/ГТЕГ-ын даргын 2016-01-28-ны А/22 дугаар тушаалаар хүчингүй болсон/

 

ҮТЕГ-ын даргын 2009 оны 13 дугаар тушаалын хавсралт

 

НЭМЭГДСЭН ӨРТГИЙН АЛБАН ТАТВАР ТӨЛӨГЧИЙГ БҮРТГЭХ, БҮРТГЭЛЭЭС ХАСАХАД БАРИМТЛАХ ЖУРАМ

 

                                                       Нэг. Нийтлэг үндэслэл                          

 

1.1.           Монгол Улсын Нэмэгдсэн өртгийн албан татварын тухай хуулийн  дагуу нэмэгдсэн өртгийн албан татвар төлөгчөөр бүртгүүлэх үүрэг хүлээсэн иргэн, хуулийн этгээдийг татварын алба нэмэгдсэн өртгийн албан татвар төлөгчөөр бүртгэх, бүртгэлд нэмэлт өөрчлөлт оруулах, бүртгэлээс хасахад энэхүү журмыг баримтална.

1.2.           Нэмэгдсэн өртгийн албан татварын тухай хуулийн 7 дугаар зүйлийн 7.4.9-д заасан Монгол Улсад оршин суугч бус этгээдийн хувьд нэмэгдсэн өртгийн албан татвар төлөгчөөр бүртгэхгүй бөгөөд тухайн этгээдийн татвар төлөх, тайлагнах үүргийг Нэмэгдсэн өртгийн албан татварын тухай хуулийн 16 дугаар зүйлийн 16.1.2-т заасны дагуу уг этгээдээс ажил, үйлчилгээ худалдан авсан Монгол Улсын иргэн, хуулийн этгээд хариуцан гүйцэтгэнэ.

 

Хоёр. Нэмэгдсэн өртгийн албан татвар төлөгчөөр бүртгэх үндэслэл

 

            2.1. Татварын алба дараах үндэслэлээр иргэн, хуулийн этгээдийг нэмэгдсэн өртгийн албан татвар төлөгчөөр бүртгэнэ. Үүнд:

                        2.1.1. Иргэн, хуулийн этгээдийн орлогын албан татварын тайлан, орлого татвар тодорхойлох хуудсаар нэмэгдсэн өртгийн албан татвар ногдох (Нэмэгдсэн өртгийн албан татварын тухай хуулийн 13-р зүйлд заасан болон Нэмэгдсэн өртгийн албан татвараас чөлөөлөх тухай хуулиудад зааснаас бусад) борлуулалтын орлогын хэмжээ 10.0 сая ба түүнээс дээш төгрөгт хүрсэн;

2.1.2.  Татварын хяналт шалгалтаар нэмэгдсэн өртгийн албан татвар ногдох орлогын хэмжээ 10.0 сая ба түүнээс дээш төгрөгт хүрсэн нь нотлогдсон;

2.1.3 Татварын ерөнхий хуулийн 10 дугаар зүйлийн 10.3-д заасан нөхцлөөр өөрчлөн байгуулагдсан хуулийн этгээдийн татвар төлөх үүрэг, түүнтэй холбогдох эрх өөрчлөн байгуулагдсаны дүнд бий болсон хуулийн этгээдэд шилжсэн тохиолдолд уг этгээд нь нэмэгдсэн өртгийн албан татвар төлөгчөөр бүртгүүлэх хүсэлтээ татварын албанд гаргаж болно. /ТЕГ-ын даргын 2014-06-30-ны өдрийн А/207-р тушаалаар нэмсэн/

            2.2.      Нэмэгдсэн өртгийн албан татварын тухай хуулийн 6 дугаар зүйлийн 6.4-д заасан үндэслэлээр иргэн, хуулийн этгээд нь сайн дураар нэмэгдсэн өртгийн албан татвар төлөгчөөр бүртгүүлэх хүсэлтээ татварын албанд гаргаж болно.

