Засгийн газрын 1999 оны 198 дугаар тогтоолын 2-р хавсралт


БЭЛЭГ, ДУРСГАЛЫН ЗҮЙЛ ГАРДУУЛАХ, ХҮЛЭЭН АВАХ, ТАЙЛАГНАХ, ЗАРЦУУЛАХ ЖУРАМ

 

1.Монгол Улсын төр, засгийн удирдагчид, Засгийн газрын гишүүд болон Ерөнхийлөгчийн Тамгын газар, Улсын Их хурлын Тамгын газар, Засгийн газрын Хэрэг эрхлэх газрын удирдлага, аймаг, нийслэлийн Засаг дарга, тэдгээртэй адилтгах албан тушаалтнаас гадаад, дотоодын зочин, төлөөлөгчдөд бэлэг, дурсгалын зүйл гардуулах, илгээх, хүлээн авах, тэдгээрийг зарцуулах, тайлагнах үйл ажиллагаанд энэхүү журмыг мөрдлөг болгоно

 

                2.Монгол Улсын Ерөнхийлөгч, Улсын Их Хурлын дарга, Ерөнхий сайдаас Монгол Улсад албан ёсны айлчлал хийж буй тэдгээртэй адилтгах зиндааны гадаадын зочин, төлөөлөгчдөд өгөх бэлэг, дурсгалын зүйлийг баталсан төсвийн дагуу Төрийн ёслолын албаны бэлэг дурсгалын сангаас бүртгэл, тайланд тусган гаргаж зочны байранд хүргэж өгнө.

3.Дээрх албан тушаалтан албан ёсны айлчлалаас бусад үед гадаад, дотоодын зочин, төлөөлөгчдөд гарын бэлэг, дурсгалын зүйл гардуулах, илгээхэд Монгол Улсын Ерөнхийлөгчөөс 100,0 мянган төгрөг, Улсын Их Хурлын дарга, Ерөнхий сайдаас 80,0 мянган төгрөгөөс тус тус илүүгүй үнэтэй зүйл нэг хүнд ногдохоор тооцож төрийн ёслолын алба бэлэг дурсгалын сангаас бүртгэл, тайланд тусган гаргаж өгнө.

4.Монгол Улсын Гадаад харилцааны сайдаас гадаадын зочин, төлөөлөгчдөд нэг хүнд 65,0 мянган төгрөг, Монгол Улсын сайд болон аймаг, нийслэлийн засаг дарга, тэдгээртэй адилтгах албан тушаалтнаас тухайн салбар, чиглэлийн шугамаар албан ёсны айлчлал хийж буй ижил зиндааны гадаадын зочин, төлөөлөгчдөд нэг хүнд 50,0 мянган төгрөг, албан айлчлалын бус үеийн гадаад, дотоодын зочин төлөөлөгчдөд нэг хүнд 40,0 мянган төгрөгөөс тус тус илүүгүй үнэтэй зүйл байхаар тооцож уг яам, байгууллагын байрны захиргаа буюу санхүү, аж ахуй хариуцсан алба бүртгэл тайланд тусган гаргаж өгөх ажлыг зохион  байгуулна. 

5.Ерөнхийлөгчийн Тамгын газар, Улсын Их хурлын Тамгын газар, Засгийн газрын Хэрэг эрхлэх газрын удирдлагаас гадаад, дотоодын зочин, төлөөлөгчдөд гардуулах бэлэг, дурсгалын зүйлийг нэг хүнд 40,0 мянган төгрөгөөс илүүгүй үнэтэй байхаар тооцож төрийн ёслолын алба бэлэг дурсгалын сангаас бүртгэн гаргаж олгоно.

6.Зочин, төлөөлөгчдөд өгөх бэлэг, дурсгалын зүйлс нь соёлын чанартай зүйл байх бөгөөд Монгол Улсын хууль тогтоомжоор хориглосон түүх, дурсгалын үнэт эдлэл, байгалийн үнэт эрдэнэс баялгийн болон бусад зүйл байж үл болно

7.Монгол  үндэсний дээл, малгайг Монгол Улсад анх удаа айлчилж буй гадаад улсын төр, засгийн тэргүүн, тэдний гэргий /нөхөр/-д айлчлалын үеийн төсөвт тусган бэлэглэж болно.

8.Зочин, төлөөлөгчдийн очсон байгуллага бүр бэлэг өгөх шаардлагагүй, харин өөрийн танилцуулга, зурагт хуудас, энгэрийн тэмдэг дурсгаж болно.Бэлгийн зүйлийг тэдгээрийн урьсан байгууллага хариуцна..

9.Дээр дурдсан албан тушаалтнууд гадаад улсад айлчлах, дотоодод томилолтоор ажиллахад шаардагдах бэлэг, дурсгалын зүйлийн хэмжээг энэ бүлэгт заасны нэгэн адил мөрдөнө..

