МОНГОЛ УЛСЫН ЗАСГИЙН ГАЗРЫН ТОГТООЛ

2026 оны 03 сарын 18 өдөр

Дугаар 92

Улаанбаатар хот

ТОГТООЛ, ТОГТООЛЫН ХАВСРАЛТАД ӨӨРЧЛӨЛТ ОРУУЛАХ ТУХАЙ

Монгол Улсын Засгийн газрын тухай хуулийн 30 дугаар зүйлийн 1 дэх хэсэг, Нийтээр тэмдэглэх баярын болон тэмдэглэлт өдрүүдийн тухай хуулийн 5 дугаар зүйлийн 5.2 дахь хэсэгт заасныг тус тус үндэслэн Монгол Улсын Засгийн газраас ТОГТООХ нь:

1."Ой тэмдэглэх тухай" Засгийн газрын 2025 оны 04 дүгээр сарын 28-ны өдрийн 206 дугаар тогтоолын хавсралтаар баталсан Ажлын хэсгийн бүрэлдэхүүнийг хавсралт ёсоор өөрчлөн баталсугай.

2.Ажлын хэсгийн бүрэлдэхүүнийг өөрчлөн баталсантай холбогдуулан мөн тогтоолын 3 дугаар зүйлийн "Н.Учрал" гэснийг "С.Бямбацогт" гэж, 5 дугаар зүйлийн "Ч.Номинд" гэснийг "Ч.Ундрамд" гэж тус тус өөрчилсүгэй.

МОНГОЛ УЛСЫН ЕРӨНХИЙ САЙД Г.ЗАНДАНШАТАР

СОЁЛ, СПОРТ, АЯЛАЛ ЖУУЛЧЛАЛ, ЗАЛУУЧУУДЫН САЙД Ч.УНДРАМ