           

Гурав. Сайн дураар нэмэгдсэн өртгийн албан татвар төлөгчөөр бүртгүүлэхээр хүсэлт гаргасан иргэн, хуулийн этгээдэд тавигдах шаардлага

 

3.1. Сайн дураар нэмэгдсэн өртгийн албан татвар төлөгчөөр бүртгүүлэх хүсэлт гаргасан иргэн, хуулийн этгээд нь дараах шаардлагыг хангасан байна. Үүнд:

                        3.1.1. Нэмэгдсэн өртгийн албан татварын тухай хуулийн 6 дугаар зүйлийн 6.5-д заасан шаардлага;

                        3.1.2. Нэмэгдсэн өртгийн албан татварын тухай хуулийн 6 дугаар зүйлийн 6.4.1-д заасан нөхцөл хангаж сайн дураар нэмэгдсэн өртгийн албан татвар төлөгчөөр бүртгүүлэх иргэн, хуулийн этгээдийн хувьд зөвхөн нэмэгдсэн өртгийн албан татвар ногдох үндсэн үйлдвэрлэл, ажил, үйлчилгээний борлуулалын орлогын хэмжээ нь 8.0 сая ба түүнээс дээш төгрөгт хүрсэн байх;

3.1.3. Нэмэгдсэн өртгийн албан татварын тухай хуулийн 6 дугаар зүйлийн 6.4.2-т заасны дагуу сайн дураар нэмэгдсэн өртгийн албан татвар төлөгчөөр бүртгүүлэхээр хүсэлт гаргасан иргэн, хуулийн этгээдийн хувьд хєрєнгє оруулалт нь їйлдвэрлэл, їйлчилгээг шинээр бий болгох, эсхїл эрхэлж байгаа їйлдвэрлэл їйлчилгээг єргєтгєх, шинэчлэх зорилгоор їндсэн хєрєнгєд бодитой хийгдсэн байна. /Монгол Улсын Дээд шүүхийн 2007 оны 11 дүгээр тогтоол/

3.1.4. Энэ журмын 3.1.3-т заасан хєрєнгє оруулалтыг їндсэн хєрєнгєд бодитой хийгдсэнийг 2.0 сая ба түүнээс дээш ам.долларын хөрөнгө оруулалт нь нягтлан бодох бүртгэл, санхүүгийн тайланд үндсэн  хөрөнгөөр бїртгэгдэж, тайлагнаснаар нотолно. 

3.1.5 Энэ журмын 2.1.3-д заасан этгээдийн хувьд өөрчлөн байгуулсан тухай эрх бүхий этгээдийн тушаал, шийдвэр, хуваах, тусгаарлах замаар өөрчлөн байгуулагдсан компанийн тухайд хуваах баланс, компанийн дүрэм зэрэг өөрчлөн байгуулалтын дүнд татвар төлөх эрх, үүрэг шилжсэнийг нотлох баримтыг үндэслэнэ. /ТЕГ-ын даргын 2014-06-30-ны өдрийн А/207-р тушаалаар нэмсэн/

 

Дөрөв. Нэмэгдсэн өртгийн албан татвар төлөгчөөр бүртгэх

 

4.1. Иргэн, хуулийн этгээд нь Нэмэгдсэн өртгийн албан татварын тухай хуулийн 6 дугаар зүйлийн 6.1 дэх заалтад заасны дагуу иргэн, хуулийн этгээдийн орлогын албан татварын тайлан, орлого, татвар тодорхойлох хуудсаар орлого, татвараа тайлагнасан өдрөөс хойш ажлын 3 өдөрт багтаан харьяалах татварын албандаа хандаж “Нэмэгдсэн өртгийн албан татвар төлөгчөөр бүртгүүлэх өргөдөл” / Хавсралт №1/-ийг бүрэн бөглөж дараах баримтыг хавсарган харьяалах татварын албанд ирүүлнэ. Үүнд:

            4.1.1. Нэмэгдсэн өртгийн албан татвар ногдох борлуулалтын орлогын хэмжээ 10.0 сая ба түүнээс дээш төгрөгт хүрсэн нь татварын албаар баталгаажсан орлогын албан татварын тайлан, иргэний орлого татвар тодорхойлох хуудас, харилцагч санхїїгийн байгууллагаар баталгаажсан санхүүгийн тайлан.

