БОЛОВСРОЛЫН МАГАДЛАН ИТГЭМЖЛЭХ БАЙГУУЛЛАГЫН ДҮРЭМ (Засгийн газрын 2018 оны 281 дүгээр тогтоолоор хүчингүй болсонд тооцсон)

Хүчингүй эрх зүйн акт

~~Засгийн газрын 2003 оны 276 дугаар тогтоолын хавсралт~~

~~БОЛОВСРОЛЫН МАГАДЛАН ИТГЭМЖЛЭХ БАЙГУУЛЛАГЫН ДҮРЭМ~~

(Засгийн газрын 2018 оны 281 дүгээр тогтоолоор хүчингүй болсонд тооцсон)

~~Нэг. Нийтлэг зүйл~~

1.1. Боловсролын магадлан итгэмжлэх байгууллага нь дээд боловсролын сургалтын байгууллага, мэргэжлийн сургалт-үйлдвэрлэлийн төвийн үйл ажиллагааны түвшин, сургалтын хөтөлбөр, стандартын хэрэгжилтийн чанарт хөндлөнгийн мэргэжлийн үнэлгээ хийж сургалт эрхлэх шаардлагыг хангаж байгаа талаар дүгнэлт гаргах үйл ажиллагааг хэрэгжүүлнэ.

1.2. Боловсролын магадлан итгэмжлэх байгууллага нь хууль тогтоомж, энэхүү дүрмийн хүрээнд үйл ажиллагаа явуулж дээд болон мэргэжлийн сургалтын байгууллагуудад сургалт-арга зүйн туслалцаа үзүүлж, магадлан итгэмжлэх чиг үүргийг хэрэгжүүлэх эрх бүхий боловсролын байгууллага байна.

1.3. Магадлан итгэмжлэх байгууллага нь үйл ажиллагаандаа сургалтын байгууллага, тэдгээрийн нэгжийн бие даасан байдлыг хүндэтгэх, байгууллага болон хөтөлбөрүүдэд жигд шаардлага тавих, аливаа асуудлыг бусдын нөлөөнд үл автан олонхийн саналаар шийдвэрлэх зарчмыг баримтлан ажиллана.

1.4. Магадлан итгэмжлэл хийлгэх тухай хүсэлт гаргасан сургалтын байгууллага магадлан итгэмжлэх байгууллагатай гэрээ байгуулан холбогдох үйлчилгээний төлбөрийг төлнө. Төлбөрийн хэмжээ, холбогдох зардлын жишгийг Боловсролын магадлан итгэмжлэх байгууллагын саналыг үндэслэн боловсролын асуудал эрхэлсэн Засгийн газрын гишүүн батална.

1.5. Гэрээнд өөрөөр заагаагүй бол буруу дүгнэлт гаргасны улмаас учирсан хохирлыг Боловсролын магадлан итгэмжлэх байгууллага бүрэн хариуцна.

1.6. Магадлан итгэмжлэх үйл ажиллагаа нь нээлттэй, ил тод байна. Магадлан итгэмжлэгдсэн сургалтын байгууллага болон хөтөлбөрийг Боловсролын магадлан итгэмжлэх байгууллагаас нийтэд мэдээлж байна.

1.7. Магадлан итгэмжлэлийг сайн дурын үндсэн дээр явуулна. Төрийн захиргааны төв байгууллага болон ажил мэргэжлийн холбоод тодорхой хөтөлбөрт магадлан итгэмжлэл хийлгэх хүсэлт гаргавал Боловсролын магадлан итгэмжлэх байгууллага түүнийг хүлээн авч зохих журмын дагуу магадлан итгэмжлэл хийнэ.

1.8. Сургалтын хөтөлбөрт үнэлгээ өгч дүгнэлт гаргах үүрэг бүхий төрөлжсөн мэргэжлийн зөвлөлүүдийг Боловсролын магадлан итгэмжлэх байгууллага дэргэдээ байгуулан ажиллуулж болно. Тодорхой хөтөлбөрийг магадлан итгэмжлэхдээ Боловсролын магадлан итгэмжлэх байгууллага төрөлжсөн мэргэжлийн зөвлөлийн санал дүгнэлийг үндэслэн эцсийн шийдвэрийг гаргана.

1.9. Сургалтын байгууллагыг магадлан итгэмжилсэн шийдвэрийн хүчин төгөлдөр байх хугацаа эхний удаад 5 жил, дараагийн удаад 10 жил байна. Боловсролын зэрэг олгох сургалтын хөтөлбөрийн магадлан итгэмжлэх хугацааг мэргэжлийн зөвлөлийн саналыг үндэслэн Боловсролын магадлан итгэмжлэх байгууллагаас 5-8 жилээр тогтооно.

