МОНГОЛ УЛС

СОНГУУЛИЙН ЕРӨНХИЙ ХОРООНЫ ТОГТООЛ

2026 оны 4 дүгээр сарын 09-ний өдөр

Дугаар 06

Улаанбаатар хот

Журам шинэчлэн батлах тухай

  Ард нийтийн санал асуулгын тухай хуулийн 17 дугаар зүйлийн 17.2 дахь хэсэг, Сонгуулийн төв байгууллагын тухай хуулийн 12 дугаар зүйлийн 12.3 дахь хэсгийг үндэслэн ТОГТООХ нь:

1."Санал асуулгыг ажиглах, сурвалжлах журам"-ыг хавсралт ёсоор баталсугай.

2.Журмын хэрэгжилтийг хангаж ажиллахыг бүх шатны сонгуулийн байгууллагад, сурталчлан таниулж, биелэлтэд хяналт тавьж ажиллахыг Тамгын газар (Д.Бат-Эрдэнэ)-т тус тус үүрэг болгосугай.

3.Журмыг Захиргааны хэм хэмжээний актын улсын нэгдсэн санд бүртгүүлж, нийтэд мэдээлэх арга хэмжээг зохион байгуулахыг Тамгын газрын Хуулийн газар (Т.Наранбат)-т даалгасугай.

ДАРГЫН АЛБАН ҮҮРГИЙГ ТҮР ОРЛОН ГҮЙЦЭТГЭГЧ БӨГӨӨД НАРИЙН БИЧГИЙН ДАРГА Д.ДАВАА-ОЧИР