            4.1.2. Иргэн, хуулийн этгээд нь бараа, ажил, їйлчилгээ худалдах, нийлїїлэх гэрээтэй бол гэрээний хуулбар. /Сайн дураар нэмэгдсэн єртгийн албан татвар тєлєгчєєр бїртгїїлэх бол/

4.2. Энэ журмын 2.1.2-т заасан үндэслэлээр нэмэгдсэн өртгийн албан татвар төлөгчөөр бүртгэхдээ хяналт шалгалт явуулсан татварын улсын байцаагч Татварын ерөнхий хуулийн 33 дугаар зүйлийн 33.2.3-т заасны дагуу тухайн татвар төлөгчийг нэмэгдсэн өртгийн албан татвар төлөгчөөр бүртгүүлэх өргөдлийг гаргах тухай шаардлагыг татварын хяналт шалгалтын актын хамт татвар төлөгчид гардуулна. /Энэхүү шаардлагыг 2 хувь үйлдэх бөгөөд 1 хувийг нь Нэг цэгийн үйлчилгээний нэгжид хүлээлгэн өгнө./

4.3. Энэ журмын 4.1-д заасан хугацаанд нэмэгдсэн өртгийн албан татвар төлөгчөөр бүртгүүлэх өргөдөл гаргаагүй иргэн, хуулийн этгээдэд татварын албанаас Татварын ерөнхий хуулийн 33 дугаар зүйлийн 33.2.3-т заасны дагуу нэмэгдсэн өртгийн албан татвар төлөгчөөр бүртгүүлэх тухай шаардлага хүргүүлнэ.

4.4. Иргэн, хуулийн этгээд нь энэ журмын 4.2, 4.3-т заасан шаардлагыг хүлээн авснаас хойш ажлын 3 өдөрт багтаан харьяалах татварын албандаа хандаж “Нэмэгдсэн өртгийн албан татвар төлөгчөөр бүртгүүлэх өргөдөл”-ийг гаргаж, татвар төлөгчөөр бүртгүүлэн гэрчилгээ авна.

4.5. Татварын алба иргэн, хуулийн этгээдийн “Нэмэгдсэн өртгийн албан татвар төлөгчөөр бүртгүүлэх өргөдөл”-ийг хүлээн авснаас хойш Нэмэгдсэн өртгийн албан татварын тухай хуулийн 6 дугаар зүйлийн 6.2-т заасны дагуу ажлын 2 өдөрт багтаан иргэн, хуулийн этгээдийн харьяалах татварын албаны нэг цэгийн үйлчилгээний татварын улсын байцаагч хянаж “Нэмэгдсэн єртгийн албан татвар тєлєгчєєр бїртгэх шийдвэрийн хуудас” / Хавсралт №2/-ыг өргөдлийн арын нүүрэнд хэвлэн гаргана. Шийдвэрийн хуудсанд тухайн татварын албаны нэг цэгийн үйлчилгээ хариуцсан нэгжийн дарга баталгаажуулалт хийж, гарын үсэг зурж, тэмдэг дарна.

4.6 Шаардлагатай тохиолдолд татварын алба иргэн, хуулийн этгээдийн нэмэгдсэн өртгийн албан татвар төлөгчөөр бүртгүүлэх хүсэлтийг хянан үзэхдээ хуулийн үндэслэл, санхүү, татварын тайланг үнэн зөв, бодитой гаргасан эсэхийг нягтлан шалгах ба шийдвэр гаргах хугацаа нь энэ журмын 4.5-д заасан хугацаанд багтахааргүй бол энэ тухай иргэн, хуулийн этгээдэд албан бичгээр мэдэгдэнэ. /ТЕГ-ын даргын 2014-06-30-ны өдрийн А/207-р тушаалаар өөрчлөн найруулсан/

4.6¹ Энэ журмын 4.6-д заасан нягтлах шалгалтыг нягтлан бодох бүртгэлийн анхан шатны баримтанд үндэслэх бөгөөд нягтлан бодох бүртгэлийн анхан шатны бичиг баримтыг хянаж үзэх шаардлагатай гэж үзсэн тохиолдолд татвар төлөгчийн байр агуулах, ажлын байранд нь үзлэг тооллого, ажлын зураг авалт хийх замаар татвар төлөгчийн бүртгэлийн ажил хариуцсан байцаагч хэрэгжүүлнэ. /ТЕГ-ын даргын 2014-06-30-ны өдрийн А/207-р тушаалаар нэмсэн/

4.7. Нэмэгдсэн өртгийн албан татвар төлөгчөөр бүртгэх үндэслэлгүй эсхүл шаардлага хангаагүй иргэн, хуулийн этгээдэд энэ тухай албан бичгээр мэдэгдэх бөгөөд шалтгааныг нь тодорхой дурьдсан байна.

