ЗАМ, ТЭЭВРИЙН САЙДЫН ТУШААЛ

2026 оны 9 дүгээр сарын 04-ний өдөр

Дугаар А/225

Улаанбаатар хот

ЖУРАМ ШИНЭЧЛЭН БАТЛАХ ТУХАЙ

Монгол Улсын Засгийн газрын тухай хуулийн 24 дүгээр зүйлийн 2 дахь хэсэг, Автотээврийн тухай хуулийн 17¹ дүгээр зүйлийн 17¹.2 дахь хэсгийг тус тус үндэслэн ТУШААХ нь:

1."Автотээврийн хэрэгслийн бүртгэл хөтлөх, улсын дугаар олгох журам"-ыг хавсралтаар баталсугай.

2.Энэхүү журмыг хэрэгжүүлж ажиллахыг тус яамны Автотээврийн бодлого, зохицуулалтын газар (Э.Мөнхнасан), "Автотээврийн үндэсний төв" төрийн өмчит үйлдвэрийн газар (Ц.Батсайхан), "Нийслэлийн автотээврийн хэрэгслийн бүртгэл, хяналтын төв" орон нутгийн өмчит аж ахуйн тооцоот үйлдвэрийн газарт тус тус үүрэг болгосугай.

3.Энэхүү тушаал гарсантай холбогдуулан Зам, тээврийн хөгжлийн сайдын "Журам шинэчлэн батлах тухай" 2020 оны А/222 дугаар тушаал, "Журамд нэмэлт, өөрчлөлт оруулах тухай" 2021 оны А/136 дугаар тушаал, "Журамд нэмэлт, өөрчлөлт оруулах тухай" 2023 оны А/140 дүгээр тушаалыг тус тус хүчингүй болсонд тооцсугай.

4.Тушаалын хэрэгжилтэд хяналт тавьж ажиллахыг Салбарын хяналт-шинжилгээ, үнэлгээ, дотоод аудитын газар (Х.Оюунтуяа)-т даалгасугай.

САЙД Б.ДЭЛГЭРСАЙХАН