 

10.Монгол Улсын Ерөнхийлөгч, Улсын Их Хурлын дарга, Ерөнхий сайд болон Ерөнхийлөгчийн Тамгын газар, Улсын Их Хурлын Тамгын газар, Засгийн газрын Хэрэг эрхлэх газрын удирдлага гадаад, дотоодын зочин, төлөөлөгч, байгууллага, иргэдээс албан үүрэгтэй нь холбогдуулан өгсөн бэлэг, дурсгалын зүйлсийг Төрийн ёслолын албаар дамжуулан авна. Төрийн ёслолын алба бэлэг, дурсгалын зүйлийг үнэлүүлэн бүртгэлд тусгаж уг зүйл тухайн албан тушаалтны нэг сарын цалингаас илүүгүй үнэтэй бол эзэнд нь шууд дамжуулна. Хэрэв тухайн албан тушаалтан бэлэг, дурсгалын зүйлийг үнэ харгалзахгүйгээр бэлгийн санд шилжүүлэхийг хүсвэл уг зүйлийг зохих журмын дагуу үнэлүүлэн бүртгэж авна..

11.Тухайн албан тушаалтны нэг сарын цалингаас илүү үнэтэй бол Төрийн ёслолын алба дор дурдсан зарчмыг баримтлан шийдвэрлэнэ:

а/бэлгийн зүйлийг үнээр нь үнэлэн бэлгийн санд орлого болгох;

б/тухайн албан тушаалтан бэлэг, дурсгалын зүйлээ хувьдаа авах хүсэлт тавьсан тохиолдолд түүнийг нэг сарын цалингийн хэмжээнээс илүү гарах зөрүүг өөрөөс нь гаргуулан Төр, засгийн Үйлчилгээ, аж ахуйг эрхлэх газрын санхүүд шилжүүлж, уг бэлэг, дурсгалын зүйлийг өөрт нь олгох;

в/зочин, төлөөлөгч, байгууллага, иргэдээс өгсөн бэлэг, дурсгалын зүйл нь түүх, соёл, урлагийн дурсгалт зүйл, эрдэнэсийн сан хөмрөгт орох эдлэл буюу гадаад харилцааны түүхэнд холбогдох ховор эд материалд хамаарах зүйл байвал үнэ харгалзахгүйгээр бэлгийн санд тодорхой бүртгэн авч, шаардлагатай эд зүйлсийг зохих журмын дагуу үндэсний музей болон холбогдох бусад байгууллагад албан баримтаар шилжүүлэх

12. Дээрх албан тушаалтнуудаас бэлгийн санд бэлэг, дурсгалын зүйлийг хүлээж авсан болон хүлээлгэж өгсөн тухай актыг хоёр хувь үйлдэнэ.Уг актын нэг хувь тухайн албан тушаалтанд, үлдэх хувийг Төрийн ёслолын албаны бэлгийн сан хариуцсан ажилтан хадгалан Төр, засгийн Үйлчилгээ, аж ахуйг эрхлэх газарт улирал бүр тайлан гаргаж өгнө. Төр, засгийн Үйлчилгээ, аж ахуйг эрхлэх газар нь  дээрх тайланг хагас жил тутам Ерөнхийлөгчийн тамгын газар, Улсын Их Хурлын Тамгын газар, Засгийн газрын Хэрэг эрхлэх газарт мэдээлж байна.

13.Бэлгийн санд орлого болгосон эд зүйлийг Төрийн ёслолын албанаас Монгол Улсын Ерөнхийлөгчийн Тамгын газар, Улсын Их хурлын Тамгын газар, Засгийн газрын Хэрэг эрхлэх газартай зөвшилцөн зориулалтын дагуу ашиглан зарцуулна.

14.Монгол Улсын сайд болон  аймаг, нийслэлийн Засаг дарга, тэдгээртэй адилтгах албан тушаалтан зочин, төлөөлөгч, байгууллага, иргэдээс албан үйл ажиллагаатай нь холбогдуулан өгсөн бэлэг, дурсгалын зүйлийг хүлээн авах, тайлагнах, зарцуулах ажиллагааг энэ бүлэгт заасан журмын дагуу холбогдох алба, албан тушаалтнуудаар нэгэн адил гүйцэтгүүлнэ.

/ЗГ-ын 2012-141-р тогтоолоор 3-р бүлгийг хүчингүй болгосон/

 

15.Энэ журамд зааснаас бусад албан тушаалтан, ажилтан нараас албан ажлын шугамаар гадаад, дотоодын зочин, төлөөлөгч, байгууллага, иргэдэд бэлэг, дурсгалын зүйл гардуулах шаардлагатай бол тухайн байгууллагын удирдлагаас тусад нь төсөв батлуулан хэрэгжүүлж болно.

16.Дээрх албан тушаалтан, ажилтан нарт албан ажлынх нь чиг үүрэгтэй холбогдуулан зочин, төлөөлөгч, байгууллага, иргэдээс өгсөн бэлэг, дурсгалын зүйлийг мөн энэ журамд заасныг мөрдлөг болгон шийдвэрлэнэ.

/ЗГ-ын 2012-141-р тогтоолоор хүчингүй болгосон/