4.8. Энэ журмын 4.5-д заасан шийдвэрийн хуудсыг үндэслэн “Нэмэгдсэн өртгийн албан татвар төлөгчийн гэрчилгээ” /Хавсралт №3/-г тухайн татварын татвар төлөгчид олгох зэрэг асуудлыг нэг цэгийн үйлчилгээний нэгж хариуцан гүйцэтгэнэ. Гэрчилгээнд татвар төлөгчийн харьяалах татварын албаны дарга гарын үсэг зурж, тамга дарна. Шийдвэр бүхий “Нэмэгдсэн өртгийн албан татвар төлөгчөөр бүртгүүлэх өргөдөл”-ийг татвар төлөгчийн хувийн хэрэгт хадгална.

4.9. Нэмэгдсэн өртгийн албан татвар төлөгчөөр бүргүүлсэн иргэн, хуулийн этгээдийн нэмэгдсэн өртгийн албан татвар төлөгч болсон өдрийг тодорхойлохдоо Нэмэгдсэн өртгийн албан татварын тухай хуулийн 4 дүгээр зүйлийн 4.1.10 дахь заалтыг баримтална.

4.10. “Нэмэгдсэн өртгийн албан татвар төлөгчийн гэрчилгээ” нь татварын алба бїрт нэгдсэн дугаартай байх бөгөөд дугаарын эхний 2 оронтой тоо нь татварын албаны код, арын 5 оронтой тоо нь татвар тєлєгчийн бїртгэлийн дугаар байна. Нэмэгдсэн єртгийн албан татвар тєлєгчийн гэрчилгээний дугаарыг татвар тєлєгчид зєвхєн 1 удаа олгоно.

4.11 Нэмэгдсэн өртгийн албан татвар төлөгчийн гэрчилгээг ТЕГ-ын төрийн захиргаа, удирдлагын асуудал эрхэлсэн нэгжээс харъяа татварын албанд олгоно./ТЕГ-ын даргын 2014-06-30-ны өдрийн А/207-р тушаалаар өөрчлөн найруулсан/

 

4.12. Татвар төлөгч нь “Нэмэгдсэн өртгийн албан татвар төлөгчийн гэрчилгээ”-г гээгдүүлсэн буюу үрэгдүүлсэн бол гэрчилгээ олгосон татварын албандаа албан бичгээр хүсэлт гаргаж гэрчилгээг дахин авна. Татварын алба нь татвар төлөгчийн хүсэлтийн дагуу гэрчилгээг гээгдїїлсэн буюу їрэгдїїлсэн гэрчилгээний дугаараар хэвлэж нєхєн олгосон тухай тэмдэглэл їйлдэж олгоно .

 

Тав. Нэг бүлэг болгож нэмэгдсэн өртгийн албан татвар төлөгчөөр бүртгэх, бүртгэлээс хасах

 

            5.1. Нэмэгдсэн өртгийн албан татварын тухай хуулийн 6 дугаар зүйлийн 6.7-д заасны дагуу татвар төлөгчдийг нэг бүлэг болгон бүртгэж болно.

            5.2. Нэг бүлэг болж нэмэгдсэн өртгийн албан татвар төлөгчөөр бүртгүүлэх хуулийн этгээдүүд нь дараах шаардлагыг хангасан байна. Үүнд:

                        5.2.1. хуулийн этгээд тус бүр нь нэмэгдсэн өртгийн албан татвар төлөгч байх.      5.3. Бүлгийн нэрийн өмнөөс нэмэгдсэн өртгийн албан татвар төлөгчийн үүрэг хүлээх хуулийн этгээдээс бусад бүлэгт хамаарах хуулийн этгээд тус бүр нь Нэмэгдсэн өртгийн албан татварын тухай хуулийн 6 дугаар зүйлийн 6.8-д заасны дагуу өөрийн харьяалах татварын албандаа хүсэлт гаргаж албан бичгээр зөвшөөрөл авсан байна.

