legalinfo.mn

+(976)-11-323317

info@legalinstitute.mn

A

A

A

en
Нууц үг сэргээх Шинээр бүртгүүлэх
  • Бүртгүүлэх
  • Нүүр
  • Засгийн газрын тогтоол
  • ХИЛИЙН ХЯНАЛТЫН БАЙГУУЛЛАГУУДЫН ҮЙЛ АЖИЛЛАГААГ ЗОХИЦУУЛАХ ЖУРАМ /ЗГ-ын 2014 оны 275-р тогтоолоор хүчингүй болсонд тооцсон/
Шүүлтүүр
Бүлэг: 1979
Засгийн газрын 2003 оны 20 дугаар тогтоолын хавсралт


ХИЛИЙН ХЯНАЛТЫН БАЙГУУЛЛАГУУДЫН ҮЙЛ АЖИЛЛАГААГ ЗОХИЦУУЛАХ ЖУРАМ
/ЗГ-ын 2014 оны 275-р тогтоолоор хүчингүй болсонд тооцсон/
 
1. Хилийн боомт, гүний гаалийн хяналтын талбайд ажиллаж байгаа хилийн хяналтын байгууллагууд /хил хамгаалах байгууллагын шалган нэвтрүүлэх алба, хилийн мэргэжлийн хяналтын алба, гаалийн байгууллага/ өдөр тутмын үйл ажиллагаа явуулахдаа энэхүү журмыг мөрдөнө. /ЗГ-ын 2011-361-р тогтоолоор өөрчлөлт орсон/
2.Хил хамгаалах байгууллага нь хилийн боомтод ажиллах хяналтын албадын үйл ажиллагааг дор дурдсанаар уялдуулан зохицуулна:
2.1. хилийн мэргэжлийн хяналтын алба, хил хамгаалах болон гаалийн байгууллагын үйл ажиллагааны үндсэн зарчмын дагуу тухайн нөхцөл  байдалд зохицуулан хяналт шалгалт явуулах ерөнхий горимыг тогтоох;
2.2. шаардлагатай цэг, газарт хамтарсан ажиллагаа явуулах;
2.3. шаардлагатай чиглэлд хүч хэрэгслийг төвлөрүүлэх, хүн хүчний нэмэлт туслалцаа үзүүлэх.
3. Хилийн хяналтын байгууллагууд холбогдох хууль тогтоомжийн дагуу дор дурдсан дарааллаар хяналт шалгалт явуулна:
3.1.Улсын хилээр гарах хөдөлгөөний чиглэлд:
      3.1.1. хилийн мэргэжлийн хяналтын алба;
      3.1.2. гаалийн байгууллага;
      3.1.3. гадаадын иргэн, харьяатын асуудал эрхлэх алба;
      3.1.4. хил хамгаалах байгууллагын шалган нэвтрүүлэх алба.
3.2. Улсын хилээр орох хөдөлгөөний чиглэлд:
      3.2.1. гадаадын иргэн, харьяатын асуудал эрхлэх алба;
      3.2.2. хил хамгаалах байгууллагын шалган нэвтрүүлэх алба;
      3.2.3. хилийн мэргэжлийн хяналтын алба;
      3.2.4. гаалийн байгууллага.

3.3. Гүний гаалийн хяналтын талбайгаар орох, гарах хөдөлгөөний чиглэлд:

3.3.1.Гүний мэргэжлийн хяналтын алба;

              3.3.2. Гүний гаалийн байгууллага

 

4. Хилийн хяналтын байгууллагуудын хяналт шалгалт дууссаны дараа зорчигч, бараа, тээврийн хэрэгслийг хилийн боомтын нутаг дэвсгэрээс гарах зөвшөөрлийг энэ журмын З-т заасан албадын санал, дүгнэлтийг үндэслэн хил хамгаалах байгууллагын шалган нэвтрүүлэх алба олгоно.
5. Хилийн боомтод  мөрдөх журмын хэрэгжилт, хяналт шалгалт, хамтын ажиллагаа, ажиллагсдын ажиллах нөхцөл байдалтай  холбоотой асуудлыг газар дээр нь  зохицуулах үүрэг бүхий орон тооны бус салбар зөвлөл хилийн боомтод ажиллана.
5.1. Салбар зөвлөлийн бүрэлдэхүүн нь тухайн боомтод ажиллаж байгаа хилийн хяналтын алба /хил хамгаалах байгууллагын шалган нэвтрүүлэх алба болон тагнуулын байгууллагын хилийн мэргэжлийн хяналтын алба, гадаадын иргэн, харьяатын асуудал эрхлэх алба, гаалийн байгууллага/-ны болон тагнуулын байгууллагын төлөөлөлтэй байна.(2011-04-13-ны 122-р тогтоолоор энэ хэсэгт нэмэлт орсон).
5.2. Шаардлагатай гэж үзвэл төмөр зам, агаарын замын боомт бүхий газарт төмөр замын өртөө, нисэх буудлын захиргааны төлөөллийг салбар зөвлөлийн бүрэлдэхүүнд оруулж болно.
5.3. Салбар зөвлөлийн үйл ажиллагааг хил хамгаалах байгууллагын шалган  нэвтрүүлэх  боомтын  дарга удирдана.
6. Хилийн тухай хууль тогтоомж, түүнд нийцүүлэн гаргасан эрх зүйн бусад акт болон энэхүү журмаар  хилийн боомтод үйл ажиллагаа явуулах эрх олгогдоогүй  байгууллагууд боомтын гадна, хил хамгаалах байгууллагаас тогтоосон цэгт үйл ажиллагаа явуулах бөгөөд албан ажлын шугамаар хилийн боомтод  зайлшгүй  нэвтрэн ажиллах шаардлага гарсан тохиолдолд хил хамгаалах байгууллагаас заавал зөвшөөрөл авна.
 
---о0о---
 
 
 
 
 
 
 
 

Текст томруулах

A

A

A