэхүү тушаал батлагдсантай холбогдуулан Боловсрол, соёл, шинжлэх ухааны сайдын 2016 оны 02 дугаар сарын 19-ний өдрийн "Шаардлага, шалгуур үзүүлэлт тогтоох тухай" А/53 дугаар тушаалыг хүчингүй болсонд тооцсугай.

4.Тушаалын хэрэгжилтэд хяналт тавьж ажиллахыг Салбарын хяналт-шинжилгээ, үнэлгээ, дотоод аудитын газар (Л.Төгсбаяр)-т даалгасугай.

САЙД П.НАРАНБАЯР