            5.4. Бүлгийн нэрийн өмнөөс нэмэгдсэн өртгийн албан татвар төлөгчийн үүрэг хүлээх хуулийн этгээд нь өөрийн татварын албандаа хандан “Нэг бүлэг болж нэмэгдсэн өртгийн албан татвар төлөгчөөр бүртгүүлэх өргөдөл”-ийн /Хавсралт №4/ дагуу хүсэлтээ гаргаж дараах баримт бичгийн хамт ирүүлнэ. Үүнд:

                        5.4.1. Нэмэгдсэн өртгийн албан татварын тухай хуулийн 6 дугаар зүйлийн 6.7-д заасан нөхцлийг хангасныг нотлох баримт /Хуулийн этгээдийн дүрэм, бусад холбогдох баримт/

                        5.4.2.Харьяалах татварын албаны зөвшөөрлийн албан бичиг;

                        5.4.3.Бүлэгт хамаарах хуулийн этгээд тус бүрийн нэмэгдсэн өртгийн албан татвар төлөгчийн гэрчилгээний хуулбар.

            5.5. Бүлгийн нэрийн өмнөөс нэмэгдсэн өртгийн албан татвар төлөгчийн үүрэг хүлээх хуулийн этгээдийн харьяалах татварын алба нь энэ журмын 5.4-т заасан өргөдөл, баримт бичгийг хүлээж авснаас хойш ажлын 2 өдрийн дотор хянаж энэ журмын 5.2-т заасан шаардлагыг хангаж байвал тухайн татварын албаны даргын “Нэг бүлэг болгож нэмэгдсэн өртгийн албан татвар төлөгчөөр бүртгэх тухай” тушаалаар татвар төлөгчдийг нэг бүлэг болгон нэмэгдсэн өртгийн албан татвар төлөгчөөр бүртгэж, энэ тухай бүлгийн өмнөөс татвар төлөгчийн үүрэг хүлээх хуулийн этгээдийн нэмэгдсэн өртгийн албан татвар төлөгчийн гэрчилгээнд нэмэлт хийж, гэрчилгээг дахин хэвлэж олгоно. Нэмэлтэд дараах зүйлсийг тусгана. Үүнд:

                        5.5.1.Тушаалын огноо, дугаар;

                        5.5.2.Бүлэгт хамаарах нэмэгдсэн өртгийн албан татвар төлөгчдийн хуулийн этгээдийн оноосон нэр, татвар төлөгчийн дугаар /ТТД/, нэмэгдсэн өртгийн албан татвар төлөгчийн гэрчилгээний дугаар;

            5.6. Бүлгээр нэмэгдсэн өртгийн албан татвар төлөгчөөр бүртгэхэд энэ журмын 4.6 дахь заалт адил үйлчилнэ.

5.7. Бүлгээр нэмэгдсэн өртгийн албан татвар төлөгчөөр бүртгэж авсан татварын алба нь бүлэгт хамаарах татвар төлөгчдийн харьяалах татварын албанд тухайн татвар төлөгчийг өөрийн татварын албанд бүлэг нэмэгдсэн өртгийн албан татвар төлөгчөөр бүртгэсэн тухайгаа тушаал гарснаас хойш ажлын 2 өдөрт багтаан албан бичгээр мэдэгдэж, тушаалын хуулбарын хамт хүргүүлнэ.

            5.8. Бүлэгт хамаарах татвар төлөгчдийн харьяалах татварын алба нь энэ журмын 5.7-д заасан тушаал, албан бичгийг үндэслэн тухайн татвар төлөгчийг нэмэгдсэн өртгийн албан татварын тайлан ирүүлбэл зохих татвар төлөгчийн жагсаалтаас хасна.

            5.9. Нэг бүлэг болж нэмэгдсэн өртгийн албан татвар төлөгчөөр бүртгүүлж буй татвар төлөгчдийн хувьд бүлгээр нэмэгдсэн өртгийн албан татвар төлөгч болсон өдөр гэж энэ журмын 5.5-д заасан татварын албаны даргын тушаал гарсан өдрийн дараа сарын эхний өдрийг ойлгоно.

5.10. Дараах үндэслэлээр бүлэг нэмэгдсэн өртгийн албан татвар төлөгчийн бүртгэлээс татвар төлөгчийг хасна. Үүнд:

                        5.10.1. Бүлэгт хамаарах татвар төлөгч нь энэ журмын 7 дугаар зүйлд заасны дагуу нэмэгдсэн өртгийн албан татвар төлөгчийн бүртгэлээс хасагдсан;

                        5.10.2. Эзэмшигч буюу толгой татвар төлөгч нь нэг бүлэгт хамрагдсан татвар төлөгчийн эд хөрөнгө буюу саналын эрхийн 66 ба түүнээс дээш хувийг эзэмшихээ больсон.

