ЗАСГИЙН ГАЗРЫН ТОГТООЛ

АЙМАГ, СУМЫН ЗАСАГ ДАРГЫН ТАМГЫН ГАЗРЫН БҮТЦИЙГ ТОГТООХ ТУХАЙ

1993 оны 9 дүгээр сарын 11-ний өдөр

Улаанбаатар хот

Дугаар 24

Монгол Улсын Үндсэн хуулийн жаран нэгдүгээр зүйлийн 4, Засаг захиргаа, нутаг дэвсгэрийн нэгж, түүний удирдлагын тухай хуулийн хорин наймдугаар зүйлийн 1, 3 дугаар заалтыг үндэслэн Монгол улсын Засгийн газраас ТОГТООХ нь:

1.Аймгийн удирдлага, аймгийн Засаг даргаас гадна Засаг даргын орлогч 2, Засаг даргын Тамгын газрын дарга бөгөөд Засаг захиргааны хэлтсийн дарга 1 байхаар тогтоосугай.

2.Аймгийн засаг даргын Тамгын газрын бүтцийг дор дурдсан хэлтэс, тасагтай байхаар тогтоосугай:

а)Засаг захиргааны хэлтэс;

б)Эдийн засаг, үйлдвэрлэлийн хэлтэс;

3.Аймгийн Засаг даргын дэргэд Цагдаагийн хэлтэс (газар) байхаар тогтоосугай.

4.Сумын удирдлагыг сумын Засаг даргаас гадна Засаг даргын орлогч бөгөөд санхүүгийн тасгийн дарга 1, Засаг даргын Тамгын газрын дарга 1 байхаар; сумын Засаг даргын Тамгын газар нь санхүүгийн тасаг, ажилтнуудаас бүрдэж байхаар тус тус тогтоосугай.

5.Аймаг, сумын Засаг даргын Тамгын газар нь тухайн шатны хуралд үйлчилж байхаар тогтоосугай.