1.10. Сургалтын байгууллага татан буугдсан, магадлан итгэмжлэгдсэн байгууллагын бүрэлдэхүүнээс гарч бие даан өөрчлөн байгуулагдсан, сургалтын хөтөлбөрийн чиглэл нь өөрчлөгдсөн, магадлан итгэмжлэлийн хугацаа дууссан тохиолдолд тухайн байгууллага болон хөтөлбөрийг магадлан итгэмжилснийг гэрчлэх баримт бичиг хүчингүй болно. Магадлан итгэмжлэгдсэн болон итгэмжлэгдээгүй сургалтын хэд хэдэн байгууллага нэгдсэн тохиолдолд магадлан итгэмжлэл хүчинтэй байна.

Хоёр. Боловсролын магадлан итгэмжлэх байгууллагын талаар боловсролын асуудал эрхэлсэн төрийн захиргааны төв байгууллагын эрх

~~2.1. Боловсролын магадлан итгэмжлэх байгууллага шинжээчдэд тавих шаардлага, шалгуур үзүүлэлтүүдийг тогтооно.~~

~~2.2. Боловсролын магадлан итгэмжлэх байгууллагад эрх олгож улсын бүртгэлд бүртгэнэ.~~

2.3. Боловсролын магадлан итгэмжлэх байгууллагын саналыг үндэслэн тус байгууллагад ажиллах шинжээчдэд эрх олгоно.

2.4. Боловсролын болон бусад хууль тогтоомж, энэхүү дүрэм, холбогдох шаардлага, шалгуур үзүүлэлтүүдийг зөрчсөн Боловсролын магадлан итгэмжлэх байгууллага, шинжээчдийн эрхийг хугацаанаас нь өмнө зогсоож болно.

~~Гурав. Боловсролын магадлан итгэмжлэх байгууллагын бүрэн эрх~~

~~3.1. Боловсролын магадлан итгэмжлэх байгууллага нь дор дурдсан үүрэг хүлээнэ:~~

а/магадлан итгэмжлэлийн үйл ажиллагааг боловсронгуй болгох замаар Монгол Улсын боловсролын чанарыг дээшлүүлж, олон улсын нийтлэг жишигт хүргэхэд хувь нэмэр оруулах;

~~б/сургалтын байгууллагаас гаргасан хүсэлтийн дагуу тэдгээрт үйл ажиллагаатай нь холбоотой зөвлөлгөө өгөх;~~

в/магадлан итгэмжлэлийн урьдчилсан шаардлага, шалгуур үзүүлэлтүүд, өөрийн үнэлгээ хийх чиглэлийг тогтоож өөрийн үнэлгээний тайланд тавих нийтлэг шаардлагыг тодорхойлох;

г/магадлан итгэмжлэх үйл ажиллагааны талаар сургалт зохион байгуулах, шинжээчдийг мэргэшүүлэх, нийтэд мэдээлэл өгөх, ном, товхимол хэвлүүлэх;

д/магадлан итгэмжлэгдсэн сургалтын байгууллага болон сургалтын хөтөлбөрийн нэгдсэн бүртгэл хөтөлж улсын хэмжээний сан бүрдүүлэх, тайлан мэдээ гаргах, боловсролын асуудал эрхэлсэн төрийн захиргааны төв байгууллагыг мэдээллээр хангах, бүтээгдэхүүн нийлүүлэх;

е/ижил төрлийн үйл ажиллагаа эрхэлдэг гадаад орон болон олон улсын байгууллагуудтай холбоо тогтоон хамтран ажиллах, магадлан итгэмжлэх үйл ажиллагаанд гадаад орны мэргэшлийн шинжээчдийг оролцуулах.

~~3.2. Боловсролын магадлан итгэмжлэх байгууллага дор дурдсан эрх эдэлнэ:~~

а/Боловсролын тухай, Дээд боловсролын тухай, Мэргэжлийн боловсрол, сургалтын тухай хуулиуд болон энэхүү дүрэмд нийцүүлэн магадлан итгэмжлэх үйл ажиллагааг эрхлэн явуулах;

б/магадлан итгэмжлүүлэхээр ирүүлсэн материалтай танилцаж, шаардлага хангаагүй тохиолдолд зохих үндэслэлээр буцаах;

~~в/ магадлан итгэмжлэлийн үйл ажиллагааг арга зүйн удирдлагаар хангах;~~

~~г/магадлан итгэмжлэлийн холбогдолтой баримт бичгийн загварыг батлах;~~

~~д/сургалтын байгууллага болон хөтөлбөрийг магадлан итгэмжлэгдсэнийг баталгаажуулан "Гэрчилгээ" олгох;~~

~~е/хууль тогтоомжид заасан бусад эрх.~~

~~----оОо----~~

Шүүлтүүр

Сонсох:

Эрх зүйн актууд

Санал хүсэлт