            5.11. Энэ журмын 5.10.1-т заасан нөхцөл бүрдсэн тохиолдолд харьяалах татварын алба нь энэ журмын 7.2-т заасны дагуу бүртгэлээс хасч энэ тухай эзэмшигч буюу толгой татвар төлөгчийн харьяалах татварын албанд албан бичгээр мэдэгдэж, холбогдох баримтыг хуулбарлан хүргүүлнэ. 

            5.12. Толгой татвар төлөгчийн харьяалах татварын алба нь энэ журмын 5.11-д заасны дагуу хүлээн авсан албан бичиг болон хавсралт баримтыг хянан үзэж тухайн татвар төлөгчийг бүлгийн бүртгэлээс хасах ба энэ тухай татвар төлөгчид албан бичгээр мэдэгдэнэ.

5.13. Энэ журмын 5.10.2-т заасны дагуу татвар төлөгчийг бүлгээс хасах нөхцөл бүрдсэнээс хойш ажлын 10 өдрийн дотор эзэмшигч /толгой/ татвар төлөгч нь нэг бүлэг болж бүртгэгдсэн харьяалах татварын албандаа энэ тухай албан бичгээр мэдэгдэж хуулийн этгээдийн дүрэм /түүнд орсон нэмэлт, өөрчлөлт/-ийн хамт ирїїлнэ.

5.14. Бїлэг татвар тєлєгчийн харьяалах татварын алба нь энэ журмын 5.13-д заасан албан бичгийг хїлээн авснаас хойш ажлын 5 єдєрт багтаан бїлгээс хасагдах нэмэгдсэн єртгийн албан татвар тєлєгчид хамаарах татварын илїї, дутуу тєлєлтийн тооцоог бїлэгт шилжїїлэн, татвар төлөгчийг бүлэг нэмэгдсэн өртгийн албан татвар төлөгчийн бүртгэлээс хасах тухай татварын албаны даргын /хэдийнээс буюу аль тайлант хугацаагаар тасалбар болгон бүлгээс хасч буйг тодорхой заасан/ тушаал гаргаж тушаалын хувийг албан бичгийн хамт бүлгээс хасагдаж буй татвар төлөгчийн харьяалах татварын алба болон эзэмшигч татвар төлөгчид тус тус хүргүүлнэ. Бїлэг татвар тєлєгчийн бїртгэлээс хасагдаж буй татвар тєлєгчийг татварын аливаа тооцоогїйгээр татвар тєлєгчийн харьялах татварын албанд шилжїїлнэ.

5.15. Энэ журмын 5.14-т заасны дагуу бүлэг нэмэгдсэн өртгийн албан татвар төлөгчийн бүртгэлээс хасагдсан татвар төлөгчийг тайлан ирүүлбэл зохих татвар төлөгчийн жагсаалтад нэмж, тасалбар болгосон тайлант хугацаанаас хойшхи хугацааны татварын тайланг хүлээн авах, тооцоо хийх асуудлыг харьяалах татварын алба нь хариуцна.

5.16. Бїлэгт хамаарах татвар тєлєгч нь сайн дураараа уг бїлгээс хасагдах тухай хүсэлтээ бїлгийг харьяалах татварын албандаа албан бичгээр гаргах бөгөөд татварын алба нь татвар төлөгчийг нэг бүлэг бүртгэлээс хасахдаа энэ журмын  5.13-5.15-д заасныг баримтална.

5.17. Нэг бїлэг болж нэмэгдсэн єртгийн албан татвар тєлєгчєєр бїртгэгдсэн татвар тєлєгчид бїлгийг татан буулгах тухай хїсэлтээ бїлгийг харьяалах татварын албандаа албан бичгээр гаргах бөгөөд татварын алба нь бїлгийг татан буулгахдаа энэ журмын 5.15, 7.2-т заасныг баримтална.

 

Зургаа. Нэмэгдсэн өртгийн албан татвар төлөгчийн бүртгэлд нэмэлт, өөрчлөлт оруулах

 

            6.1. Татварын ерөнхий хуулийн 13 дугаар зүйлийн 13.6 дахь заалтад заасны дагуу татвар төлөгч нь улсын бүртгэлийн гэрчилгээ, хувийн хэрэгт тусгагдсан зүйл өөрчлөгдөх бүрт өөрчлөлт орсноос хойш ажлын 20 өдрийн дотор татварын албанд мэдэгдэж бүртгэл, хувийн хэрэгтээ өөрчлөлт хийлгэх ба уг нэмэлт өөрчлөлтийг нэмэгдсэн өртгийн албан татвар төлөгчийн бүртгэлд тусгуулна.

