Засгийн Газрын 2002 оны 139 дүгээр тогтоолын хавсралт

ХҮН АМЫН БИЕ БЯЛДРЫГ ЧИЙРЭГЖҮҮЛЭХ ҮНДЭСНИЙ ХӨТӨЛБӨР

 

1.1. Өнөөгийн байдал

Дэлхийн эрүүл мэндийн байгууллагаас хүнийг өвчлөхөөс урьдчилан сэргийлэх, эрүүл мэндэд сөрөг нөлөө үзүүлж буй хүчин зүйлийг багасгах, амьдрах орчинг сайжруулж, зөв дадал, хэвшлийг төлөвшүүлэхэд  чиглэсэн нийгмийн эрүүл мэндийг дэмжих бодлогыг хэрэгжүүлж байна.

Дэлхийн эрүүл мэндийн байгууллага идэвхтэй хөдөлгөөний хомсдол нь тахир дутуу болох, нас барах 10 гол шалтгааны нэг гэж үзэж байгаа юм.

1.2 Тулгамдсан асуудал

1.2.1. Монгол Улсын хүн амын нас баралтын шалтгаанд хөдөлгөөний хомсдолоос хамааралтай цусны эргэлтийн тогтолцооны эмгэг, хавдар, хоол шингээх эрхтэний өвчнүүд зонхилж байгаа бөгөөд цусны эргэлтийн тогтолцооны өвчин жилээс жилд нэмэгдэж, 2001 онд нас баралтын шалтгааны 35,3%-ийг эзлэх болсон байна. Гэтэл цусны даралт ихтэй өвчтөний 82,2% нь биеийн тамираар огт хичээллэдэггүй ажээ.

1.2.2. Монгол Улсын хүн амын 31,8% нь илүү жинтэй, илүү жинтэй хүмүүсийн 51,1% нь Улаанбаатар хотод амьдардаг, 30,4%-ийг оюуны ба хөнгөн хөдөлмөр эрхлэгчид, 41,9%-ийг ажилгүй хүмүүс эзэлж байгаа бөгөөд тэдгээрийн 76,2% нь биеийн тамирын дасгал хийдэггүй нь судалгаагаар тогтоогджээ.

1.2.3. Хүн бүр биеийн тамир, чийрэгжилтийг амьдралынхаа хэрэгцээ болговол бие бялдраа үв тэгш хөгжүүлээд зогсохгүй аливаа өвчнөөс урьдчилан сэргийлэх боломж нэмэгдэж, улмаар  хувь хүн болон нийгэмд эдийн засгийн хэмнэлт гаргах нөхцөл бүрдэх юм.

1.2.4. 2000 оны "Хүн амын бие бялдрын хөгжилтийн түвшинг тодорхойлох сорил"-ын дүнгээр судалгаанд хамрагдсан сургуулийн өмнөх насны хүүхдийн 48.6%, өсвөр насны хүүхдийн  40.1%, насанд хүрсэн иргэдийн 42.6% нь тус тус бие бялдрын зохих түвшинд хүрээгүй, цэрэг татлагын эрүүл мэндийн үзлэгт орсон залуучуудын 3 хүн тутмын нэг нь өвчний учир, таван хүн тутмын нэг нь бие бялдрын хөгжил дутмагийн улмаас цэргийн албанд тэнцэхгүй гэсэн үнэлгээ авсан байна.

Хоёр. Хөтөлбөрийн зорилго, зорилт

2.1 Хөтөлбөрийн зорилго

Хүн амын бие бялдрын боловсролыг дээшлүүлэх, нийтийн биеийн тамирыг хөгжүүлэх замаар хөдөлгөөний хомсдолоос шалтгаалсан өвчлөл, эндэгдлийг бууруулах.

