МОНГОЛ УЛСЫН ЗАСГИЙН ГАЗРЫН ТОГТООЛ

2026 оны 03 сарын 18 өдөр

Дугаар 89

Улаанбаатар хот

ЖУРАМ ШИНЭЧЛЭН БАТЛАХ, ШАГНАЛЫН ХЭМЖЭЭ ТОГТООХ ТУХАЙ

Шинжлэх ухаан, технологийн тухай хуулийн 10 дугаар зүйлийн 10.1.6е дэх заалт, 35.1 дэх хэсгийг тус тус үндэслэн Монгол Улсын Засгийн газраас ТОГТООХ нь:

1."Шинжлэх ухаан, технологийн салбарын шагнал олгох журам"-ыг хавсралт ёсоор шинэчлэн баталсугай.

2."Байгаль, нийгмийн ухааны шагнал" болон "Технологийн дэвшлийн шагнал"-ыг дагалдах мөнгөний хэмжээг тус бүр 100.0 (нэг зуун) сая төгрөгөөр, "Шинжлэх ухаан, технологийн олон улсын хамтын ажиллагааны шагнал"-д олгох өргөмжлөлийг бүтээх өртгийг 10.0 (арван) сая төгрөг байхаар тус тус тогтоосугай.

3.Энэ тогтоолыг хэрэгжүүлэхэд шаардагдах зардлыг жил бүрийн улсын төcөвт тусган санхүүжүүлж байхыг Монгол Улсын Тэргүүн шадар сайд бөгөөд Эдийн засаг, хөгжлийн сайд Ж.Энхбаяр, Сангийн сайд Б.Жавхлан нарт тус тус даалгасугай.

4.Энэ тогтоол гарсантай холбогдуулан "Журам батлах, шагналын хэмжээ тогтоох тухай" Засгийн газрын 2007 оны 06 дугаар сарын 20-ны өдрийн 147 дугаар тогтоол, "Журамд нэмэлт, өөрчлөлт оруулах тухай" Засгийн газрын 2017 оны 09 дүгээр сарын 22-ны өдрийн 276 дугаар тогтоолыг тус тус хүчингүй болсонд тооцсугай.

МОНГОЛ УЛСЫН ЕРӨНХИЙ САЙД Г.ЗАНДАНШАТАР

МОНГОЛ УЛСЫН ТЭРГҮҮН ШАДАР САЙД БӨГӨӨД ЭДИЙН ЗАСАГ, ХӨГЖЛИЙН САЙД Ж.ЭНХБАЯР