           6.2 Гэрчилгээнд тусгагдсан мэдээлэл өөрчлөгдөх бүрт татварын алба татвар төлөгчийн хүсэлтээр гэрчилгээнд нэмэлт өөрчлөлтийг хийх бөгөөд гэрчилгээг нөхөн олгох тохиолдолд хуучин гэрчилгээг хүчингүй болгож, дахин олгоно. /ТЕГ-ын даргын 2014-06-30-ны өдрийн А/207-р тушаалаар өөрчлөн найруулсан/

 

Долоо. Нэмэгдсэн өртгийн албан татвар төлөгчийн бүртгэлээс хасах

 

7.1.Татвар тєлєгч нь нэмэгдсэн єртгийн албан татвар тєлєгчийн бїртгэлээс хасагдах тухай хїсэлтээ татварын албанд албан бичгээр гаргаж болно. Татварын алба татвар тєлєгчийн дараах үндэслэлээр татвар төлөгчийг нэмэгдсэн өртгийн албан татвар төлөгчийн бүртгэлээс хасна.Үүнд:

            7.1.1. Нэмэгдсэн өртгийн албан татварын тухай хуулийн 6 дугаар зүйлийн 6.11-д зааснаар буюу нэмэгдсэн өртгийн албан татвар төлөгчөөр бүртгүүлснээс хойшхи нэг жилийн хугацаанд албан татвар ногдох орлогын хэмжээ 10.0 сая төгрөгт хүрээгүй нь татварын тайлангаар нотлогдсон бөгөөд дараагийн жилүүдэд уг орлогын хэмжээ 10.0 сая төгрөг хүрэхгүй нөхцөл бүрдсэн, эсхүл “Х” тайлан ирүүлж буйг тухайн татвар төлөгчийн хариуцсан татварын улсын байцаагч нь тодорхойлсон;

            7.1.2. Нэмэгдсэн өртгийн албан татварын тайланг нэг жилийн хугацаанд ирүүлээгүй;

            7.1.3. Татвар төлөгчийн үндсэн бүртгэлээс хасагдсан.

7.2.Татварын алба нь энэ журмын 7.1.1, 7.1.2-д заасан нөхцөлд дараах журмаар нэмэгдсэн өртгийн албан татвар төлөгчийн бүртгэлээс хасна. Үүнд:

7.2.1  Татвар төлөгчийг харъяалах татварын албаны татвар төлөгчийн бүртгэлийн ажил хариуцсан нэгж нь “Нэмэгдсэн өртгийн албан татвар төлөгчийн бүртгэлээс хасах карт” (Хавсралт № 5)-ыг нээж, тухайн татвар төлөгчийн эрсдэлийг тодорхойлуулахаар эрсдэлийн удирдлагын асуудал эрхэлсэн нэгжид шилжүүлэх ба  эрсдэлийн нэгжээс гаргасан дүгнэлтэд үндэслэн эрсдэлтэй татвар төлөгчийн нэмэгдсэн өртгийн албан татварын ногдуулалт, төлөлтийн байдалд хяналт шалгалт хийлгэхээр Хяналт шалгалтын ажил хариуцсан нэгжид шилжүүлж, энэ тухай бүртгэл хөтөлнө. Эрсдэлгүй гэж үзсэн татвар төлөгчийг хяналтанд шалгалтанд хамруулахгүйгээр нэмэгдсэн өртгийн албан татвар төлөгчийн төрлийн бүртгэлээс хасна./ТЕГ-ын даргын 2014-06-30-ны өдрийн А/207-р тушаалаар өөрчлөн найруулсан/

 7.2.2.Хяналт шалгалтын хэлтэс /тасаг/ нь “Нэмэгдсэн өртгийн албан татвар төлөгчийн бүртгэлээс хасах карт”-ыг хүлээн авснаас хойш ажлын 20 өдөрт багтаан татварын хяналт шалгалт хийж, Нэмэгдсэн өртгийн албан татварын тухай хуулийн 7 дугаар зүйлийн 7.3.2-т заасны дагуу өөрт үлдээсэн бараанд нэмэгдсэн өртгийн албан татвар ногдуулж, “Нэмэгдсэн өртгийн албан татварын ногдуулалт, төлөлтийг баталгаажуулсан акт” үйлдэнэ.