2.2 Хөтөлбөрийн зорилт:

2.2.1. Хүн амын эрүүл мэндийг бэхжүүлэх, биеийн тамир, чийрэгжүүлэлтийн арга хэмжээг дэмжих орчин бүрдүүлэх;

2.2.2. Хүн амын дунд явуулах нийтийн биеийн тамирын мэдээлэл, сургалт, сурталчилгааны ажлыг сайжруулах;

2.2.3. Хөтөлбөрийг хэрэгжүүлэх үйл ажиллагаанд төрийн болон төрийн бус байгууллага, аж ахуйн нэгж, хамт олон, иргэдийн оролцоо, идэвхи санаачлага, хамтын ажиллагааг өрнүүлэх, дэмжих замаар хүн амыг хөдөлгөөний хомсдолоос сэргийлэх арга хэмжээг эрчимжүүлэх;

2.2.4. Бие бялдрын хөгжил дутмаг, хөдөлгөөний хомсдолоос хамааралтай өвчтэй хүмүүст үзүүлэх эрүүл мэндийн тусламж, үйлчилгээг сайжруулах.

Гурав. Хөтөлбөрийн хүрээнд хэрэгжүүлэх

    үйл ажиллагааны төлөвлөгөө

 

 

 

Дөрөв.Хөтөлбөрийн удирдлага, зохион

байгуулалт,санхүүжилт, хугацаа

 

4.1 Хөтөлбөрийн удирдлага, зохион байгуулалт

 

4.1.1. Хөтөлбөрийг хэрэгжүүлэх үйл ажиллагааг улсын хэмжээнд мэргэжлийн түвшинд зохион байгуулах, удирдлага зохицуулалт, мэдээллээр хангаж, хэрэгжилтэд хяналт тавих, үнэлгээ өгөх ажлыг эрүүл мэнд, биеийн тамир, боловсролын асуудал хариуцсан төрийн захиргааны төв байгууллага холбогдох мэргэжлийн байгууллагын оролцоотойгоор гүйцэтгэнэ.

 

4.1.2. Орон нутагт хөтөлбөрийн хэрэгжилтийг удирдан зохион байгуулах, хяналт тавих асуудлыг бүх шатны Засаг дарга, түүний Тамгын газар холбогдох мэргэжлийн байгууллагатай хамтран гүйцэтгэж, ажлын үр дүнг эрүүл мэндийн асуудал эрхэлсэн төрийн захиргааны төв байгууллагад тайлагнана.

     

      4.1.3. Эрүүл мэндийн асуудал эрхэлсэн төрийн захиргааны төв байгууллага хөтөлбөрийн хэрэгжилтийн явц, үр дүнг Нийгмийн эрүүл мэндийн үндэсний зөвлөл, Засгийн газарт жил бүр тайлагнаж байна.

 

 

4.2 Хөтөлбөрийн санхүүжилт

 

      Үндэсний хөтөлбөрийн санхүүжилт нь улсын төвлөрсөн болон орон нутгийн төсвийн хөрөнгө, олон улсын байгууллагын хандив, тусламж, гадаад, дотоодын төрийн болон төрийн бус байгууллага, аж ахуйн нэгж, хамт олон, иргэдийн хандив, тусламжийн хөрөнгөөс бүрдэнэ.

 

4.3 Хөтөлбөрийн хугацаа

 

      Хөтөлбөрийг 2002–2008 онд хэрэгжүүлнэ.

 

Тав. Хөтөлбөрийн хэрэгжилтийн хяналт,шалгуур үзүүлэлт

 

      5.1. Хөтөлбөрийн хэрэгжилтийн явц, үр дүнд шинжилгээ хийх, үнэлгээ өгөх ажлыг эрүүл мэндийн асуудал эрхэлсэн төрийн захиргааны төв байгууллагын хяналт-шинжилгээ, үнэлгээний газар, аймаг, нийслэлийн Засаг даргын Тамгын газар гүйцэтгэнэ.

 

5.2.Хөтөлбөрийн шалгуур үзүүлэлт /Энэ хэсгийг Засгийн газрын 2005 оны 97 дугаар тогтоолоор өөрчилсөн/

 

 

 

 

 

 

-----оОо-----