7.2.3 “Нэмэгдсэн өртгийн албан татвар төлөгчийн бүртгэлээс хасах карт” болон “Нэмэгдсэн өртгийн албан татварын ногдуулалт, төлөлтийг баталгаажуулсан акт”-ыг үндэслэн татвар төлөгчийн харъяалах татварын албаны даргын тушаалаар нэмэгдсэн өртгийн албан татвар төлөгчийн бүртгэлээс хасч нэмэгдсэн өртгийн албан татварын илүү, дутуу үлдэгдлийг холбогдох журмын дагуу шийдвэрлэнэ. /ТЕГ-ын даргын 2014-06-30-ны өдрийн А/207-р тушаалаар өөрчлөн найруулсан/

7.2.4. Татвар төлөгчийн харьяалах татварын албаны даргын тушаал гарсан өдрөөс татвар төлөгчийг нэмэгдсэн өртгийн албан татвар төлөгчийн бүртгэлээс хасагдсанд тооцно.

7.2.5.Татварын алба нь бүртгэлээс хасагдсан татвар төлөгчийн нэмэгдсэн өртгийн албан татвар төлөгчийн гэрчилгээ болон үлдэгдэл нэмэгдсэн өртгийн албан татварын тусгай падааныг хураан авна.

 7.2.6.“ Нэмэгдсэн өртгийн албан татвар төлөгчийн бүртгэлээс хасах карт” болон  нэмэгдсэн өртгийн албан татвар төлөгчийн гэрчилгээг татвар төлөгчийн хувийн хэрэгт хадгална.

7.3. Татварын алба нь энэ журмын 7.1.3-т заасан нөхцөл бүрдсэн татвар төлөгчийн хувьд нэмэгдсэн өртгийн албан татвар төлөгчийн бүртгэлээс хасах тухай харьяалах татварын албаны даргын тушаал гаргахгүй бөгөөд холбогдох шийдвэр, баримтыг үндэслэн татвар төлөгчийн бүртгэл хариуцсан татварын улсын байцаагч хасалт хийж, энэ тухай тухайн татварын албаны даргад танилцуулна.

7.4. Нэмэгдсэн өртгийн албан татвар төлөгчийн бүртгэлээс хасагдсан нь тухайн этгээдийн нэмэгдсэн өртгийн албан татвар төлөгч байсан хугацаанд үйл ажиллагаа явуулсан эсэхээс үл хамааран  түүнийг нэмэгдсэн өртгийн албан татварын хуулийн дагуу хүлээлгэх хариуцлагаас чөлөөлөх, нэмэгдсэн өртгийн албан татвар төлөгчөөр дахин бүртгүүлэхгүй байх үндэслэл болохгүй.

Найм. Нэмэгдсэн өртгийн албан татвар төлөгчийн бүртгэлийн тухай нийтэд мэдээлэх

 

           8.1 Татварын ерөнхий газрын татвар төлөгчийн бүртгэлийн ажил хариуцсан нэгжээс улсын хэмжээнд нэмэгдсэн өртгийн албан татвар төлөгчөөр бүртгэгдсэн болон бүртгэлээс хасагдсан иргэн, хуулийн этгээдийн жагсаалтыг татварын албаны цахим хуудсаар мэдээлнэ. /ТЕГ-ын даргын 2014-06-30-ны өдрийн А/207-р тушаалаар өөрчлөн найруулсан/

 

Ес. Нэмэгдсэн өртгийн албан татвар төлөгчөөр бүртгэх явцад үүсэн маргааныг хянан шийдвэрлэх

 

            9.1. Иргэн, хуулийн этгээд нь нэмэгдсэн өртгийн албан татвар төлөгчөөр бүртгэх, бүртгэлээс хасах үйл ажиллагаатай холбогдсон гомдлоо тухайн татварын албаны дээд шатны татварын албаны даргад гаргана.

            9.2. Дээд шатны татварын албаны шийдвэрийг хүлээн зөвшөөрөхгүй бол шүүхээр шийдвэрлүүлнэ.

 

 

ооОоо